2 कुरिन्थियो 11:2 - सत मारग पर चलन वारो किताब

² काहेकी मी तुमरो बिसय मा परमेस्वर की खूब धुन मा लगयो रव्हा सेऊ एकोलाय का मीना एकच मानूस लक तुमरी पक्की करी सेउ, का तुमीला पवीतर कुवारी को जसो मसीह ला सोप देहू।

2 कुरिन्थियो 11:2 ပူးပေါင်းရင်းမြစ်များ

योहन 3:29

जोन की नवरी से, उ नवरा से, पर नवरा को संगी जो उभो से, वोकी आयकसेस अना नवरा को सबद लक खुस होवासे। अता मोरो खुसि पूरी भय गयी।

रोमियो 7:4

अगो मोरो भाऊ हुन असोच मसीह को देह को लक तुमी कानून को लाय मर गयो सेव। एकोलाय अबा तुमी कोनी दुसरो लक नातो जोड़ सका सेव। वोको लकजोन मरयो हुया लक मंग जित्तो भयो सेत। जोन लक अमी परमेस्वर को लाय साजरो काम कर सकत।

1 कुरिन्थियो 4:15

अदी तुमरो कठा लगत गुरुगिन सेत, पर मसीह मा तुमारो लगत सा दआजी नाहती। काहेका, मसीह यीसु मा साजरा बारता लक मी तुमी लोक गीनको दआजी बनयो सेऊ।

2 कुरिन्थियो 4:14

आमी जानासेजन का परमेस्वर जेने पिरभु यीसु ला जित्तो करिसेत, वाच आमीला यीसु को हिस्सादार समझके जित्तो करयेत। अना आमीला तुमरो सँगा आपरो हाजरी मा ले जाहे।

गलातियो 4:11

मोला भेव से, कहीं असो न होयहेत की मिना तुमी लोकगीन को बीच मा बेकार मेहनत करीसेव।

फिलिप्पियो 1:8

ऐमा परमेस्वर मोरो गवाह से का मि मसीह यीसु को जसी माया राखके तुमरो सबको मोठो लालसा करासेऊ।

कुलुस्सियो 1:28

एकोलाय हमी सबला मसीह यीसु को परचार कर सेजन। आमी मसीह मा सबा सम्बव गियान को संग आमी उनला चिताय देवा सेत, अना उनला सिकावसेत। जोनलक हरेक मानूस ला मसीह को संग एक पक्को मानूस को रूप मा परमेस्वर को पुड़ा लायो जा सकेत।

1 थिस्सलुनीकियो 2:11

तुमी जानासेव का जसो बाप अपरा टूरा गीन को संग बरताव करासे, वसोच हमी भी तुमी मा लक हर एक ला सिक्सा देईसेजन अना तैय्यार करा सेजन अखीन बिनती करके समझाई सेजन।

परकासित वाक्य 14:4

वय असो मानूस होतिन। जोनना कोनी बायको को संग सोय के अपवितर नही भयो होतिन। काहेका वय कुंवारो होतिन। यो वय होतिन जोन पाठी को मघा-मघा जावत होतिन। यो लोकगिन सारी मानूस जाति लक उनला दाम देयकर बन्धन ले छुड़ायो गयो लोक होतिन। वय परमेस्वर अना पाठी को लाय फसल के पयलो फर को रूपमा होतिन।