2 कुरिन्थियो 13:5 - सत मारग पर चलन वारो किताब

⁵ आपरो आप ला परखो, का भरोसा मा सेव का नही। आपरो आप ला जाँच लेव। का तुमी आपरो बारे मा यो मालुम नाहती का यीसु मसीह तुमरो मा सेत? नही तो तुमी जाच मा निकम्मा हिटासेव।

2 कुरिन्थियो 13:5 ပူးပေါင်းရင်းမြစ်များ

योहन 14:23

यीसु ना जवाब देईस, अदी कोनी मोरो लक माया राखेह, ता उ मोरो सबद ला मानेह। अना मोरो बाबूजी ओको लक माया राखेह, अना हमि ओको जवर आवबिन अना ओको सँग रव्हबिन।

योहन 15:4

तुम्हि मोरो मा बनो रव्हो, अना मि तुमरो मा, जसो डार अदी अंगूर बेला मा बनी रव्हसे, ता तबच फर सकेत।

योहन 17:23

मि उन मा अना तु मोरो मा की वय सिध्द भयके एक जाहेत अना जगत जानहेत की तुना मोला धाडिसेस अना जसो तुना मोरो लक माया राखिसेस, वसोच उनलक भी माया राख।

योहन 17:26

मिना तोरो नाव उन लोकगीन ला साँगयो, अना साँगतो रहुँ। की जोन माया तुना मोरो लक करीसेस, वोच माया उनमा रव्हे। अना मि उनमा रहुँ।

योहन 6:56

जोन मोरो माँस खावासे अना मोरो खून पिवासे, उ मोरो मा अडिग बनयो रहोसे, अना मि ओमा बनयो रहुसु।

योहन 6:6

यीसु यो गोस्टी ओको परिक्सा लेवन को लाई कही होतीस, काहे का उ खुदच जानत होतो, का उ काजक करन जाय रही से?

रोमियो 1:28

अना काहेका उनना परमेस्वर ला ओरखन लक मना कर देयिन। ता परमेस्वर ना उनला वसोच बेडिमाक रव्हन दियो। अना वय मन मरजी लक खोटो-खोटो काम करन लगयो। जोन करनो पायजे नाही।

रोमियो 8:10

यदि मसीह तुमी मा रव्हा सेत, तो पाप को कारन देह मरयो हुया सेत। तर परमेस्वर को सूटकारा को नेक कानून को कारन पवीतर आतमा तुमरो जीवन मा सेत।

1 कुरिन्थियो 11:28

एकोलाय आपरो हिरदय ला परख लेव को मंघा च मानूस यो पवीतर जेवन करे अना बटकी मा लक पीवे।

1 कुरिन्थियो 11:31

अदी आमी आपरो हिरदय को बिचार ला सही-सही तय करसिन तो आमरो पर कोनी संका नाहती अना कोनी दोस नोको लगसिन।

1 कुरिन्थियो 3:16

का तुमी नही मालूम सेत का तुमी परमेस्वर को मंदिर सेव? अना परमेस्वर को आतमा तुमी मा रव्हसे।

1 कुरिन्थियो 6:15

का तुमला मालूम नहती? तुमरो देह मसीह को आंँग सेत। तो का मी मसीह को आँग ला धरके बेसिया को आँग बना देऊ?

1 कुरिन्थियो 6:19

का तुमिला मालुम नही सेत? का तुम लक हरेक को देह पवीतर आतमा को मंदिर सेत। जोन तुममा सेत, अना वा तुमिला परमेस्वर लक भेटयो सेत। तुमी आपरो नही सेव।

1 कुरिन्थियो 6:2

का तुमी ला नही मालूम सेत? का पवीतर लोकगीन दुनिया को सब लोक गीन को न्याय करयेत। अना यदी तुम्ही, सब दुनिया को लोकगीन को नियाव कराबिन। तो तुमी ऐना लहान-लहान झगड़ा-राड़ को नियाव स्वता काहे नही करा सेत?

1 कुरिन्थियो 9:24

का तुमला नही मालूम सेत, का धावन को मैदान मा सबच धावासे, पर कोनी एक ला ईनाम मीलासेत। मजे तुमी असो धावो का ईनाम तूमी ला भेटे।

1 कुरिन्थियो 9:27

मी आपरो देह ला तकलीप देवासू, अना वोला आपरो बस मा राखासू। कही असो ना भई जाय का दुसरो ला परचार को मघा, मी खुद वोको पर चलनवारा नही बनू कही लोक असो ना कव्हे का “दियो खाल्या अँधार सेत।”

2 कुरिन्थियो 6:16

मुरती को पूजा करनवारा को जित्तो परमेस्वर को मंदिर लक काजक लेवनो-देवनो सेत। “काहेका आमी जित्तो परमेस्वर को मंदिर सेजन। जसो परमेस्वर ना खुदच मी आपरो लोकगीन को संग आपरो घर बनाहिन अना उनको बीच मा रव्हिन। अना मी उनको परमेस्वर रव्हिन अना वय मोरो लोक कहलायेत।”

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

गलातियो 4:19

मोरो चहेतो लेकरा। जबा तकन तुममा मसीह को स्वरुप नही बन जावा। तबा तकन मि तुमरो लाई मंग जच्चा की पीड़ा सह रही सेव।

गलातियो 6:4

हर कोनी आपरो काम ला परख लेहे, तबा ओको पड़ोसी को काम मा नही पर आपरो पर गरब करन को बेस कारन होव्हे।

इफिसियो 3:17

अना भरोसा लक मसीह तुमरो दिल मा निवास करेत, तुमी जड़ अना पाया माया टिकेहेत।

कुलुस्सियो 1:23

अदी तुम भरोसा को नीव मा पक्को रूप लक बनो रव्हो अना वा साजरा बारता को आस ला जोन तुमी आयकु सेव, नही छोड़यो, जोनको परचार बादल को खाल्या, सारो दुनिया मा कव्हयो गयो अना वोको दास मी पौलुस बनीसेव।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

कुलुस्सियो 2:19

अना ओना सब लक वरता परमेस्वर ला नही आपनावा से जेनको लक सप्पा देह जोड़गीन अना पाठ को कनलक पालयो पोसयो पायके अना एक संगा मिलके मोठो परमेस्वर को कना बड़त जासे।

कुलुस्सियो 2:7

ओमाच जड़ धरता अना बढ़ता जावने अना जसो तुमी सिकाया गया वसोच मा भरोसा मा पक्को होवतो जावने, अना लगत धनवाद करत रव्हने।

1 तीमुथियुस 2:15

तबच आई-माई लेकरा बारा पैदा करनो लक सुटकारा पाहे अदी वा संयम लक बिस्वास पिरेम अना पवितरपन मा ठैयराइ सेस।

2 तीमुथियुस 3:8

जसो यत्रेस अना यम्ब्रेस न मोसे को बिरोध करीस होतीस वसोच यो खराई को बिरोध करासे यो मानूस से जेकी अक्ल चली गईसे अना वय बिस्वास को बारे मा निकामा से।

तीतुस 1:13

या गवाही खरो से, एकोसाठी उनला कड़ाई लक चेताव का वय भरोसा मा पक्को होय जाहेत।

तीतुस 1:16

वय परमेस्वर ला जानन को दावा करासेत पर उनको काम असो चोवसे जसो ओला नही जानासेत। वय घिरना को काम करनवालो, अना हुकूम नही मानन वालो सेत। अना कोनी भी नेक काम करन को काबिल नही सेत।

तीतुस 2:2

मजे बुजरुक मानूस हुसियार अना गम्भिर नरम अना आपरो मन ला कबजा मे राखनवारा होहे, अना वोको भरोसा अना माया अना धीरज पक्का होहे।

इब्रानियो 12:15

एना गोस्टी को ध्यान राखो का कोनी मानूस परमेस्वर को किरपा लक मुरक ना जाय, अना तुम्हीला दुख देवन काजी अखिन लगत लोक गिनला खराब करन काजी कोनी झंझट को जड़ नोको फूटेत।

इब्रानियो 4:1

एकोलाय जबा वोको बिसराम को जघा मा धसनो को वायदा अबा तकन बनयो हुयो सेत, तो आमी ला सतरक रव्हनो पाहिजे। का तुमरो लक कोनी वोको लायक ना रव्हेत।

इब्रानियो 6:8

पर अदी उ काँटादार झाड़ उपजान वारा ज़मीन सेत। तो बेकाम अना सापित होवन को कारन, आखीर मा स्तो पेटानो पड़येत।

याकूब 4:4

अरे पापी छिनालापन करन वालो मी तुमला नही जानासेउ का संसार लक मिताई जोड़न वारा परमेस्वर को सतरु बननोसे? अना जोन कोनी संसार को संगी होवनो चाव्हसे उ अपरो आप ला परमेस्वर को बैरी बनावासे।

1 पतरस 5:9

तुम्ही बिस्वास मा खम्मा जसो उभो राव्ह, अना वोको सामुर जाव। तुम्हिला मालुम सेत का जग भरात को आपरो भाऊगिन असा परकार लक दुख भोगत आहेत।

परकासित वाक्य 2:5

एकोलाय तु हेत कर की तु कहान लक पड़ीसेस। अना पाप लक मन ला हटाव, अना पयलो को जसो काम नही करसेस तो मि तोरो जवर आवसेऊ। अना मन नही फिरावजोस त तोरो दियोदानी ला तोरो हात लक छुड़ाय लेहुँ।