2 कुरिन्थियो 5:1 - सत मारग पर चलन वारो किताब

¹ काहेकी हमी जानासेजन का अदी हमारो धरती मा का तम्बू मजे देह ला पूरो दिरस घर ला पाड़ दियो जाहे त परमेस्वर कन लक हमला सरग मा घर मिले जोन हात लक बनयो हुयो नही पर अमर सेत।

2 कुरिन्थियो 5:1 ပူးပေါင်းရင်းမြစ်များ

मरकुस 14:58

“आमी ना यो सांगतो आयकीसेजन, ‘मि यो हात को बनायो मंदिर ला नास कर देहू, अना तीन दिवस मा दुजो बनाहु। जोन हात लक नही बनो रहेत।’”

पेरीत 7:48

“काही भी होय, सब लक मोठयो परमेस्वर हात लक बनायो घर मा नही रव्हसे। वा जसो की भविस्यवक्ता न सागिसेस।”

1 कुरिन्थियो 3:9

अमी परमेस्वर को लाय एक संग काम करन वालो संगी सेजन। अना तुम परमेस्वर को काम करन को छेतर सेव। अना तुमी परमेस्वर को इमारत सेव।

2 कुरिन्थियो 4:7

पर आमी माती को भान्डो सेजन। अना आमी मा यो धन यो काजी ठेवो गई सेत का यो ताकत को बड़कपन आमरो कन लक नही पर परमेस्वर को कन लक से असो मालुम भई जाये।

2 कुरिन्थियो 5:4

सही मा जबा तकन हमी एना तम्बू देह मा सेजन त हमी बोझ लक दबया हुया कराहव सेजन काहेकी हमी कपरा हेड़नो नही पर पेहरनो चाव्हासेजन का जोन कोनी मरनो को जसो से वा जिंदगी लक हेड दियो जाय।

कुलुस्सियो 2:11

ओमा तुमरो असो खतना हुयो से जोन हात लक नही हुयो मजे मसीह को खतना जोको लक सारिरीक देह उतार देई जावसे।

2 तीमुथियुस 1:12

एना कारन मी एना दुखगीन ला भी उचला सेऊ पर सरमाऊ नही काहेकी मी वोला जेनको पर मीना भरोसा करीसेऊ जानासेउ अना मोरो पक्को से का उ मोरी पुंजी की वोनो दिवस तकन देख-रेख कर सकासे।

इब्रानियो 11:10

अबराहम ना असो करयो, काहेका उ वोना पक्को पाया वालो नगर को बाट चोवत होतिन। जेनको बनान वारा परमेस्वर सेत।

इब्रानियो 9:11

पर जबा मसिहा आवनवारा साजरो-साजरो चीज को महायाजक बनके आयो। अखीन मोठो अना सिध्द तम्बु लक होयके आयो। जोन हात को बनयो यो दुनिया को नाहती।

इब्रानियो 9:24

मसीह हात को बनयो हुया वोना पवीतर जघा मा नही धसयो। जोन सही को पवीतर जघा को सावली सेत। वोना सिद्दो सरग मा च धसयो। जोन लक मसीह अबा आमरो कन लक सरग मा परमेस्वर को कठा हाजिर हो सके।

1 पतरस 1:4

जोन वारसाना हक तुमी लोक गिन काजी सरग मा राखयो हुया सेत। उ नास नही होवन वालो, बेडाग, अमर सेत।

2 पतरस 3:11

जब ऐना सप्पा गोस्टी नास भयी जाहेत। तर तुमी लोकगिन ला पाहिजे का पवीतर चाल-चलन अखीन भगती को जिंदगी बिताव।

1 योहन 3:14

आमी जानबिन का आमी मिरतु लक पार भयके जिंदगी मा पहुचियो सेजन; काहेका आमी भाऊगीन लक माया राखासेजन। जोन माया नही राखासे उ मिरतु को हाल मा रव्हसे।

1 योहन 3:19

एकोच लक आमी जानबिन का आमी खरो का सेजन; अना जेनो गोस्टी मा आमरो मन आमीला दोस देहे, ओको बारे मा आमी ओको पुढा आपरो-आपरो मन ला हिम्मत दे सकबिन।

1 योहन 3:2

ओ चहेतो हुन, अब आमी परमेस्वर को औलाद सेजन पर भबिस्य मा आमी काजक होवबिन, अबा तक ऐको मालुम नही करायो गयो से। जोन भी होय, आमी यो जानबिन का मसीह को मंग दिसावन पर आमी ओकोच जसो होय जावबिन काहेकि उ जसो सेत, आमी ओला बेस वसोच चोयबिन।