1 तीमुथियुस 4:7 - सत मारग पर चलन वारो किताब

⁷ पर बुरी आतमा अना डोकरागिन की कथा-कहानी गीन लक अगल रहवो अना भक्ती बलिदान करो।

1 तीमुथियुस 4:7 ပူးပေါင်းရင်းမြစ်များ

पेरीत 24:16

एकोलाय मि भी परमेस्वर अना मानूस गीन को पूड़ा आपरी आतमा ला सुध्द बनावन को लाई जतन करतो रव्हासेऊ।

1 तीमुथियुस 1:4

अना वय कहानी गीन अना कबच न खतम होवन वारो खानदान पर मन नोको लगावना जेनको लक झगड़ा राड होवासे अना परमेस्वर को वोनो इन्तेजाम को जसो नही जोन बिस्वास पर बनायो हुयो से वसोच मी कव्हसू।

1 तीमुथियुस 1:9

यो जानके की मोसे को नियम न्यायी जन को साठी नाहती पर अधरमी गीन, बेलगाम महुन, बिन भक्तिवारा, पापी गीन, अपवितर गिन अना असूध्द मानूसगिन, माय बाबुजीगीन ला मारन वालो, जान लक मारनवालो,

1 तीमुथियुस 2:10

पर साजरो काम गीन लक, काहेकी परमेस्वर की भक्ती करन वारो आई-माई गिन लाय योच साजरो सेत।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

1 तीमुथियुस 4:8

काहेकी तन को योगा लक कम फायदा होवासे पर भगती सबच गोस्टी गीन को लाई फायदा देनवालो से काहेकी एना बेरा का अना आवन वालो जीवन की परन एकोच लाईसे।

1 तीमुथियुस 6:11

पर अरे परमेस्वर को जन! तु एना गोस्टी गीन लक पराय अना धरम भक्ती बिस्वास पिरेम धीरज अना नरमता ला मंघा करो।

1 तीमुथियुस 6:20

अरे तीमुथियुस एना धरोहर की राखवारी कर अना जेनको गियान ला गियान कव्हना च भुलसे उनकी बुरी बोली अना बिरोध की गोस्टी गीन लक दुहुर रव्हो।

1 तीमुथियुस 6:3

अदि कोनी अखिन परकार को सिक्सा देवासे अना खरी गोस्टी गीन ला हमरो पिरभू यीसु मसीह की गोस्टी ला अना वोनो सिक्सा ला नही मानसे जोन भक्ती को जसो से।

1 तीमुथियुस 6:5

अना वय मानूस गीन मा बेकार झगड़ा-राड पैदा होवासेत जेनको लक अक्कल बिगड़ गईसे अना उ खराई लक दुहुर भय गीन जोन समझासेत का भक्ती कमाई को जरिया से।

2 तीमुथियुस 2:16

पर बुरी सबद लक बचया रव्हो काहेकी असो लोक अखीन भी अभक्ती मा बढता जासेत।

2 तीमुथियुस 2:23

पर बेअक्कल अना कम अक्ल को झगड़ा लक अगल रहवो काहेकी तु जाना से का इनको झगड़ा पैदा होवासे।

2 तीमुथियुस 3:12

पर जेतरा मसीह यीसु मा भक्ती को संग जित्तो रव्हनो चाहवसे वय सब सताय जाहे।

2 तीमुथियुस 3:5

वय भक्ती को हुलीया त धरेहेत पर वोकी ताकत ला नही मानहेत असा गीन लक दुहुर रव्हना।

2 तीमुथियुस 4:4

अना अपरो कान खराई लक अलग करके कथा कहानी गीन पर लगायहेत।

तीतुस 1:14

अना यहुदिगिन को कथा बारता मा अना उन मानूस की हुकूम गीन पर मन न लगाहेत, जोन खराई लक भटक जासेत।

तीतुस 2:12

अना आमी चेतावनी देवा सेजन, की आमी बिना भक्ति को, अना दुनिया को मन मरजी लक मन हटाव के, ना यो जुग मा धीरज अना नेकी अना भक्ति लक जिंदगी बितावबिन।

तीतुस 3:9

पर मुरखगीन को बकवास लक अना खानदान, अना विरोध अना झगड़ा लक जोन कानुन को बारे मा होवासेत, ओको लक बचयो रव्हअ। काहेका वय बिनफर को अना बेकार सेत।

इब्रानियो 5:14

पर जेवन तो सियानो काजी सेत जोनला खरो-खोटो को गियान सेत।