2 कुरिन्थियो 4:2 - सत मारग पर चलन वारो किताब

² अमिना सबच लुकयो अना लाज को काम लक बेगरो भईसेजन, आमी कोनी धोका को काम नही करतत, ना आमी परमेस्वर को बचन ला खोटो साबीत करसेजन। अना खराई लक आमी परमेस्वर को डोरा को पुड़ा रव्हसेजन। हरेक को डिमाक लक भलाई करन को कोसीस मा रव्हसेजन

2 कुरिन्थियो 4:2 ပူးပေါင်းရင်းမြစ်များ

रोमियो 1:16

साजरो बारता आयकवान काजी मोला काही सरम-लाज नाहती। यो तो परमेस्वर को ताकत से, जोन हरेक भरोसा राखन वारा, पयले यहूदी लोकगीन, अना मघा गैरयहुदी लोकगीन को लाय, मुकती को जरिया से।

रोमियो 6:21

अबा जोन बात मा तूमी लज्जित होवा सो, उनमा वोना बेरा तुमीला काजक भेटत होतो। काय का वोको अन्त तो मरनो सेत।

1 कुरिन्थियो 4:5

एकोलाय तुम्हिला सही बेरा आवन को पयले कोनी को फैसला नही करनो पाहिजे। आखीर फैसला परमेस्वर को आवन को रस्ता चोवनो पाहिजे। उ जोन राज इन्धार मा लुकयो सेत, उनला उजाड़ मा आनेत। अना लोक गिनको डिमाक मा लुकयो उद्देस्‍य ला उजागर करहेत। तबा सबला परमेस्वर को कन लक बड़ाई भेटेत जोनको वय हकदार सेत।

2 कुरिन्थियो 1:12

हमला एको गरब से, का यो गोस्टी अमी सफा मन लक कव्हा सेजन। का अमिना यो जगत को संग अना खास तुमरो संग परमेस्वर को किरपा को साथ बरताव करयो सेजन। हमिना ईमानदारी अना खराई लक बरताव करी सेजन। जोन परमेस्वर लक भेटा सेत। दुनिया को अक्कलवरी लक नही।

2 कुरिन्थियो 11:3

पर मी डरावा सेव का जसो सरप न अपरी चलाकी लक हव्वा ला बहकायो वसोच तुमरो आतमा वोना सीधो अना पवीतर लक जोन मसीह को संग रव्हनो चाव्हसे कदी खराब नोको कर दे।

2 कुरिन्थियो 11:6

अदी मी बोलनो मा अनाड़ी सेव, तबच अक्ल मा नही, हमी न एको हर एक गोस्टी मा सबच पिरकार लक तुमरो लाई परगट करीसेजन।

2 कुरिन्थियो 2:17

परमेस्वर को बचन ला लोकगिन जसो मिलावट करके बिकन वालो जसो अमी नही सेजन। परअ परमेस्वर ना अमीला धाड़ी सेत, का वोको हाजरी मा ईमानदारी लक वोको बचन ला सांगनो सेत।

2 कुरिन्थियो 5:11

अना हमी पिरभू को भेव मानतो हुयो लोक गीन ला समझावसे पर हमरो हाल परमेस्वर को पुढ़ा परगट से अना मी आस करासेऊ का हमरो यो हाल तुमरो अक्कल मा परगट होवासे।

2 कुरिन्थियो 6:8

जस-अपजस मा, मान-बेइज्जति मा, बदनामी अना सजरा नाव मा, हमला लोक धोकादेवन वारा समजासे पर आमी खरो सेजन।

2 कुरिन्थियो 7:14

मीना तुमरो पर घमन्ड करयात, अना तुमीना मोला निरास नहीं करीसेव। हमेस अमीना तुमिला खरो सगिसेत, अना वसोच अमिना गरब करतत आमरो गरब करनो सहि सेत। अना तितुस ना जनमन सांगयो, तो यो गोस्टी खरो साबीत भयो।

इफिसियो 4:14

एकोलाई हमी असो लेकराच न बनबिन जो हर कोनी असी नयी सिक्सा को हवा लक उछल जावबिन, जो आमरो रस्ता मा बव्हसे, लोकगीन को छल परन बेवहार लक, असी कपटता लक, जो ठगावन लक भरी योजना ला पेरीत करासे, इता-उता भटकाय दियो जावसे।

इफिसियो 5:12

काहेकि जोन काम छुपयो मा उनको कन लक कियो जासे। उनको गोस्टी ला करनो भी सरम करनो जसो से।