2 कुरिन्थियो 4:4 - सत मारग पर चलन वारो किताब

⁴ काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

2 कुरिन्थियो 4:4 ပူးပေါင်းရင်းမြစ်များ

मत्ती 13:22

कांटादार झाड़ी को बीच गिरो बीज उन लोक गिनको लाय सेत। जोन साजरा बारता आयक सेत। मंग यो जिंदगी को चिंता अना धन को पिरेम साजरा बारता मा आड़ो आवासेत अना वय फलवन्त नही होवासेत।

योहन 1:14

अना सबद देह मा आयो अना दया अखीन खराई लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।

योहन 1:18

कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

योहन 12:31

अब यो संसार को न्याय होवा से, अब यो संसार को मुखिया हेड़ दियो जाहे।

योहन 12:35

एतरो पर यीसु ना उन ला कहीस, अता कम बेरा से की उजाड़ो तुमरो संग से। जबा तकन उजाड़ो तुमरो जवर से पुढा बढ जाओ। कहीं असो न होहे की इंधारो तुमला घेर ले। जोन इंधारो मा चला से वा नही जान सका की किता जावसे?

योहन 12:40

मोठो परमेस्वर ना उनको डोरा ला अँधरा कर देइस अना उनको अक्कल ला सटया देइस। परमेस्वर ना कव्हयो, कहीं असो न होहे की वय डोरा ला चोयेत, अना अक्कल लक समजेत। अना मोरो मंघा भय जाहेत। अना मि उन ला साजरो कर देहुँ।

योहन 12:45

अना जोनना मोला चोवीसेस, ओना मोरो धाड़न वालो ला चोवीसेस।

योहन 14:30

मि अबा तुमरो सँग अखीन गोस्टी नही करू। काहे का यो जगत को अधिकारी आवासे, मोरो पर ओको काही हक नही।

योहन 15:24

यदी मिना उनमा वय काम नही करतो जोन कोनी ना नही करयो सेत, ता वय पापी नही ठयरतत। पर अबा तो उनना मोला अना मोरो बाबूजी दुही ला चोवीसेत अना दुही लक बइर कियो,

योहन 16:11

न्याय को बारे मा एकोलाय का जगत को मुखिया दोसी ठयरायो गई से।

योहन 8:12

मंग वहान पायो जावन वाला लोक गीनला यीसु ना कहीस, “जगत को उजाडो मि सेव। जोन मोरो मंघा चलहेत कबच इंधारो मा नही रहेत, पर ओला उजाड़ो मिल्हेत जोन जिंदगी देवासे।”

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

पेरीत 26:23

जसो की मसीह ला दुख उठावनो पडहेत। अना ओच मारयो हुया मा लक पयले जित्तो होहेत, अना उ यहूदी अना गैर यहूदी गीन ला उजाड़ को खबर देहेत।

1 कुरिन्थियो 10:20

नही पर गैर बिस्वासी लोकगीन जोन बली करासेत, उ परमेस्वर काजी नही पर बुरो आतमा काजी करासेत? अना मी नही चव्हासू का तुमी बूरो आतमा को हिस्सादार बनो।

2 कुरिन्थियो 2:11

काहेका भीतरी गोस्टी अमीला मालूम नाहती का सैतान को काजक योजना सेत।

2 कुरिन्थियो 2:12

जबा मी मसीह को साजरा बारता आयकावन को लाई तोराआस आयो, अना पिरभू न जबा मोरो लाई बेसकुड़ उघाडो।

2 कुरिन्थियो 3:11

काहेका अदी उ कम होवन वालो तेज होत्यो त उ जोन पक्को से अखीन लगत तेज से।

2 कुरिन्थियो 3:14

पर उनको मन कड़ो भय गयो काहेकी अबा भी एना जुनो करार ला परदा उ सेव संची पढ़यो रहयो काहेकी उ बल्कि मसीह मा हटायो जाहे।

2 कुरिन्थियो 3:18

पर आमी सबा उघाडो तोन्ड लक पिरभू को तेज जसो आरसा मा चोवतो हुया पिरभू मजे आतमा लक आमी वोको तेजपन को रुप मा जरा-जरा करके बदलत जावासेत।

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

गलातियो 1:4

मसीह ना आमरो पापगीन को साठी आपरो ला बलिदान करदेइस। जेनको लक की उ आमरो बाबूजी परमेस्वर की मरजी को लक एना बेरा को पापी जुग लक आमरो सूटकारा करेत।

इफिसियो 2:2

जोन मा तुमी पयले ऐना संसार की बुरी रिती पर चलत हुयो अना ओनो आतमा को पिछा करत हुयो जीवत होता जो ऐना धरती को वरता की आत्मिक सक्तिहुन को मालिक सेत। वा आतमा अब उन मानुसहुन मा काम कर रही सेजोन परमेस्वर की हुकूम नही मानासेत।

इफिसियो 6:12

काहेकि आमरो लड़ाई ता तन को लक नहाय, बल्कि सब लक मोठो मुखिया, अधिकारी अँधियारो को संसारिक ताकत अना दुस्टता राखन वालो आतमिक सेना लक से, जोन बादल मा रव्हसेत।

फिलिप्पियो 2:6

जेना परमेस्वर को खुदच रूप मा होयके भी, परमेस्वर को बरोबर होवन को आपरो बस मा राखन को चीज नही समझीस।

कुलुस्सियो 1:15

मसीह नही चोवनवारा परमेस्वर को चोवनवारा रुप सेत। उ पहलोटा टूरा से। जोन सबा बनायो गयो चीज लक साजरा सेत।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

1 तीमुथियुस 1:11

योच महान धन्य परमेस्वर को महिमा को ओना साजरो बारता को जसो से जोन बिस्वास मोला सौपयो गयो से।

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

इब्रानियो 1:3

उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।

इब्रानियो 6:4

जोनला एक बार उजाड़ भेटयो सेत, जोन सरग को बरदान चीख लियो सेत। जोन पवितर आतमा को हिस्सादार बन गयोसेत।

2 पतरस 1:19

यो घटना लक भविस्यवक्ता गिन को वानी, आमरो लाय अवर बिस्वासी सिध्द भयो। एको मा धियान देवनो मा तुमरो कल्यान सेत। काहेका जब तकन पहेटिया नही होवासेत, अना तुमरो दिल मा सक्कार को तारा नही उगासेत। तब तकन भविस्यवक्ता गिनको वानी इन्धार मा चमकतो दीयो जसो सेत।

1 योहन 2:11

पर जोन कोनी आपरो भाऊ लक ईरसा राखासे, उ ईंधारो मा से। उ अंधारो मा जिंदगी जी रही से। उ नही जाना, उ किता जाय रही से। काहेका ईंधारो ना ओको डोरा भोकना कर देईसेस।

1 योहन 2:8

मि तुमला एक अखिन दुसरी नवी हुकूम लिख रही सेऊ। ऐना बिसय को सत्य मसीह को जिंदगी मा अना तुमरो जिंदगी हुन मा उजागर भयी से काहेकि अंधारो खतम होय रही से अना खरो उजियाड़ो ता चमक च रहयो से।

1 योहन 5:19

आमी जानासेजन का आमी परमेस्वर लक सेजन, अना सप्पा जग ओना दुस्ट को कब्जा मा से।