2 कुरिन्थियो 11:13 - सत मारग पर चलन वारो किताब

¹³ कायका असो लोक झूठो पेरीत अखीन छल बल करनवारा अना मसीह को पेरीत को रुप धरनवारा सेत

2 कुरिन्थियो 11:13 ပူးပေါင်းရင်းမြစ်များ

मत्ती 25:24

जोन ला एक पिवसी सिक्का मिलयो होतो। ओना आयके कव्हयो, हे मालिक मोला मालुम सेत, का तु कठोर मानूस सेस, तु जहान नही बोवसेस वहान कापा सेस। अना जहान नही छिड़का सेस, वहान लक बटोरा सेस, तोला जवाब देवन को मोरो अवकात नही होत्यो।

पेरीत 15:1

मंग काही लोकगीन यहुदिया छेतर लक मोठो नगर अन्ताकिया मा आइन। अना भाऊ गीन ला यो सिकान लगीन। “यदी मोसे भविस्यवक्त को नियम को अनुसार तुमरो खतना नही होहेत, तो तुमीला सूटकारा नही भेटेत।”

पेरीत 15:24

अगो चहेतो भाऊगिन! हमिना जबा लक यो आयकिया की हमि मा लक कोनी बगैर आमरो हुकूम को जायके तुमरो मनला उलट के परेसान कियो सेत, अना तुमरो मन ला डगमगा देइसेत,

पेरीत 20:30

असो बेरा आहेत का तुमरो बीच मा लक असो मानूस उठेत, अना लोकगीन ला अपरो मंघा खीचन लाई बचनला तोड़ मरोड़ के सांगेत।

रोमियो 16:18

आपरो पोट को सेवा करनवारा, अना चिकनो-चिकनो साँग के सिदो-सादो मन को लोकगीन ला बहकानवारा, असो लोकगीन पिरभू यीसु मसीह को सेवा नही करा सेस, पर वय आपरो सेवा करसेस।

2 कुरिन्थियो 11:15

एकोलाय अदी वोको सेवा करनवारा, धरम को दास जसो रुप धरेति तो कोनतो मोठी गोस्टी सेत। पर उनको आखीर उनको काम को अनूसार होयेती।

2 कुरिन्थियो 2:17

परमेस्वर को बचन ला लोकगिन जसो मिलावट करके बिकन वालो जसो अमी नही सेजन। परअ परमेस्वर ना अमीला धाड़ी सेत, का वोको हाजरी मा ईमानदारी लक वोको बचन ला सांगनो सेत।

2 कुरिन्थियो 4:2

अमिना सबच लुकयो अना लाज को काम लक बेगरो भईसेजन, आमी कोनी धोका को काम नही करतत, ना आमी परमेस्वर को बचन ला खोटो साबीत करसेजन। अना खराई लक आमी परमेस्वर को डोरा को पुड़ा रव्हसेजन। हरेक को डिमाक लक भलाई करन को कोसीस मा रव्हसेजन

गलातियो 1:7

वाकई मा, “दुजो कोनी साजरो बारता” नहाती, पर काही लोक तुममा सांती भँग करसेति। अना मसीह को साजरो बारता ला अकारत करनो चाव्हसेत।

गलातियो 2:4

यो उन दोगला भाऊगीन लक भयो। जोन चोरी लक धस आया होतीन की हमारो ओनो सुट की जोन यीसु मसीह मा हमला मिलीसे। भेद आन के ना हमला दास बनाऐत।

गलातियो 4:17

जोन लोक तुमरो पर दया करके मिलान चाव्हसेत। पर वय साजरो मकसद लक असो नही कर रही सेत। वय तुमला मोरोलक अलग करनो चाव्हसेत, जोकोलक तुमी उनला आपरो पर हुकुमत करन देव।

गलातियो 6:12

जोन लोक दिखावा को काम लक झुठी बड़ाई पावनो चाव्हसेत। वय देह को खतना करवान को साठी तुमला रोकासेति यो एकोलाय की मसीह को कूरूस को कारन उन पर जुरुम नही कियो जाय।

इफिसियो 4:14

एकोलाई हमी असो लेकराच न बनबिन जो हर कोनी असी नयी सिक्सा को हवा लक उछल जावबिन, जो आमरो रस्ता मा बव्हसे, लोकगीन को छल परन बेवहार लक, असी कपटता लक, जो ठगावन लक भरी योजना ला पेरीत करासे, इता-उता भटकाय दियो जावसे।

फिलिप्पियो 3:18

काहेका मि तुम लक कई लोक खोटो चालचलन राखसेत। पुढा कई गन कव्ह चुकी सेऊ अना अबा भी रोय-रोय के कव्हसू की असा लगत सेत, जोन आपरो चाल चलन अना सुभाव लक मसीह को कूरूस को दुस्मन सेत।

फिलिप्पियो 3:2

कुतरा गीन, बुरो करनवारा गीन अना खोटो खतना लक सजग रव्हो।

कुलुस्सियो 2:4

यो मि एकोलाय कव्हसू की कोनी मानूस तुमला ललचानवारी गोस्टी लक धोखा नोको देहे।

कुलुस्सियो 2:8

सतरक रव्होने की कोनी तुमला ओना संसार को गियान अना बेकार छल लक आपरो सँगा नोको कर लेहे, जोन मानूस को उसुल गीन अना संसार की जुनो सिक्सा को जसो से। पर मसीह को जसो नही।

1 योहन 2:18

ओ चहेतो टुराहुन, यो आखरी बेरा आय गयी से! अना जसो का तुमिना आयकिया सेव का मसीह को बिरोधी आय रही से। एकोलाई अब कई मसीह बिरोधी उपजीसेत। ऐनाच आमी जानबिन का आखरी बेरा आय गयी से।

1 योहन 4:1

ओ चहेतो, हरेक आतमा को भरोसा नोको करो पर आतमा ला परखो का वय परमेस्वर को कन लक सेत का नही; काहेका लगत सा खोटो भविस्यवक्ता संसार मा हिटके उभो होयी सेत।

यहूदा 1:4

काहेकि आमरो बीच मा काही लोक चोरी लक आय घुसी सेत ऐना लोकहुन को सजा को बारे मा गिरंथ ना लगत पयलेच भविस्यवानी कर देयि होतिस। यो लोक बिना परमेस्वर को सेत। एना लोकहुन परमेस्वर को किरपा ला सुख सुविदा को एक बहाना बनाय डाकीसेत अना यो आमरो पिरभु अना केवल एक मालिक यीसु मसीह ला नही मानासेत।

परकासित वाक्य 19:20

तबा पाठी को सेना ओनो जनावर ला धर लेयीन। ओको संगा च ओनो खोटो भविस्यवक्ता ला भी, जो ओनो जनावर को नाव मा चमत्कार निसान दिसायके उनला छल रहयो होतो, जिन पर ओनो हिंसक जनावर को छाप होती अना जो ओकी मूरति को पूजा करत होतीन। ऐना दुही ला जित्तो च गंधक लक सुलगी स्तोको झील मा फेक दियो गयो।

परकासित वाक्य 2:2

“मि तोरो करयो गयो काम, मेहनत आना धीरज ला जानुसू।” का तू बुरो लोकईन ला, फूटयो डोरा नही भअवा सेत। अना जोन आपरो आपच ला पेरीत ठहरायो सेत। पर उ नहाय तुना उनला परख के खोटो पायो सेत।

परकासित वाक्य 2:20

पर मोला तोरो विरोध मा मोला यो कव्हनो से, की तु ओनो आई-माई ईजबेल ला आपरो बीच रव्हन देसेस, जो आपरो आपच ला भविस्यवक्तनी कव्हसे, अना मोरो दास गीन ला छिनालापन काम करन अना मुरत गीन को पुड़ा चघायो हुयो मांस खान को लाई, सिखावसे अना भटकावसे।

परकासित वाक्य 2:9

“मी तुमरो दुख अखिन तुमरो गरीबी को बारेमा जाना सेऊ।” मंग सहीमा तुम्ही धनवान सेव! जोन अपरो आपला यहूदी कव्हसेत। तुमरो जोन निन्दा करतत, वोला भी जाना सेऊ। मंग वय यहूदी नाहती। बल्कि वय तो सैतान को भगती करन वालो को एक जमघट सेत।