2 कुरिन्थियो 6:16 - सत मारग पर चलन वारो किताब

¹⁶ मुरती को पूजा करनवारा को जित्तो परमेस्वर को मंदिर लक काजक लेवनो-देवनो सेत। “काहेका आमी जित्तो परमेस्वर को मंदिर सेजन। जसो परमेस्वर ना खुदच मी आपरो लोकगीन को संग आपरो घर बनाहिन अना उनको बीच मा रव्हिन। अना मी उनको परमेस्वर रव्हिन अना वय मोरो लोक कहलायेत।”

2 कुरिन्थियो 6:16 ပူးပေါင်းရင်းမြစ်များ

मत्ती 16:16

समौन पतरस न जवाब देईस, तु जित्तो परमेस्वर को टूरा मसीह आस।

मत्ती 6:24

कोनी भी गुलाम मानूस दुई मालीक को सेवा नही कर सकासे। काहेका उ एक लक बइर अखीन दुसरो को संग माया राखेत। अना एक लक गाढोपन अना दुसरो ला नीच जानेत। तुमी परमेस्वर अना धन दुही की सेवा नही कर सकासो।

लूका 5:36

वोना अखीन एक उदाहरन उनको लक कहीस। कोनी मानूस नयो कपरा मा जुनो कपरा को तनी नही लगाय सकासेत। काहेकि जूनो कपरा फट जाहे अखीन जुनो कपरा मा नवतो कपरा को तनी नही लगा सकासे काहेका जूनो तनी टुट जाहेत। एकोलाय नयो मेल नही खायेत।

योहन 14:23

यीसु ना जवाब देईस, अदी कोनी मोरो लक माया राखेह, ता उ मोरो सबद ला मानेह। अना मोरो बाबूजी ओको लक माया राखेह, अना हमि ओको जवर आवबिन अना ओको सँग रव्हबिन।

योहन 6:56

जोन मोरो माँस खावासे अना मोरो खून पिवासे, उ मोरो मा अडिग बनयो रहोसे, अना मि ओमा बनयो रहुसु।

रोमियो 8:11

जोन ना यीसु ला मरयो हुयो मा लक जित्तो करयो। अना वोको आतमा तुम लोकगीन मा रव्हअ सेत। वा च तुमरो नासवान देह ला भी जीत्तो करा देहेत।

रोमियो 8:9

पर जबा परमेस्वर को आतमा तुम मा रव्हा सेत। तो तुमी देह को दसा मा नही, पर आतमिक दसा मा सेव। यदि कोनी मा मसीह को आतमा नाहती तो उ मसीह को लोक नाहती।

रोमियो 9:26

अना जोन जघामा परमेस्वर ना उनको लक असो कव्हो होतो “तुमी मोरो परजा नही सेव, उतच वय जित्तो परमेस्वर को सन्तान कहलायेती।”

1 कुरिन्थियो 10:21

तुमी पिरभू को बटकी अना बुरो आतमा को बटकी दुई मा लक नही पीव सकसो। तुम परभू को पवीतर जेवन अना बुरो आतमा को जेवन दुई को हिस्सादार नही बन सका सो।

1 कुरिन्थियो 6:19

का तुमिला मालुम नही सेत? का तुम लक हरेक को देह पवीतर आतमा को मंदिर सेत। जोन तुममा सेत, अना वा तुमिला परमेस्वर लक भेटयो सेत। तुमी आपरो नही सेव।

इफिसियो 2:20

तुमी एक असा घर सेव जोन पेरीतहुन अना भविस्यवक्ता हुन को नीव पर उभो से, अना खुदच मसीह यीसु जेनको लगत महत्तम को कोनटा को गोटा से।

इफिसियो 2:22

जोन मा तुम आतमा लक परमेस्वर को रव्हन वालो जघा होवन साठी एक सँग बनाया जावोसो।

इफिसियो 3:17

अना भरोसा लक मसीह तुमरो दिल मा निवास करेत, तुमी जड़ अना पाया माया टिकेहेत।

1 तीमुथियुस 3:15

अदी मोरो आवनो मा उसीर होहे त तु जान लेवजोस का परमेस्वर को घर मा जोन जित्तो परमेस्वर की कलीसिया से अना जोन खराई को खम्बा अखिन नीव से कसो बरताव करनो पाहिजे।

2 तीमुथियुस 1:14

अना पवीतर आतमा को कन लक जोन अमी मा बसीयो हुयोसे एना साजरी पुंजी की देख-रेख कर।

इब्रानियो 3:6

पर मसिहा तो टूरा जसो परमेस्वर को घराना को वारिस सेत। अदी आमी आपरो भरोसा अना आस मा घमंड ला आखीर तकन मजबुति लक थाम सेजन त हमच वोको घराना सेजन।

इब्रानियो 8:10

पिरभू असो कव्हसेत, वा बेरा बितन को मघा मी इसरायल को लाय यो करार करहू। मी आपरो नवा करार, उनको मन मा ठेव देहू, अना उनको दिलमा लिख देहू। मी उनको परमेस्वर होहुँ, अना वय मोरी परजा होहेत।”

याकूब 4:5

का तुमला असो समझा से का पवितर गिरंथ मा गलत कव्हसे “जेना आतमा ला हमरो भीतर बसाइसेस का उ असी कामना करासे जोन को परिनाम डाय होहे?”

1 पतरस 2:5

तुमी भी जित्तो गोटा को जसो एक आतमिक भवन बनतो जाय रहयो सेव। जेनको लक एक असो याजकगीन को पवीतर समाज को रूपमा वोको सेवा कर सको। जोनको काम आतमीक बलिदान चाघावनो सेत। जोन यीसु मसीह को कन लक परमेस्वर को अपनाय जावन वालो होहे।

1 योहन 4:12

परमेस्वर ला कबा च कोनी ना नही चोयीसेस; अदि आपस मा माया राखबिन, ता परमेस्वर आमी मा बनयो रव्हसे अना ओको माया आमी मा सिध्द भयी गयो से।

1 योहन 4:15

जोन कोनी यो मान लेवासे का यीसु परमेस्वर को टूरा से, परमेस्वर ओमा बनयो रव्हसे, अना उ परमेस्वर मा।

परकासित वाक्य 2:1

“इफिसुस को कलीसिया को सरगदूत को नाव असो लिख, उ जो आपरो हात मा सात तारा धरीसेस।” अना उ जो सात सोन्नो को दियो दानी को बीच चलत फिरत रव्हसे। उ असो कव्हसे।

परकासित वाक्य 21:3

तबा मिना सिघासन लक एक उचो सबद मा यो कव्हतो आयकियो, “चोवो! मानूसगिन को बीच मा परमेस्वर को रव्हनो!” अब परमेस्वर उनको बीच रव्हे। वय उनको जनता होहेत अना खुदच परमेस्वर उनको बीच अमर निवास करहेत।

परकासित वाक्य 21:7

जो जीत जाहे, व ओला यो वारिसपन मिलेह। मि ओको परमेस्वर होहुँ अना उ मोरी औलाद।