2 कुरिन्थियो 5:14 - सत मारग पर चलन वारो किताब

¹⁴ काहेकी मसीह को पिरेम हमला परेसान करासे जेनको लक यो तय से का जबा एक सब को लाई मरयो त सबच मर गईन।

2 कुरिन्थियो 5:14 ပူးပေါင်းရင်းမြစ်များ

मत्ती 20:28

मी एको लाई नही आईसेव, का मोरो कोनी सेवा करे। पर मानूस को टूरा एकोलाय आईसेस क उ खुदच सेवा चाकरी करे। अना लगत लोकगीन को सूटकारा लाई आपरी जान देदेहेत।”

लूका 15:24

काहेका मोरो टूरा मर गयो होतो, मंग लक जित्तो भय गयो से। गुम गयो होतो, अबा मिल गयो से। अना सबा खुसी मनान लगीन।

लूका 15:32

पर अबा खुसी मनाव काहेका, तोरो लहान भाऊ मर गयो होतो, मंग जित्तो भई गई से। गुम गयो होतो अबा मिल गयो से।

लूका 24:29

उनना यीसु ला कहिन, का गोधुली बेरा भय गईसे, अता तु हमरो घर मा रुक जा।

योहन 1:29

दुसरो दिवस मा योहन बप्तिस्मा देवनवारा ना यीसु ला आपरो कन आवता चोइस अना कहीस, चोवो यो परमेस्वर को पाठी से, जो दुनिया को पाप ला उचल ले जावसे।

योहन 11:25

यीसु ना ओला कहीस, जित्तो होवनो, अना जिंदगी मि सेउ, जोन कोनी मोरो पर भरोसा करेत, उ अदी मर भी जाहेत ता भी जीहेत।

योहन 5:25

मि तुमी लक खरो सांगिसेउ, “उ बेरा आवासे अना अबा भी से, जोनमा मरया हुया परमेस्वर दाअजी को टूरा की आवाज आयकेत। अना जोन कोनी आयकेत वय जित्तो होयेती।”

पेरीत 18:5

जबा सीलास अना तीमुथियुस मकीदुनिया लक आइन। ता पौलुस गोस्टी आयकावन मा अपरो पूरो पुरुप देवन लगीस। अना यहूदी गीन को आयकावायके का यीसु च मसीह से।

रोमियो 2:2

अमीला मालूम सेत का, परमेस्वर सही से। अना एनो गोस्टी को बिरोध मा फैसला देवासेत।

रोमियो 5:15

मंघ आदम को गलती, अना परमेस्वर को बरदान ला, कोनी बरोबरी नही से, यो सच्चो से की, एकच मानूस को गलती को कारन लक सबच लोक मरीन पर यो फर लक कदी जादा महान सेत। परमेस्वर को दया, अना वो दया लक भरो वरदान, जो एकच मानूस यीसु मसीह लक, सबला छिमा भेटयो से।

रोमियो 6:13

अना आपरो आँग ला बदी को हथियार होवन को लाय पाप ला नोको सोपो। तुमी अपरो आप ला मरो हुया मा लक जित्तो समझके अपरो आप ला परमेस्वर ला दे देव। अना आपरो देह ला धरमिपन को हतियार बनन काजी परमेस्वर ला सोप देव।

रोमियो 6:6

अमी यो जाना सेजन का, आमरो मा जोन जूनो मानूस होतो, उ यीसु को संगच मा सूली मा चघा दियो होतो जोनलक आमरो पाप वालो देह नास भयी जाय। अना अमी पाप को गुलामि लक सोड़ाया गयो मनूससेजन।

1 कुरिन्थियो 16:22

अदी कोनी पिरभू लक माया नही ठेवासेस, तो उ सापित सेत। ओ पिरभू आव!

1 कुरिन्थियो 2:14

पर सुभाविक मानूस परमेस्वर की आतमा सिक्सा नही धरा सेत। पर वोना गियान ला उ बेवाकुपी समजा सेत। अना ओला समजन काबिल नाहती। काहेका आतमा की सहायता लक, ओना सिक्सा की परख भई सका से।

2 कुरिन्थियो 3:7

पर अदी मरन को यो करार जेन को सबद गोटा को पटिया मा लिख्यो सेत, एतरो तेज बनके आयो का इसरायली गीन मोसे को तोन्ड को तेज ला जो घटत होतो, नही चोव सकिन।

2 कुरिन्थियो 3:9

काहेका जबा दोसी ठहरावन वालो करार तेज से त नेक ठहरावन वालो करार अखीन लगत तेज होय जासे।

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

इफिसियो 6:24

जोन आमरो पिरभु यीसु मसीह लक खरो माया राखासे; उन पर परमेस्वर को किरपा होवती रह।

कुलुस्सियो 2:13

ओना तुमला, जोन आपरो दोस अना आँग को खतना बिना दसा मा मुरदा होतीन, ओको संगा जिलाइस अना आमरो सब दोस ला छिमा करहे।

कुलुस्सियो 3:3

काहेकि तुमी ता मर गयासेव अना तुमरो जिंदगी मसीह को सँगा परमेस्वर मा छुपयो से।

1 तीमुथियुस 2:6

जेनको लक अपरो आप ला सबच सूटकारा को दाम मा दियो जाहे अखिन वोकी गवाही सही बेरा देहि जाहे।

1 तीमुथियुस 5:6

पर जोन अइयासी मा पड गई वा जित्तो रव्हनो मा मरो जसो सेत।

तीतुस 3:3

काहेका आमी पुढ़ा बेअक्ल का रहत होता अना हुकूम ला नही मानत होता अना संका मा पड़या रव्हत होता। अना काई परकार को लोभ अना सुख सुविदा को चाकरी करत होता अना बइर, अना जरनाहि मा जिंदगी बितावत होता। अना आमी लक लोक घिरना करत होतीन अना आमी भी एकमेक लक घिरना करत होतो।

इब्रानियो 2:9

परंतु, मानूस अबा सप्पा गोस्टी मा राज करतो दिसत नाही। पर आपरो यीसुला चोवो, जोनला काही बेरा साठी देवदूत को मुकाबला मा नीचो कियो। या साठी की, परमेस्वर को किरपा लाय वा सर्वांसाठी मरयो। अता आपरो मरनो को दुख को कारन वोला गौरव व सन्मान को मुगुट पहनायो गयो।

इब्रानियो 6:10

परमेस्वर बैईमान नाहती। उ तुमारो काम अना तुमरो पिरेम ला, नही बिसरा सकत। जो तुमी ना वोको नाव को महिमा को लाय करयो सेव। अना पवीतर सन्तगिन को सेवा करासो, अना अबा भी करासो।

1 पतरस 1:8

तुमीना यीसु ला कभीच नही चोवयो सेव। अना वोको लक बगर देखयो पिरेम रखासेव। अना वोको पर बगर देखयो बिस्वास भी करासेव। अना यो बिस्वास को कारन तुमी लगत खुसी अना मगन सेव। जोन महिमा लक भरयो सेत। जोनला सागयो नही जाय सकत।

1 योहन 5:19

आमी जानासेजन का आमी परमेस्वर लक सेजन, अना सप्पा जग ओना दुस्ट को कब्जा मा से।