2 कुरिन्थियो 1:19 - सत मारग पर चलन वारो किताब

¹⁹ काहेकी परमेस्वर को टूरा यीसु मसीह मा जोको परचार तुमरो बीच हमरो अना सिलवानुस, तीमुथियुस अखीन मीना करयो, वोको कबच हव अना कबच नही से वरन उनमा सिरप हव से।

2 कुरिन्थियो 1:19 ပူးပေါင်းရင်းမြစ်များ

मत्ती 17:5

जबा उ असो कव्हच रहयो होतो, तबा एक पाँढरो, बादर न उनला ढाक लियो, अना उ बादल लक एक आवाज आयी यो मोरो एकच चहेतो, टूरा से, जेनको लक मी गजब खुसी सेव “एकी आयको!”

मत्ती 24:35

बादल अना धरती टल जाहेत, पर मोरो कव्हयो कदीच नही बदलेत।

मत्ती 27:40

यो कव्हत होतीन, यो मंदिर ला गीरावन वारा, अना तीन दिवस मा, मंग बनान वालो, यदि तु परमेस्वर को टूरा आस, तो आपरो आप ला बचा। अना, कूरूस लक खाल्या आव।

मत्ती 27:54

सेना को मुखिया, अना पहरादार, सैनीक गीन भुईडोल अना, यो सब गोस्टी चोयके गजब डराय गइन। अना बोलन लगीन, खरो खर पक्को मा यीसु च परमेस्वर को टूरा आय।

मत्ती 3:17

अना सरग लक आवाज आयकु आई “यो मोरो चहेतो टूरा से, जेना लक मि सब लक ज्यादा खुस सेव।”

मत्ती 4:3

तबा परखन वालो ना ओको जवर आयके कहीस “अदी तु परमेस्वर को टूरा सेस ता कव्हका यो गोटा भाखरी बन जाए।”

मरकुस 1:1

यो परमेस्वर को टूरा यीसु मसीह को साजरा बारता से।

लूका 1:35

सरगदूत ना वोला साँगिस, पवीतर आतमा को ताकत तोरो पर आहेत, अखीन मोठो परमेस्वर तोरी, रक्सा करहे। एको लाई उ पवीतर, जो जनम लेवन-वालो से, परमेस्वर को टूरा कहलाहे।

योहन 1:34

अखीन मीना चोवयो अना मि सांगुसू, का योच परमेस्वर को टूरा आय।

योहन 1:49

नतनएल ना वोला जवाब दियो, “हे गुरू तू परमेस्वर को टूरा, अना इसरायल जाती को महा राजा आस।”

योहन 19:7

यहूदी गीनना ओला जवाब देइन, “हमारो भी मोसे को नियम को लक, उ जरुर मार डाकन को काबील से, काहेकी ओना आपरो आपच परमेस्वर को टूरा बनाईसेस।”

योहन 20:28

यो आयक के थोमा ना जवाब देइस। हे मोरो, पिरभू हे मोरो परमेस्वर।

योहन 20:31

पर एको कारन लक लिखी गई से की तुमी लोकगीन भरोसा करो, की यीसु जोन से उ परमेस्वर को धाड़ो गयो से। अना कव्हनो मा मसीह से। अना ओको नाव मा भरोसा करनो लक जीवन मिलासे।

योहन 3:16

काहेका परमेस्वर ना संसार लक एतरो माया राखियो, का वोना आपरो चहतो एकच टूरा ला दे देईस। एकोलाय जोन कोनी वोको पर भरोसा राखेत, उ नास नही होहेत पर अमर जीवन पाहेत।

योहन 6:69

अना आमी ना भरोसा कर लिया अना जान लिया का परमेस्वर को पवीतर जन तु ही सेस।

योहन 8:58

यीसु ना उनला कहीस, “मि तुमी लक खरो कव्हसु, की पुढा अबराहम पैदा भयो, एको लक पुढा मि सेउ।”

पेरीत 15:22

मंग पेरीत गिन अना बुजरुक गिन ना पूरी कलीसिया सकट यो पक्को करीन का पेरीत उनको बीच मा लक काही मानूस अना पौलुस ला को बेचके अंताकिया धाड़यो जाय। बरसब्बा कहयो जान वालो यहूदा, अना सीलास ला बेच लेइन। वय भाऊगीन मा आदर को काबिल होतिन।

पेरीत 16:1

मंग पौलुस अना सिलास, दिरबे अखीन लुस्तरा नगर मा गइन। वहान तीमुथियुस नाव को एक चेला होतो। जोन को माय यहुदी बिस्वासी अना वोको बाप यूनानी होतो।

पेरीत 18:5

जबा सीलास अना तीमुथियुस मकीदुनिया लक आइन। ता पौलुस गोस्टी आयकावन मा अपरो पूरो पुरुप देवन लगीस। अना यहूदी गीन को आयकावायके का यीसु च मसीह से।

पेरीत 8:36

वय रास्ता मा जता-जता पानी जवर पहुचीन खोजे न कहीस यो पानी से अबा मोरो बप्तिस्मा मा का रुकावट से?

पेरीत 9:20

अना उ तुरन्त सभाघर मा यीसु को परचार करन लगयो, का उ परमेस्वर को टूरा से।

2 कुरिन्थियो 1:1

अखया कुरिन्थुस नगर मा परमेस्वर यीसु मसीह को कलीसिया अना सबा युनान देस को रहवासी सबा पवीतर संतहुन को नाव पौलुस जोन परमेस्वर को मनसा को कन लक पेरीत सेत, अना भाऊ तीमुथियुस को चिठ्ठी।

1 थिस्सलुनीकियो 1:1

हमरो बाप परमेस्वर अना पिरभू यीसु मसीह मा थिस्सलुनीकिया नगर को कलीसिया को नाव पौलुस सिलवानुस अखीन तीमुथियुस ला चिठ्ठी मा किरपा अखीन सान्ती मिलहेत।

2 थिस्सलुनीकियो 1:1

पौलुस अना सिलवानुस अना तीमुथियुस को कन लक चिठ्ठी थिस्सलुनीकिया की कलीसिया को नाव, जोन आमरो बाबूजी परमेस्वर अना पिरभु यीसु मसीह मा आय।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

इब्रानियो 1:11

वोको नास होहेत, पर तु बनयो रव्हजोस। सप्पा वय कपरा सारखे जुनो हो जाहेत पर तु एक सो बनो रव्हसेस।

इब्रानियो 13:8

यीसु मसीह कल भी वसोच होतो, जसो आज सेत, अना हरामेसा वसोच रव्हेत।

1 पतरस 5:12

मी सिल्वानस अना जोनला मी बिस्वास भाऊ समजतो वोकोच हात थोड़ो सो लिखि सेऊ अना गवाहि देईसेऊ। यो परमेस्वर की खरी किरपा सेत। वा बीच पक्को रव्हो।

2 पतरस 1:17

जबा सरग ले, अजी परमेस्वर को कन लक, वोला सन्मान व गौरव भेटली। तबा असो आवाज आयकलो “यो मोरो चहेतो टूरा सेत। एको ले मी आनंदित सेऊ।”

1 योहन 1:3

जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।

2 योहन 1:9

जोन कोनी लगत दुर भटक जावासे अना मसीह को बारे मा दियो गयो खरो सिक्सा मा टिकयो नही रव्हा, उ परमेस्वर ला नही पाय सका अना जोन ओको सिक्सा मा बनयो रव्हसे, मोठयो दआजी अना टूरा दुही च ओको जवर सेत।

परकासित वाक्य 1:11

की जो काही तु देखीसेस ओला किताब मा लिख अना सात कलीसिया गीन को नाव धाड़ मजे इफिसुस, स्मुरना, पिरगमुन, थुआतीरा, सरदीस फिलोदिपिया अना लौदीकिया ला धाड़ देव।

परकासित वाक्य 1:17

जबा मिना ओला दिसयो ता मरो हुयो जसो ओको पाय मा गिर पड़यो, वोना मोरो पर आपरो उजो हात राख के सागयो नको भेव खाय मी पयलो अना अखट्ट जिवित सेव।

परकासित वाक्य 1:8

परमेस्वर जो सब लक ताकत वर से, यो कव्हसे, “कवन से? कवन होतो? अना कवन आवन वालो से? मी च पयलो अना आखीर सेऊ।”

परकासित वाक्य 2:18

थुआतीरा को कलीसिया को सरगदूत ला लिख, परमेस्वर को टूरा, जेकी डोरा स्तो को धगाड़ी जसो अना जेनको पाय चमचमातो सुध्द काँसो जसो सेत, यो कव्हसेत,