2 कुरिन्थियो 13:11 - सत मारग पर चलन वारो किताब

¹¹ एकोलाय अगो भाऊ खुस रव्हो! साजरो पक्को बनतो जावो अना धिरज राखो। एक बिचार राखो, मिलाप लक रव्हो! पिरेम अना सान्ती देवन वारा, परमेस्वर तुमरो संग होहेत।

2 कुरिन्थियो 13:11 ပူးပေါင်းရင်းမြစ်များ

मत्ती 1:23

“आयको एक कुँवारी टूरी पोट लक रहेत, अना एक टूरा ला जलम देहे। अखीन वोको नाव इम्मानुएल ठेयो जाहे, मजे परमेस्वर आमरो संग मा से।”

मत्ती 5:48

एकोलाय तुमी सिध्द बनो। जसो तुमरो सरग को परमेस्वर बाबूजी सिध्द से।

मरकुस 10:49

यीसु रुकयो अना कहीस, “ओला बुलाव,” लोकइन ना ओला बुलाइन अना कहीन की “हिम्मत राख, उभो होय! उ तोला हाकलासे”

मरकुस 9:50

नोन त साजरो से, पर अदी नोन को स्वाद चलो जाहे, त कोनती सी चीज लक नमकीन करयो जाहे, एकोलाय आपरो मा नोन राखो, अना आपस मा मेल जोल राखो।

लूका 9:61

दुसरो ना कव्हयो, हे पिरभू मि आपरो घर लक बिदाई लेके आवासेऊ, तबा मी तोरो मंघा आँहू

योहन 17:23

मि उन मा अना तु मोरो मा की वय सिध्द भयके एक जाहेत अना जगत जानहेत की तुना मोला धाडिसेस अना जसो तुना मोरो लक माया राखिसेस, वसोच उनलक भी माया राख।

पेरीत 15:29

मुरत गीन को पुड़ा चघायो हुयो जेवन तुमी नोको जेव। गला घोटके मारयो गयो जनावर को गोस अना रकत नको पिवने। अना छिंनरापन लक दुहुर रव्हो। इनलक बचयो रव्हो तो तुमरो भलो होहे। बाकी-बेस सेत।

पेरीत 18:21

अना उनको लक यो साग के बिदाई लेइस, “अदी परमेस्वर चाव्हसे ता मी तुमी लोकगीन को जवर मंग आहिन।” उ इफिसुस छोड़के जहाज मा समुंदर को रस्ता लक चली गयो।

पेरीत 23:30

जबा मोला या खबर मिली का एना मानूस को बिरोध मा साजीस रचयो गयो सेत। तबा मीना एला गदने तोरो जवर धाडिसेव। मीना एको बिरोधीगीन ला भी हुकूम देईसेऊ, का वय तोरो पुड़ा एको बिरोध मा नालीस करे।”

रोमियो 12:16

आपसी मा एक मन राखो घमन्ड नोको करो, पर गरीब लोक गीन को संगती करो। अना आपरो नजर मा बिचार के अक्लवर नोको बनो।

रोमियो 12:18

जहान तकन हो सका सेत, तुमी जी भरके सब मानूसगिन को संग साजरो मेल-मिलाप राखो।

रोमियो 14:19

आमी असो गोस्टी मा लगो रहबिन, जोन लक सान्ती बनावन मा बढावा मिले।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

रोमियो 15:33

पूरो सांती को धाम परमेस्वर तुमरो संग रव्हे। आमीन।

रोमियो 16:20

सान्ती को परमेस्वर सैतान ला तुमारो लात मा लवकर खुदवा देहेत। आमरो पिरभू यीसु मसीह को किरपा तुमरो पर होतो रव्हे।

1 कुरिन्थियो 1:10

मोरो संगीहुन! अमरो पिरभु यीसु मसीह को नाव मा मोरो तुमरो लक पिराथना सेत का तुमरो मा कोनी फूट नोको होवे। तुम सबा एक संग जुटो रव्हो अना तुमरो बिचार अना धेय एकच होवे।

2 कुरिन्थियो 1:4

उ सब दुख मा अमीला, सान्ती देतो रव्हसेत। जोन लक, परमेस्वर को कन लक, अमीला जोन सान्ती भेटासेत, वोच को लक आमी दुसरो ला भी, उनको हरेक दुख मा सान्ती देवन को ताकत अमीला मिल जाय।

2 कुरिन्थियो 13:14

पिरभू यीसु मसीह को किरपा अना परमेस्वर को पिरेम अना पवीतर आतमा को संगति तुम सक्कडया लोक को सग होत्यो रव्हे आमीन!

2 कुरिन्थियो 13:9

जबा हमी कमजोर सेजन अना तुमी ताकतवर सेव, ता आमी खुस होव्हसेजन, अना यो पिराथना भी करासेजन की तुमी मजबुत होय जावो।

इफिसियो 4:12

मसीह ना उनला यो दियो दान संत मानूस की सेवा को काम को लाई तैयार करन ला देइस ताकि हमी जोन मसीह को तन सेजन, आतमा मा अखिन पिक्को होवबिन।

इफिसियो 4:3

उ सांती, जोन तुमला आपसी मा बांधी राखासे, ओकोलक पैदा आतमा को एकता ला बनाय राखन को लाई हर पिरकार को कोसिस करत रव्हो।

इफिसियो 6:23

अगो भाऊहुन, तुमी सब ला मोठो परमेस्वर बाबूजी अना पिरभु यीसु मसीह कन लक सान्ती अना भरोसा सकट माया मिलेह।

फिलिप्पियो 1:27

एतरो करो का तुम्हारा चाल-चलन मसीह को साजरोबारता को काबिल होय का चाव्ह मि आयके तुमला चोऊ, चाव्ह नही आऊँ, तुमरो बारे मा योच आयकू का तुमी एकच आतमा मा पक्को सेव। अना एक चित्त भयके साजरो बारता को भरोसा को लाई मेहनत करत रव्हना।

फिलिप्पियो 3:16

जेना नाप तक आमी पहुच गयी सेजन ओनाच लक आचरन करबिन।

फिलिप्पियो 4:2

मि यूओदिया अना सन्तुखे दुही ला बिनती करासेऊ की वय पिरभु मा एक मन एक बिचार रव्हे।

फिलिप्पियो 4:4

पिरभु मा हमेसा खुसी मनाव, मि मंग कव्हसू की खुसी मनाव।

फिलिप्पियो 4:9

जोन काही तुमना मोरो लक सीखयासेव अना अपनायो सेव, आयकिया अना चोयासेव, उनको मंघा चलोह अना परमेस्वर जो सान्ती को सोता से, तुमरो संगा रह।

1 थिस्सलुनीकियो 3:10

हमी रात-दिवस मोठी लगन लक पिराथना करा सेजन, का तुमरो तोन्ड देखबिन अना तुमरो भरोसा घटी कमी पूरी करबिन।

1 थिस्सलुनीकियो 4:1

अखट्ट मा अगा भाऊ हुन हमी तुमी लक पिरभू यीसु मा बिनती करके तुमला समझाव सेजन का, जसो तुमीना आमिलक काबिल चाल चलनो अना परमेस्वर ला खुस करन की सिक्सा पायासेव। अना जसो का तुमी सचमुच चला सेव। वसोच अखीन लगत बढत जावो।

1 थिस्सलुनीकियो 4:18

एकोलाय एना गोस्टी गीन लक एक दुसरो ला सान्ती देवो।

1 थिस्सलुनीकियो 5:13

अखीन उनको काम को कारन पिरेम लक उन को संग साजरो सान्ती लक रव्हो।

1 थिस्सलुनीकियो 5:16

हमेसा खुसी लक रहवो।

1 थिस्सलुनीकियो 5:23

अबा सान्ती को परमेस्वर आतमा आपच तुमला पूरो पवीतर करहे। अखीन तुमरो आतमा, परान अना देह हमरो पिरभू यीसु मसीह को आवन तकन पूरो रिती लक निरदोस अखीन साजरी रह।

2 थिस्सलुनीकियो 2:16

आमरो पिरभु यीसु मसीह खुदच अना आमरो बाबूजी परमेस्वर जेनला आमी ना माया राखिसेजन, वाच आमला दया अना हरामेसा को सान्ती लक साजरो आस देइसेस।

2 थिस्सलुनीकियो 3:1

आखरी मा ओ भाऊगीन, आमरो लाई पिराथना करने की पिरभु को गोस्टी असी बढ़े अना बड़ाई पाहे, जसो तुममा भयो सेत।

2 थिस्सलुनीकियो 3:16

अबा पिरभु जो सान्ती को राखन वालो से आपच तुमला सदा अना हर परकार लक सान्ती देहे। पिरभु तुमरो सँग रह।

2 तीमुथियुस 2:22

जुवानी को मन मरजी आस लक परावो, अना जोन सुध्द मन लक पिरभू को नाव लेवसेत, उनको संग धरम अना बिस्वास अखीन पिरेम अखीन मेल मिलाप को पीछा करो।

इब्रानियो 12:14

सर्वां संग सान्ती लक पवितर बनन को कोसीस करा। काहेका पवितर मानूस च पिरभू ला चोहेत।

इब्रानियो 13:20

जोनना मेढा गीन को महान रखवालो, आमरो पिरभु यीसु को रकत लक वोना अमर सांती करार मा मोहर लगाके परमेस्वर मरयो हुयो लक जित्तो कर देइस।

याकूब 1:4

धीरज ला अपरो काम पूरो करन देव। जोनलक तुमी निरदोस अना सिद्ध भई जाओ; अना तुमरो मा कोनी परकार को कमी न रव्ह जाएत।

1 पतरस 3:11

तुम्ही बुराई लक दुहुर रव्हनो पाहिजे अना नेकी केले पाहिजे। तुम्ही मना पासुन सांती लाय कोसीस करनो पाहिजे।

1 पतरस 3:8

निचोड़ यो सेत का तुमी सर्वांमध्ये एकच मन अना एकच भावना रव्हनो जरूरी सेत। एकमेक लक पिरेम करा अना एकमेक काजी दयालू अना नरम राहा।

1 पतरस 5:10

अता परमेस्वर, जोन सब पर किरपा करा सेत, जोना तुम्हिला मसीह को बीच मा अमर बेरा को गौरव काजी बुलायो सेत। तुम्ही काही काल सहन करनो को बाद तुम्हीला सिद्ध अना सामरथवान करहेत।

परकासित वाक्य 22:21

पिरभु यीसु को दया पवीतर लोकगीन को सँग रव्हे। आमीन।