2 कुरिन्थियो 7:7 - सत मारग पर चलन वारो किताब

⁷ केवल यो गोस्टी नाहती का उ आवनवारा होतो पर वोको उ सान्ती लक भी अमीला खुसी करिसेत। वोना सांगिस का तुमी मोला चोवनो चाव्हासो, अना तुमी सरमावा सेव मोला बचान काजी तुम कितरो तैय्यार सेव एना सब गोस्टी लक अबा मी खूब खुस सेव।

2 कुरिन्थियो 7:7 ပူးပေါင်းရင်းမြစ်များ

मत्ती 26:75

तबा पतरस ला यीसु की कही हुयी सबद हेत, आई की, कुकड़ा को बाग देनो को पहिले तु तीन डाई मोरो मनाही करजोस। अना उ बाहेर जायके जोर लक रड़न लगयो।

मत्ती 5:4

धन्य सेत वय, जो सोक करासेत, काहे का वय सान्ती पाहेत।

लूका 22:44

यीसु संकट लक दूखी भय गयो अखीन गजब दूखी मन लक परमेस्वर लक पिराथना करन लग्यो। अखीन वोको पसी रकत को बुन्द जसो, थेम-थेम जघा मा टपकन लगीन।

पेरीत 11:23

उ उता जायके अना परमेस्वर को दया चोवके खुसी लक भर गयो; अना सबला सिक्सा देइस, का देह-मन लक पिरभू लक लिपटो अना बिनती करत रव्हो।

रोमियो 1:12

मोरो मतलब सेत का जबा अमी आपस मा भेट करहेत ता दुई पक्स को बिस्वास बढेत।

1 कुरिन्थियो 5:2

मंग काजक को गरब, एको उलट तुमरो मा उदासी होवनो पाहिजे। अना जोन मानूस ना असो काम कियो सेत वोला संगती लक बाहेर हेड़ो।

2 कुरिन्थियो 1:14

जेनको लक तुमी न काही-काही समजा सेत, का जसो हमी तुमरो गरब को कारन से वसोच तुमी भी हमरो पिरभू यीसु को दिवस मा हमरो पर गरब ठहरयो जाहे।

2 कुरिन्थियो 1:4

उ सब दुख मा अमीला, सान्ती देतो रव्हसेत। जोन लक, परमेस्वर को कन लक, अमीला जोन सान्ती भेटासेत, वोच को लक आमी दुसरो ला भी, उनको हरेक दुख मा सान्ती देवन को ताकत अमीला मिल जाय।

2 कुरिन्थियो 2:9

यो मीना तुमला यो चोवन लाय लिखीयो सेऊ। का तुमी परखा सेऊ का हर गोस्टी मा, हुकूम मानन वालो सेव का नही?

2 कुरिन्थियो 5:2

काहेकी एना घर मा त हमी कराहवता अना लगत पक्को आस राखासेजन का अपरो सरग को घर ला पेहर लेवबोन।

2 कुरिन्थियो 7:6

पर परमेस्वर निरास लोक गिनला आस देवासेत। तबच तो तितुस को आवन मा अमीला चैन मिली।

2 कुरिन्थियो 7:8

यहांन तकन का अगर वोना चिठ्ठी मा तुम्हिला दुख लगिसेत तो मोला कोनी गम नाहती मोला गम होय सकत होतो जबा जरा उसीर काजी तुमीला पस्तावा होतो।

2 कुरिन्थियो 8:16

परमेस्वर को धनवाद हो, जोनना तुमारो लाय वोच जोस तितुस को दिल मा डाख दियो सेत। काहेका तुमी आमरो मदद कर रहयो सेव।

फिलिप्पियो 1:20

मि यो खुल्लो दिल लक मनसा अना आसा राखासेऊ का मि कोनी गोस्टी मा नोको सरमाऊ, पर मोरो तन लक हमेसा मसीह को बड़ाई मोठो ताकत लक होत रव्हे, अबा मि चाव्ह जित्तो रव्हु या मर जाहुँ, पर वसोच बड़ाई होवतो रव्हे।

कुलुस्सियो 2:5

अखीन मि देह को मनसा लक तुमी लक दुहूर सेव, ता भी आतमिक मनसा लक तुमरो लक कगर सेव अना तुमरो साजरो जिंदगी ला अना तुमरो भरोसा ला जोन मसीह मा से मजबुती चोवके ना खुस सेव।

1 थिस्सलुनीकियो 3:6

पर अबा जबकि तीमुथियुस तुमरो भरोसा अना पिरेम की साजरो बारता आन के हमरो जवर लवट के आयो अना वोना यो भी सांगीसेस का तुमी ना हमला पिरेम लक हेत राखियासेव अना जसो हमी तुमला वसोच तुमी भी हमला देखन लाई लगत बेरा तकन तरसासेव।

1 थिस्सलुनीकियो 3:8

अदी तुमी पिरभू मा पक्को लक रव्हो त हमी सचमुच जित्तो सेजन।

इब्रानियो 2:1

एकोलाय अमिला जोन खबर भेटयो सेत। वोको कन आपरो बारीकी लक धियान देवनो पाहिजे। वा गमावू नका अना मारग भटक जाबिन।

याकूब 5:17

एलिय्याह भी त हमरो जसो दुख-सुख भोगी मानूस होतो अखीन वोना गिडगिडायके पिराथना करीस बादर नही बरसे अना साडे तीन बरस तकन धरती पर बादर नही बरसे।

2 योहन 1:4

तुमरो टूरा-टुरीहुन लाओना खरो को कनलक जिंदगी जीता चोयके जेनको हुकूम आमला मोठयो दआजी लक मिलयो से, मि लगत खुस हुयो सेऊ।

यहूदा 1:3

अगो चहेतो संगी हुन, अखिन भी मि लगत चाव्हत होतो का तुमला ओनो सूटकारा को बिसय मा लिखु, जोको आमी हिस्सेदार सेजन। मिना तुमीला लिखन की अना तुमला बढ़ावा देन की जरुरत सोचयो ताकि तुमी ओनो बिस्वास को लाई मेहनत करत रव्हो जेनला सब लक मोठो परमेस्वर ना संत मानूस हुन ला हमेसा को लाई दे दियो से।