1 तीमुथियुस 3:16 - सत मारग पर चलन वारो किताब

¹⁶ एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

1 तीमुथियुस 3:16 ပူးပေါင်းရင်းမြစ်များ

मत्ती 1:23

“आयको एक कुँवारी टूरी पोट लक रहेत, अना एक टूरा ला जलम देहे। अखीन वोको नाव इम्मानुएल ठेयो जाहे, मजे परमेस्वर आमरो संग मा से।”

मत्ती 13:11

जवाब मा यीसु ना उनलक कव्हयो “सरग राज को लुकयो भेद ला जानन को हक बस तुमरो च जवर सेत उनला नही।”

मत्ती 28:2

काहेका सरग लक पिरभु को सरग दुत वहान उतरियो होतो। एको लाई वोनोच बेरा एक मोठयो भुई डोल आयो। अना सरग दुत वहान आयके एक गोटा ला लुढकाय देइस अना वोको पर बसगयो

मत्ती 3:16

जसोच यीसु बप्तिस्मा लेइस, त वसोच बाहेर आयो तबा वोको लई सरग को किवाड़ उघड़ गयो, अना वरता लक परमेस्वर को आतमा ला परेवा को जसो आपरो वरता उतरता चोइस।

मत्ती 4:11

एको पर सैतान वोला सोड़के चली गयो अना सरगदुत आयके वोकी सेवा करन लगीन।

मरकुस 1:13

अना जंगल मा चालीस दिवस तकन सैतान ना ओकी परिक्सा लेईस, अना उ जंगल-को जनावर को संग रहयो; अना सरगदूत ओकी सेवा करता रहीन।

मरकुस 16:19

एको मंघा पिरभु यीसु चेलागीन लक गोस्टी करन को मंघा, सरग मा उचल लियो गयो, अना परमेस्वर को उज्जो कन बस गयो।

मरकुस 16:5

ता मरघट्टी मा जायके देखनो पर उनना एक जवान ला पाँढरो कपरा घालयो हुयो जेवनो बसा चोवीन, ता वय लगत डराय गईन।

लूका 2:32

यो दुसरो लोकगीन लाय लुको गोस्टी को खुलासा लाई आखिन तोरी पर जा इसरायल ला मान देवन वालो उजाड़ो से।

लूका 20:44

राजा दाऊद ता वोला पिरभू कव्हासे त मंग वा कसो वोको सन्तान से?

लूका 22:43

तबा यीसु ला एक सरगदूत दिख्यो, जोना, वोला ताकत देतो रहयो।

लूका 24:4

वा ऐना बात ला चोवके चकीत भई गइन, तबा दोन मानूस चमकतो जामा घालयो उनको जवर आयके उभो भय गइन।

लूका 24:51

यीसु आसीस देत-देत उन लक बेगरो भय गयो, अना सरग मा उचल लियो गयो।

योहन 1:14

अना सबद देह मा आयो अना दया अखीन खराई लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।

योहन 13:3

यीसु ना यो जानके की, बाबूजी ना सब काही मोरो हात मा कर देईसेस। अना मि परमेस्वर को जवर लक आईसेऊ, अना परमेस्वर को जवर जासू।

योहन 15:26

पर जबा उ सहायक आहे मजे खराई को आतमा जेनला मि तुमरो जवर बाबूजी को कन लक धाड़हु मजे सत को आतमा, जोन अजी को कनलक हीटासेत वो मोरो गवाही देहेत।

योहन 16:28

मि बाबूजी को कन लक जगत मा आयीसेऊ, अना मि मंग जगत ला सोड़के बाबूजी को जवर जावासू।

योहन 17:5

अता हे बाबूजी! तु आपरो सँग मोरी महिमा वा महीमा लक कर जोन जगत को पैदा होवन लक पुढा, मोरो तोरो सँग होतो।”

योहन 20:12

दुई सरगदूत ला पाढरो कपरा घालयो हुयो एक ला मुंडेसा अना दुसरो ला पैताना मा बस्यो चोयी, जिता यीसु को लास राखी होतीन।

योहन 6:62

अदी तुमी मानूस को टूरा ला जिता उ पयले होतो, उता वरता जातो चोहो ता का होहे?

पेरीत 1:19

सबच यरुसलेम का रहवन वारा गीन ला मालुम भय गयो ऐना कारन उ खेत ला हकलदमा मजे खून वालो खेत कहव्सेत।

पेरीत 10:34

तबा पतरस न कहीस, अबा मोला यो खराई लक मालुम भयो का, परमेस्वर कोनी मानूस को पक्स नही करासे।

पेरीत 14:27

उता पहुचके ना उनना कलीसिया, को सभा हाकलिन। अना सबला सागिन, का परमेस्वर ना उनको लक काजक-काजक करीस, अना कसो गैर यहुदी लोकगीन को लाय, भरोसा को बेसकुड़ उघाड़िसेस।

पेरीत 20:28

एकोलाय अपरी, अना पूरो हेड की चोकसी करो, जिनमा पवीतर आतमा न तुमला कलिसीया को मुखिया ठायराइसेस। जोनलक तुमी परमेस्वर की कलीसिया की देख-रेख करो, जेनला वोना अपरो खून लक मोल लेई सेस।

रोमियो 10:12

अबा यहूदी अना गैर यहुदीमा काही भेद-भाव नही सेत, एको लाय उ सबको पिरभू सेत। अना आपरो सब नाव लेवन वारा पर दया करासेत।

रोमियो 10:18

पर मी कव्हसू, का उनना नही आयकिन? जरूर आइकिसेस; काहेका लिख्यो सेत, “उनको आवाज सारो जगत मा, अना उनको बचन धरती को छोर तकन पहुच गयो सेत।”

रोमियो 16:25

वोना अमर परमेस्वर को स्तुति हो, जोन तुमी लोकगीन ला मोरो साजरा बारता अना यीसु मसीह को बारता को लक मजबूत राखन मा ताकतवर सेत। यो साजरो बारता वोना राज को सुरुवात से, जोन जुग-जुग लक लुको सेत।

रोमियो 16:26

पर अबा परगट हो गयो से। यो भविस्यवक्ता गिन को भविस्यवानी मोसे को नियम को लक अमर परमेस्वर को हुकूम लक, सब लोक गीन मा मुनादी कियो गयो से। जेनको लक वय भरोसा को लक अधिनता स्विकार करे।

रोमियो 3:4

पक्को नही! अदि हरेक मानूस खोटो सेत ता का भयव, परमेस्वर तो खरो से। जसो गीरंथ मा लिख्यो से, “जबा तू सांगेत, तबा तु सही मनो जाहेत, अना जबा तोरो फैसला होयेत, तोरो जीत होयेत।”

रोमियो 8:3

यो काम ला कानून नहीं कर सकयो, तबा परमेस्वर ना आपरो स्वता को टूरा लक यो काम करायो। जसो कमजोर देह लक अमी पाप करा सेजन, वसोच देह मा परमेस्वर ना आपरो टूरा ला धाड़ीस। जोन लक पाप ला निरस्त कर देवे।

रोमियो 9:5

वय जाहीर हिबरू घराना को सेत। अना मसिहा भी उनको च घराना को से। परमेस्वर जोन सबा पर सासन करा सेत, वोको हरामेसा बड़ाई होवे!

1 कुरिन्थियो 15:47

पयलो मानूस धरती को से, दुसरो मानूस सरग को से।

1 कुरिन्थियो 2:7

वोको जघामा अमी परमेस्वर को छिपयो गियान को अक्कल देवा सेजन। जोनला लगत जूनो जमाना ला परमेस्वर ना आमरो गौरव को काजी पक्को कियो होतो।

2 कुरिन्थियो 1:19

काहेकी परमेस्वर को टूरा यीसु मसीह मा जोको परचार तुमरो बीच हमरो अना सिलवानुस, तीमुथियुस अखीन मीना करयो, वोको कबच हव अना कबच नही से वरन उनमा सिरप हव से।

गलातियो 2:8

काहेकि जोन परमेस्वर ना पेरीत पतरस लक खतना करनवालो मा अगुवाई को काम मोठो असरदार तरीको लक करवाइ, ओनाच मोरो लक भी परजात गीन मा असरदार काम करवाइसेस।

गलातियो 4:4

पर बेरा पूरो भय जावन पर परमेस्वर ना मोसे को नियम लाई आपरो टूरा ला धाड़िसेस उ एक बायका लक पैदा भयो,

इफिसियो 1:9

जसो की मसीह को कन लक उ हमला दिसानो चाव्हत होतो।

इफिसियो 6:19

अना मोरो लाई भी पिराथना करने की बोलतो बेरा मोला असो ताकत को गोस्टी दियो जाय की मि हिम्मत लक साजरो बारता को छुपयो गोस्टी ला दिखाय सकुह।

कुलुस्सियो 1:23

अदी तुम भरोसा को नीव मा पक्को रूप लक बनो रव्हो अना वा साजरा बारता को आस ला जोन तुमी आयकु सेव, नही छोड़यो, जोनको परचार बादल को खाल्या, सारो दुनिया मा कव्हयो गयो अना वोको दास मी पौलुस बनीसेव।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

कुलुस्सियो 1:6

साजरा बारता आसीरवाद आनासेत। अना पूरो दुनिया मा फर-फुल रहयो से। जसो का तुमीना पयलो बार परमेस्वर को किरपा को बारे मा आयकयासेव। अना खरो खर यो पता चलयो होतो।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

2 थिस्सलुनीकियो 1:10

यो दिवस तबा होहे जबा यीसु आपरो पवीतर लोकगीन मा महिमा पावन अना सबच भरोसा करनवालो मा अचंभा को कारन होवन साठी आहे। काहेका तुमीना आमरो गवाही पर भरोसा करयत।

2 थिस्सलुनीकियो 2:7

काहेकि अन्याय को राज अबा भी काम कर रही से काहेका एक रोकनवालो खोटो करम से; अना जबा तकन उ दुहुर नही होहे, उ रोकत रह।

1 तीमुथियुस 3:9

पर बिस्वास को भेद ला सुध्द अक्कल लक राखे।

इब्रानियो 1:3

उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।

इब्रानियो 12:2

आमरो बिस्वास को नेता अना वोला पुरो लक उसे सिद्ध करन वालो यीसु पर नजर लगावो। जोनला आपरो समोर हाजिर आँनद को लाय कूरूस मा दुख झेलयो, वोको लाजको कोनी चिंता नहीं होतयो। अना परमेस्वर को सिंघासन को उजो हातमा बस गयो।

इब्रानियो 7:7

यो गोस्टी मा कोनी सक नाहती का जोन आसीरवाद देवासेत। उ आसीरवाद लेवन वालो लक मोठो होवासेत।

इब्रानियो 8:1

यो गोस्टी को सार यो सेत का, आमरो एक असो महायाजक सेत। जोन सरग मा मोठो गौरव को काबिल परमेस्वर को सिघासन को उजो कन बिराजमान भई गयो।

1 पतरस 1:12

का वय इन गोस्टी ला, आपरो लाय नही, पर वय तुमरो बारेमा सागत होतिन। जेनको खबर तुमला उन लोकगिन को लक मिलयो। उ गोस्टी सरग को कन लक भेजयो गयो। पवितर आतमा को उकसायो जावनो पर तुमिला आयकवायो गयो सेत। अना इन गोस्टी ला चोवनलाय सरगदूत गिन भी मनसा राखत होतिन।

1 पतरस 1:20

यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत।

1 पतरस 1:21

वोना मसीह को कारन तुमी वोना परमेस्वर पर बिस्वास करासेव। जोनना वोला मरयो हुयो मा लक जित्तो कर दियो। अना महिमा देईस, असो लक तुमरो बिस्वास अखिन आस परमेस्वर पर थम जाय।

1 पतरस 3:18

एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

1 पतरस 3:22

यीसु सरग मा जायके परमेस्वर को ऊज्जो कन बिराजो सेत। अना सरगदूत, अधिकार, अना सब ताकत वोको अधीन सेत।

1 योहन 1:2

ओनो च जीवन को गियान आमीला करायो गयो। आमिना ओला चोया सेजन। आमी ओको गवाही सेजन अना अबा आमी तुमी लोकहुन ला ओना च अमर जिंदगी को एलान कर रही सेजन जोन बाबूजी को संग होतो अना आमी जेनको गियान करायो गयो।

1 योहन 3:5

तुमी ता जानाच सेव का मसीह लोकहुन को पापहुन को एकोलाई दिसयो की पाप हुन ला दुहुर कर लेहे। उ सुभाव लक पापी नहाती।

1 योहन 3:8

जोन कोनी पाप करासे उ सैतान को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाई आयो का सैतान को काम ला नास करेत।

परकासित वाक्य 17:5

ओको कपार मा एक नाव, एक भेद लिखयो होतो। आलीसान मोठोनगरी बेबीलोन धरती मा छिंनालापन की माय, अना सप्पा बेकार अना नीच काम की मातामाय।

परकासित वाक्य 17:7

तबाच मोरोलक दूत ना पूसिस, “तू काहे अचरज मा सेत?” मि तोला यो जनावर अना यो मा बसी बायको को काजक मतलब सेत सांग सेऊ। सात डोस्का अना दहा सींग को यो जनावर

परकासित वाक्य 7:9

एको बाद मिना चोवयो, अना दिसयो का हरेक कबिला, अना कुल अना लोकगीन अना भासा मा लक, एक असी लोक को गरदी, जेनला कोनी नही गीन सकत होतो। पाँढरो कपरा डाकयो, अना आपरो हात गीन मा खजुर की डारी गीन लियो हुयो, राजगद्दी को पुढ़ा अना मेढ़ा को पुढ़ा उभी दिसयो।