2 कुरिन्थियो 6:6 - सत मारग पर चलन वारो किताब

⁶ पवीतर लक अक्ल लक धीरज लक किरपा लक पवीतर आतमा लक। सच्चो पिरेम लक

2 कुरिन्थियो 6:6 ပူးပေါင်းရင်းမြစ်များ

रोमियो 12:9

पिरेम पूरो ईमानदारी लक होवनो पाहिजे। बुराई लक बेगरो भयी जाव, जोन साजरो सेत वोला धरो।

रोमियो 15:19

अना निसान अखीन अचँभा काम को ताकत लक, अना पवीतर आतमा को ताकत लक, मोरो हात लक भई सेत। यहान लक का मि ना येरुसलेम लक, इतानी उतानी सब जघा इल्लुरिकुम तकन यीसु मसीह को साजरो बारता ला पूरो-पूरो सांगिसेऊ।

1 कुरिन्थियो 12:8

कोनी ला आतमा लक अक्ल को गोस्टी आयकवान काजी, कोनी ला वोच आतमा लक गियान को सबद बोलन को,

1 कुरिन्थियो 13:4

माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत।

1 कुरिन्थियो 2:16

जसो गीरंथ मा लिख्यो से “पिरभु को मन कोन जानासे? कोन ओला सलाह दे सकासे?” अना अमी मा मसीह को मन बसयो हुयो से।

1 कुरिन्थियो 2:4

अना मोरो सबद अना संदेस मा मानूस जसो चिकनो चुपड़ो गोस्टी नोहोति। बल्कि उनमा आतमा को ताकत अना सबूत होतो।

2 कुरिन्थियो 1:23

परमेस्वर गवाह सेत मी आपरो जिंदगी को किरिया सांग सेऊ। का मी यो काजी अब तकन कुरिन्थुस नही आईसेव का मी तुमीला दुख बचायो राखनो चाव्हत होतो।

2 कुरिन्थियो 11:11

कायको लाय? काय, एकोलाय का तुमरो लक मी पिरेम नही राखसू? परमेस्वर जानासेत का मी पिरेम राखासू।

2 कुरिन्थियो 11:4

अदी कोनी तुमरो जवर आयके कोनी दुसरो यीसु को परचार करयेत जेनको परचार हमी ना नही करयो कोनी अखीन आतमा तुमला मिलहेत जोन पहेल नही मिलयो होत्यो अना कोनी साजरो बारता आयकावत जेनको लक तुमी न पहेल नही मानयो होत्यो त तुमी वोला सह लेवासो।

2 कुरिन्थियो 11:6

अदी मी बोलनो मा अनाड़ी सेव, तबच अक्ल मा नही, हमी न एको हर एक गोस्टी मा सबच पिरकार लक तुमरो लाई परगट करीसेजन।

2 कुरिन्थियो 12:15

मी तुमारो आतमा लाय खुसी-खुसी खरच कर हिन, वरन मि खुद भी खरच भई जाहिन। का मी जितरो जादा तुमरो लक पिरेम करासू, ओतरो च कम रुप लक तुमी मोरो लक पिरेम राखना?

2 कुरिन्थियो 13:10

यो कारन मी तुमरो गयर हाजीर मा यो गोस्टी लिखासेऊ की हाजिर होयके मोला ओना हक को जसो जोनला पिरभु ना बिगाड़न को साठी नही पर बनावन को साठी मोला दियो से, कड़ाई लक काही करनो नही पड़ेह।

2 कुरिन्थियो 2:10

जबा तुमी कोनी ला माफी देवा सेव, तो उनना जोन काही कियो सेत वोला मी भी माफ करा सेऊ। जबा मी छिमा करा सेऊ, ता सहीमा मी मसिहा को हाजीर मा माफ करा सेऊ। काहेका तुम पर सैतान को जोर नोको चले।

2 कुरिन्थियो 2:4

काहेका मीना तुमीला यो गोस्टी दुखी दिल लक, डोरा लक पानी बोहाय-बोहाय के लिखि सेउ। यो साठी नाहय का तुमला दुख लगे, पर यो साठी सेत, का तुम यो जान सको का मी तुमरो लक कितरो माया राखासू।

2 कुरिन्थियो 3:3

अना असो पिरगट करयेत का मसीह की चिठ्ठी तुमी सेव जेकी देख-रेख अना जोन त स्याही लक नही अखीन न गोटा की पाटी पर जित्तो परमेस्वर की आतमा लक मानूस को देह हिरदय पर लिखयो गयो से।

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

2 कुरिन्थियो 7:2

आपरो दिल मा हमारो लाय जघा बनाओ। हमीना कोनी को हानी नहीं करेसेजन। ना अमीना कोनीला बरबाद करीसेजन। ना कोनीलक फायदा लेवन को कोसिस करीसेजन।

गलातियो 3:2

मि तुमी लक केवल एतरोच जानन चाव्हसु की तुमना आतमा ला का मोसे को नियम को काम लक पाइसेव, या भरोसा लक साजरो बारता ला आयकन लक?

गलातियो 3:5

जोन तुमला आतमा देवासे अना तुममा अचंभा को काम करासे, उ का एकोसाठी करासे की तुमना मोसे को नियम को काम करयत या एकोसाठी की तुमना साजरो बारता पर भरोसा करयात?

गलातियो 5:22

पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत।

इफिसियो 3:4

अना अदि तुमी ओला वाचन करोह ता मसीह को बारे मा भेद भरयो सत्य मा मोरी बारिक नजर को समझ तुमला भय जाहेत।

इफिसियो 4:2

हमेसा दीन रुप अना कोमलता रुप अना धीरज को सँगा बरताव करने। एक दुजो को माया लक सव्हतो रव्हने।

इफिसियो 4:32

आपसी मा एक दुसरो को दया अना रहमसील बनने, अना परमेस्वर ना मसीह मा जसो तुमरो गलती ला छिमा कियो गईसे। वसोच तुमी भी एक दुसरो की गलती ला छमा करने।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

कुलुस्सियो 2:3

जिनमा बुध्दि अना गियान को सप्पा धन छुपयो रव्हसेति।

कुलुस्सियो 3:12

एको लाई परमेस्वर को बेचयो जसो जोन पवीतर अना पिरेम को से। मोठी दया ना भलाई अना दीनता अना दयालू पन अना सहनसिलता धारन कर लेव

1 थिस्सलुनीकियो 2:10

तुमी एना गोस्टी का गवाह सेव अखीन वसोच परमेस्वर भी से, का हमीना तुमला भरोसा को संग पवीतर, धारमिक अना निरदोस जसो बरताव करीसेजन।

1 तीमुथियुस 4:12

कोनी तोरी जवानी ला हलको नही समझ पाहे पर बचन अना चाल-चलन अना पिरेम अखिन बिस्वास अना पवितर पन मा बिस्वासी गीन को लाई नमूना बन जाव।

1 तीमुथियुस 5:2

सयानो आई-माई की माय समझके अना जुवान आई-माई गीन ला पवितर नजर लक बहिन समझके समझाय देवो।

2 तीमुथियुस 3:10

पर तु न सिक्सा चालचलन मनसा बिस्वास सहन करन को ताकत पिरेम धीरज अना सताय जानो अना दुख उठावन मा मोरो संग देईस।

2 तीमुथियुस 4:2

का तु बचन को परचार करतो बेरा अखीन हर बेरा तैय्यार रहवो सब पिरकार की सहनसीलता अना सिक्सा को संग बढ़ावा देव अना उलाहना देके समझावो।

तीतुस 2:7

सब गोस्टीहुन मा आपरो आप ला साजरो कामकाज को नमुना बनाव। तोरो पिरवचन मा सफाई, गम्भीरता,

याकूब 3:17

पर जोन अक्ल वरता लक आवासे उ पहेल त पवीतर होवासे मंग मेल-मिलाप नरम अखीन भला सुभाव अना दया सान्ती अखीन साजरो फर गीन लक लदी हुई अना पक्स-पात को बगर अखीन निस्कपट होवासे।

1 पतरस 1:12

का वय इन गोस्टी ला, आपरो लाय नही, पर वय तुमरो बारेमा सागत होतिन। जेनको खबर तुमला उन लोकगिन को लक मिलयो। उ गोस्टी सरग को कन लक भेजयो गयो। पवितर आतमा को उकसायो जावनो पर तुमिला आयकवायो गयो सेत। अना इन गोस्टी ला चोवनलाय सरगदूत गिन भी मनसा राखत होतिन।

1 पतरस 1:22

अबा चोवो जबा तुमी ना सच्चाई ला मानत-मानत, सच्चौ भाऊचारा लक निस्कपट माया ला चोवान काजी आपरो आतमा ला पवितर कर लियो सेत। ता पवितर मन लक तेजी लक एक दुजो लक माया करन को आपरो निसान बनालेव।

1 योहन 3:18

ओ टुरागीन, आमी गोस्टी अना जुबान लकच नही, पर काम अना खराई लक भी माया करबिन।