1 तीमुथियुस 6:16 - सत मारग पर चलन वारो किताब

¹⁶ अखिन अमरता बल्कि वोकिच से अना उ मानूस को पहुच लक बहार मोठो उजाड़ मा रहवासे अना वोला कोनी मानूस न नही चोवीस अखिन कबच नही चोव सकासे वोकिच मान बढाई अना राज जुगाजुग रव्हे आमेन।

1 तीमुथियुस 6:16 ပူးပေါင်းရင်းမြစ်များ

योहन 1:18

कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

योहन 14:9

यीसु ना ओला कहीस, हे फिलिप्पुस, मि एतरो दिवस तकन तुमरो जवर रहयो, अना का तु मोला नही जानासे? एको लाई जोन ना मोला चोय लियो ओना बाबूजी ला चोय लेइसेस। तु कायलाय कव्हसेत की बाबूजी ला हमला चोवाय?

योहन 6:46

एको अरथ यो नहोती का कोनी ना दाअजी ला चोयीसेस, पर वाच जोन परमेस्वर कन लक आयीसे ओनाच दाअजी ला चोयीसे।

योहन 8:58

यीसु ना उनला कहीस, “मि तुमी लक खरो कव्हसु, की पुढा अबराहम पैदा भयो, एको लक पुढा मि सेउ।”

इफिसियो 3:21

ओको महिमा कलीसिया मा अना मसीह यीसु मा पीढ़ी लक पीढ़ी तकन जुग-जुग होवत रव्ह। आमीन।

फिलिप्पियो 4:20

आमरो परमेस्वर अना बाबूजी को महिमा जुग-जुग तकन होवत रव्हे। आमेन।

कुलुस्सियो 1:15

मसीह नही चोवनवारा परमेस्वर को चोवनवारा रुप सेत। उ पहलोटा टूरा से। जोन सबा बनायो गयो चीज लक साजरा सेत।

1 तीमुथियुस 1:17

अबा अमर सनातन राजा अना कबच नास नही होवन वालो, जेनला चोवनो मा नही आयो, एकच परमेस्वर को मान अखिन महिमा जुग-जुग होवती रव्हे। आमेन।

इब्रानियो 13:8

यीसु मसीह कल भी वसोच होतो, जसो आज सेत, अना हरामेसा वसोच रव्हेत।

याकूब 1:17

हरेक साजरो अना भरयो पुरयो दान-वरदान वरता लक भेटासेत। अना वय उजाड़ को मोठयो दआजी कन लक जेने सरग को उजाड़ ला जलम दियोसेस, खाल्या आनीयो जासे। जोनमा कोनी फेरबदल नाहती।

1 योहन 1:5

आमिना यीसु मसीह लक जोन साजरो बारता आयकोसेजन, उ यो से अना ऐलाच आमी तुमला आयकी सेजन, परमेस्वर उजियाड़ो से अना ओमा जरासो भी अंधारो नही से।

1 योहन 1:7

पर यदि आमी अबा उजियाड़ो मा पुढ़ा बढ़सेजन काहेकि उजियाड़ो मा च परमेस्वर से-ता आमी भरोसा को रुप मा एक दुसरो को संगी सेजन, अना परमेस्वर को टूरा यीसु को रकत आमला सबच पापहुन लक सुद कर देवासे।

1 योहन 4:12

परमेस्वर ला कबा च कोनी ना नही चोयीसेस; अदि आपस मा माया राखबिन, ता परमेस्वर आमी मा बनयो रव्हसे अना ओको माया आमी मा सिध्द भयी गयो से।

यहूदा 1:25

हमरो पिरभु यीसु मसीह को कन लक हमरो परमेस्वर आमरो पाप मोचक की महिमा अना उचो नाव अखीन मोठो ताकत अना अधिकार, जसो अमर बेरा लक से। अबा तक होवासे अना जुगन जुग तक बनो रव्हे। आमेन!

परकासित वाक्य 1:6

वोना अमीला एक राज अना अपरो परमेस्वर दआजी को सेवामा याजक होवन लाय रचयो। ओको गौरव अना ताकत जुगजुग तकन बनयो रह। आमेन

परकासित वाक्य 1:8

परमेस्वर जो सब लक ताकत वर से, यो कव्हसे, “कवन से? कवन होतो? अना कवन आवन वालो से? मी च पयलो अना आखीर सेऊ।”

परकासित वाक्य 21:3

तबा मिना सिघासन लक एक उचो सबद मा यो कव्हतो आयकियो, “चोवो! मानूसगिन को बीच मा परमेस्वर को रव्हनो!” अब परमेस्वर उनको बीच रव्हे। वय उनको जनता होहेत अना खुदच परमेस्वर उनको बीच अमर निवास करहेत।

परकासित वाक्य 22:5

वहान अता लक रात होहेत नही। नाच ता उनला दियो को उजाड़ा को जरुरत होहे अना नाच सूरज को उजाड़ा, काहेका खुदच पिरभु परमेस्वर उनको उजाडो होहे। उ सदा राज करेहेती।

परकासित वाक्य 4:11

ओ आमरो पिरभु अना परमेस्वर, तुच महिमा मान अना ताकत को लायक सेस। काहेकि तुनच सबच चीजगीन ला बनाईसेस, अना ओको बनयो हुयो काम अना ओको दुनिया तोरीच मरजी लक भयी।

परकासित वाक्य 7:12

“आमेन” आमरो परमेस्वर को बड़ाई अना महिमा अना अक्ल अना धनवाद अना, मान अना ताकत जुगजुग तकन होवत रह। “आमेन”