1 थिस्सलुनीकियो 5:21 - सत मारग पर चलन वारो किताब

²¹ सब गोस्टी गीन ला साजरो लक परिक्सा करो, जोन साजरी से वोला पक्को लक सम्हाल राखने।

1 थिस्सलुनीकियो 5:21 ပူးပေါင်းရင်းမြစ်များ

लूका 12:57

तुम्ही खुदच न्याय काहे नही करासो, का काजक भलो सेत?

योहन 15:4

तुम्हि मोरो मा बनो रव्हो, अना मि तुमरो मा, जसो डार अदी अंगूर बेला मा बनी रव्हसे, ता तबच फर सकेत।

योहन 8:31

तबा यीसु ना वोको पर भरोसा राखनवालो यहूदी गीनला कहीस, अदी तुमी मोरो गोस्टी ला आयको, ता खरो मा मोरो चेला कहलाहो।

पेरीत 11:23

उ उता जायके अना परमेस्वर को दया चोवके खुसी लक भर गयो; अना सबला सिक्सा देइस, का देह-मन लक पिरभू लक लिपटो अना बिनती करत रव्हो।

पेरीत 14:22

अना उनको आतमा ला अडिग करके बिस्वास मा बनयो रव्हन लाय यो सांगके सिकायो का अमिला मोठयो दुख झेल के परमेस्वर को राज मा धसनो सेत, मंग वय लुस्तरा मंग इकुनियुम अना अन्ताकिया नगर ला लवटके आइन।

पेरीत 17:11

यो यहूदी थिस्सलुनीके यहूदिगीन लक लगत उदार होतिन। वय मोठि खुसी लक पिरभू की खबर आयकावत होतीन। अना वोकी खराई ला जाँचन लाई हर दिवस पवितर गिरंथ मा जाँचत होतीन। का यो गोस्टी असो सेति का नहाति।

रोमियो 12:2

तुम्हि आपरो आप ला दुनिया को माफीक नोको बनाओ लेकिन परमेस्वर ला अपरो मन ला बदलन को पूरो मौका देव। तबा तुमला परमेस्वर को इक्सा को बारेमा पता चल जाहेत। जोन साजरा सेत अना वोला साजरो लगासेत। अना सिध्द भी सेत।

रोमियो 12:9

पिरेम पूरो ईमानदारी लक होवनो पाहिजे। बुराई लक बेगरो भयी जाव, जोन साजरो सेत वोला धरो।

1 कुरिन्थियो 15:58

एकोलाय मोरो चहेतो, अगो भाऊ! अना अवो बहिन हुन! तुमी पक्को को सँगा जिलायो जावसे। अना अटल भई जावो। अना पिरभू को काम मा हमेसा बड़तो चलो। काहेका तुमी जानसो पिरभू मा तुमारो मेहनत बेकाम नाहती।

1 कुरिन्थियो 2:11

मानूस मा लक कोनी, कोनी को भितर को गोस्टी ला जानासेत? सिरप वोच मानूस को आतमा, जोन वोको भितर सेत। वसोच परमेस्वर की गोस्टी ला भी कोनी नही जान सकासे। सिरप परमेस्वर को आतमा।

गलातियो 6:10

एकोलाय जबा तकन आमी ला डाव मिलसे, आमी सबको भला करसेजन। मुख रुप लक उन लोकगीन की जोन भरोसा को कारन आमरो परिवार का सेत।

इफिसियो 5:10

हरेक बेरा यो परखन को जतन करो का परमेस्वर ला कोनतो गोस्टी खुस करासे।

फिलिप्पियो 1:10

यहान तकन का तुमी साजरो लक साजरो गोस्टीहुन ला चहेतो जाननो, अना मसीह को दिवस तकन खरो बनयो रव्हो अना परख नोको जावनो।

फिलिप्पियो 3:16

जेना नाप तक आमी पहुच गयी सेजन ओनाच लक आचरन करबिन।

फिलिप्पियो 4:8

एकोलाई हे भाऊगीन जोन-जोन गोस्टी खरो सेत, अना सुहानो मान भाव को सेत अना जोन-जोन नियाव वारो सेत, जोन-जोन गोस्टी पवीतर सेत, जोन-जोन गोस्टी मन ला खुस करासेत अना साजरो अना बड़ाई वालो सेत उन ला मन लगाय राखो।

1 थिस्सलुनीकियो 5:15

ध्यान राखो का, कोनी बुराई को बदला बुराई नोको करो पर हमेसा एक दुसरो ला अना सब लोक गीन ला भला करन मा कोसीस करतो रहेयो।

1 थिस्सलुनीकियो 5:22

सब पिरकार की बुराई लक बचया रहवना।

2 थिस्सलुनीकियो 2:15

एकोसाठी अगो भाऊगीन तुमी अडिग रव्हने; जोन जोनसी सिक्सा तुमी ना गोस्टी या चिठ्ठी कन लक सीकायो सेव ओला धरो रव्हने।

2 तीमुथियुस 1:15

तु जानासेस का आसिया देस वारा सब मोरो लक बेगरो भय गईसेत जेनको मा फूगिलूस अना हिरमुगिनेस से।

2 तीमुथियुस 3:6

इनको च मा लक वय लोक सेत जोन घर मा चोरी लक धसावसेत अना वोना कमजोर आई-माई गीन ला बस मा कर लेसेत जोन पाप लक दबी अना हर पिरकार की आस को बस मा से।

2 तीमुथियुस 4:14

सिकन्दर कसार मोरो लक लगत बुराई करीसेस पिरभू वोला वोको काम गीन को जसो बदल देहे।

इब्रानियो 10:23

आमी आपरो आस को गवाही देवन काजी पक्को अना अटल रहन को परन करिया सेत। काहेका जोन ना अमीला बचन देइसेस वा भरोसा काबिल सेत।

1 योहन 4:1

ओ चहेतो, हरेक आतमा को भरोसा नोको करो पर आतमा ला परखो का वय परमेस्वर को कन लक सेत का नही; काहेका लगत सा खोटो भविस्यवक्ता संसार मा हिटके उभो होयी सेत।

परकासित वाक्य 2:2

“मि तोरो करयो गयो काम, मेहनत आना धीरज ला जानुसू।” का तू बुरो लोकईन ला, फूटयो डोरा नही भअवा सेत। अना जोन आपरो आपच ला पेरीत ठहरायो सेत। पर उ नहाय तुना उनला परख के खोटो पायो सेत।

परकासित वाक्य 2:25

मंग जो भी काही तुमरो जवर सेत, ओला मोरो आवन तकन ताकत पुर्वक संभाल लेव।

परकासित वाक्य 3:11

मी लगत लवकर आवा सेऊ। जोन कही तुमरो जवर सेत, वोमा डटो रव्हो, जोनलक तुमरो जीत को मुकुट कोनी तुमरो लक ना ले लेवे।

परकासित वाक्य 3:3

एकोलाय तुना जोना सिक्सा ला आयकयो सेत वोला हेतकर अना ओमा च चल। आपरो मनला पाप लक हटाव। अदि तु जागत नोको रव्हजोस, ता मि एकाएक चोर जसो आहुं। मी तोला कब अचरज मा डाख देहू, तोला पता भी नही चलहेत।