2 कुरिन्थियो 2:7 - सत मारग पर चलन वारो किताब

⁷ एको लाई उलटो तुमी वोला माफी दे देव, अना सान्ती देव, काहेका असो नोको होय का उ लगत सोक मा डूब जाय।

2 कुरिन्थियो 2:7 ပူးပေါင်းရင်းမြစ်များ

1 कुरिन्थियो 15:54

पर जबा यो नासवान देह नास नही होवनवारा ला, अना यो मरनवारा देह अमरता ला पहन लहेत। तबा पवीतर गिरंथ को यो गोस्टी पूरो भई जाहेती। “मिरतु ला जीत ना खाय लेइसेस।”

2 कुरिन्थियो 2:8

एको लाई मोरो तुमरो लक बिनती से का तुमी वोला अपरो पिरेम को पुरुप देवो।

2 कुरिन्थियो 5:4

सही मा जबा तकन हमी एना तम्बू देह मा सेजन त हमी बोझ लक दबया हुया कराहव सेजन काहेकी हमी कपरा हेड़नो नही पर पेहरनो चाव्हासेजन का जोन कोनी मरनो को जसो से वा जिंदगी लक हेड दियो जाय।

2 कुरिन्थियो 7:10

काहेका परमेस्वर लक बवजनवारा उदासी को लाय दिल, मा एक बदलाव आवासेत जोन सूटकारा को कन जावासेत। अना वोमा कोनी पस्तावा नाहती। लेकिन वोच उदासी मानूस को मरन को कारन बनासेत।

इफिसियो 4:32

आपसी मा एक दुसरो को दया अना रहमसील बनने, अना परमेस्वर ना मसीह मा जसो तुमरो गलती ला छिमा कियो गईसे। वसोच तुमी भी एक दुसरो की गलती ला छमा करने।

फिलिप्पियो 2:27

बाकई मा उ बीमार ता होय गयो होतो यहान तक का मरन पर होतो, पर परमेस्वर न ओको पर दया करीसेस, अना नाच केवल ओको पर, मोरो पर भी की मोला सोक पर सोक नही होहे।

कुलुस्सियो 3:13

अना अदी कोनी ला कोनी पर दोस देवन को कोनी कारन से ता एक दुजो ला सह लेव अना एक दुसरे को दोस छिमा करोह, जसो पिरभु ना तुमरो दोस छिमा करीसे वसोच तुमी करो।

1 थिस्सलुनीकियो 4:13

पर अगा भाऊ हुन हमी नही चाव्हसेजन, का तुमी उनको बिसय मा अनजान रहवो। जोन सोय गईसेत अना काही लोक गीन को जसो सोकित होय जावो, जिनला आसा नाहती।

2 थिस्सलुनीकियो 3:6

ओ भाऊ आमी तुमला आपरो पिरभु यीसु मसीह को नाव लक हुकूम देसेजन की तुमी हर कोनी एक असो भाऊ लक दुर रवहने जोन बिगड़ी चाल जसो चाल चलन मा रव्हसे जोन सिक्सा ला ओना आमी लक पाइसे ओको जसो नही करासे।