2 कुरिन्थियो 12:20 - सत मारग पर चलन वारो किताब

²⁰ काहेका मोला असो भेव सेत, का कदी असो तो नही भई जाय, का मी आय के ना जसो मी तुमी ला चोवनो चव्हासू वसो तुमी मोला नही भेटयो, अना तुमरो मा लडाई रार जलन चुगली अना गरब होहे।

2 कुरिन्थियो 12:20 ပူးပေါင်းရင်းမြစ်များ

रोमियो 1:29

एको लाय वय सब परकार को अन्याय करन लगीन अना खोटो काम, लोभ बुराई लक भर गईन। वय ईरसा, जान लेवनो, बैर छल-कपट, अना खोटो बिचार लक भर गइन।

रोमियो 1:30

बदनाम करन वारा, परमेस्वर ले घिरना राखन वारा, ढिट, जिद्दी, डीग हाकन वारा, बुराई राखन वारा, माय-बाप को हुकूम नही मानन वारा।

रोमियो 2:8

काही लोकहुन सुवारथी सेत, अना गलत काम करा सेत, सही काम करन लाय, वोको हुकूम ला नही माना सेत। उनको मा परमेस्वर को गुस्सा दिसायेत।

1 कुरिन्थियो 1:11

काहेकि अगो भाऊहुन! खलोए को घराना को लोकगीन, तुमरो बारेमा सांगयो सेत का तुमरो मा झगड़ा रार होवा सेत।

1 कुरिन्थियो 14:33

काहेका परमेस्वर गडबडी को नही पर सान्ती को परमेस्वर सेत, जसो पवीतर लोकगीन को सब कलीसिया मा होवासेत।

1 कुरिन्थियो 5:2

मंग काजक को गरब, एको उलट तुमरो मा उदासी होवनो पाहिजे। अना जोन मानूस ना असो काम कियो सेत वोला संगती लक बाहेर हेड़ो।

2 कुरिन्थियो 1:23

परमेस्वर गवाह सेत मी आपरो जिंदगी को किरिया सांग सेऊ। का मी यो काजी अब तकन कुरिन्थुस नही आईसेव का मी तुमीला दुख बचायो राखनो चाव्हत होतो।

2 कुरिन्थियो 10:2

मी यो बिनती करासेऊ का तुमरो पुड़ा मोला बीना डर को होयके हिम्मत करनो नही पडे जसो मीना कोनी लोक गीन पर जोन हमरो देह को जसो चलन वालो समझसे हिम्मत देखावन को बिचार करासेऊ।

2 कुरिन्थियो 10:6

अखीन तैय्यार रव्हसे का जबा तुमरो हुकूम पूरो होय जाहे त हर एक पिरकार को हुकूम ला तोड़हेत त सजा देहेत।

2 कुरिन्थियो 12:21

अना कदी असो ना भई जाय का मोरो परमेस्वर मोला तुमरो कठा आवन काजी मंग मजबुर करे। अना तुमरो लाय मोला दुख उठानो पडहेत। जोनना पयले पाप कियो होतो, अना खोटो करम, अना दुसरो संग सोवनो को पाप अना वय अबा भी पाप लक मन ला हटाव नही भयो सेत।

2 कुरिन्थियो 13:2

जसो मी जबा दुसरो बार तुमरो संग होतो। वसोच अबा दुहुर लक, उन लोकगीन ला जोन ना पाप करिसेत अना तुमी सबला मी सांगसू, का मि आहिन तो तुमरो खैरियत नाहती।

2 कुरिन्थियो 2:1

एकोलाय मीना आपरो आप मा यो तय कर लेईसेव, का तुमी लोक गिनला दुबारा दुख देवन साठी मी तुमरो बीचमा नोको आऊ।

गलातियो 5:15

पर अदी तुमी एक दुसरो ला दात लक काटो सो अना फाड़ खावोसो, तो सतरक रव्हने की कही एक दुसरो ला सत्यानास नोको कर देहो।

गलातियो 5:26

आमी झुठो घमन्ड नोको करबिन एक दुजो लक ला नही भडकाबिन अना एक दुजो लक जरन नही करबिन।

याकूब 4:11

अगा भाऊ एक दुसरो की बदनामी नोको करो। जोन अपरो भाउ की बदनामी करासे अना भाउ पर दोस लगावासे उ करार की बदनामी करासे अखीन नियम पर दोस लगावासे अना अदी तु करार पर दोस लगवासे त तु नियम मानन वालो नही पर तु वोको पर मुकदमा करन वालो ठहरायो जाजोस।

1 पतरस 2:1

एको लाई सबच पिरकार को बैर-भाव छल अना कपट, जलन ईरसा बदनामी सबला छोड़ देव।

2 पतरस 2:18

वय बेकार को गरब लक बोलासेत। अना देह को इक्सा लक चलनवारा लोक गिनला फसान को गोस्टी करतत। अना जोन भटको हुयो लक अबा बाहेर हिटयो सेत, उनला वय मोहित करासेत।

यहूदा 1:16

यो लोक चुगली करनवारा सेत, अना दोस खोजन वारा सेत। यो लोक आपरी मरजी हुन को दास सेत अना आपरो टोंड लक घमन्ड भरी गोस्टी बोलसेत आपरो फायदा को लाई यो दुसरो की मियामिठठु करासेत।