1 थिस्सलुनीकियो 5:14 - सत मारग पर चलन वारो किताब

¹⁴ अगा भाऊ तुमरो लक बिनती करासेजन का आलसी गीन ला चेताय देव। निरास गीन ला हिम्मत देवो। कमजोर गीन की मदद करो सब को संग मा धीरज राखो।

1 थिस्सलुनीकियो 5:14 ပူးပေါင်းရင်းမြစ်များ

मत्ती 12:20

यो ना तो कुचलो हुओ घागरा गवथ ला तोड़ेत अना, न इझतो दियो ला इझाएति बुझाहेती, जब तकन न्याय ना भई जाये।”

लूका 22:32

पर मी तोरो लाय पिराथना करूसेव का तोरो भरोसा, ना चलो जाय, अना जबा, तु वापस आवजोस, ता आपरो संगी भाऊ गीनला थामजोस।

पेरीत 20:27

काहेकी मी परमेस्वर को सबरी मकसद लक तुमला पूरो रीत लक सांगन नही हिचकयो।

पेरीत 20:31

एकोलाय जागतो रहेयो अना हेत करो। का मी न तीन बरस तकन रात दिवस आसू बोहाय-बोहायके हर एक ला चेतावनी देनो नही छोडो।

पेरीत 20:35

मी न आपरो हरेक काम लक बतलायो। का महेनत करतो हुयो कमजोर गीन ला सम्भालनो। अना पिरभू यीसु को बचन ला हेत राखनो जरुरी सेत जसो वोना खुदच कहिसेत “लेवनो लक देवनो धन्य से।”

रोमियो 12:1

अगो मोरो संगीहुन! परमेस्वर को दया ला हेत कराके मी तुम्हि लक बिनती करा सेऊ। का अपरो आप ला परमेस्वर को लाय जित्तो बली को रूपमा परमेस्वर को सेवा अना वोला खुस करन लाय दे देव। योच सच्चो पूजासेत। असो पूजा तुमीला करनो सेत।

रोमियो 14:1

जोन भरोसा मा निरबल सेत वोला आपरो संगती मा ले लेव, पर वोको सक पर विवाद नोको करो।

1 कुरिन्थियो 4:14

मि तुमला लजान काजी नही, पर आपरो चहेतो लेकरा समजके यो गोस्टी लिखके, सतरक करा सू।

1 कुरिन्थियो 8:7

पर यो सत हरेक मानूस ला मालूम नाहती, काही लोकगीन, हाल मा मुरती पुजा करनवारा होतिन। वय मुरत गीन को पुड़ा चघायो हुयो जेवन समजके जेवत होतिन, अना उनको मन कमजोर होवन को कारन, अपवीतर हो जावासेत।

गलातियो 5:22

पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत।

इफिसियो 4:2

हमेसा दीन रुप अना कोमलता रुप अना धीरज को सँगा बरताव करने। एक दुजो को माया लक सव्हतो रव्हने।

इफिसियो 4:32

आपसी मा एक दुसरो को दया अना रहमसील बनने, अना परमेस्वर ना मसीह मा जसो तुमरो गलती ला छिमा कियो गईसे। वसोच तुमी भी एक दुसरो की गलती ला छमा करने।

कुलुस्सियो 1:28

एकोलाय हमी सबला मसीह यीसु को परचार कर सेजन। आमी मसीह मा सबा सम्बव गियान को संग आमी उनला चिताय देवा सेत, अना उनला सिकावसेत। जोनलक हरेक मानूस ला मसीह को संग एक पक्को मानूस को रूप मा परमेस्वर को पुड़ा लायो जा सकेत।

2 थिस्सलुनीकियो 3:15

पर ओला बैरी नोको समझने, पर भाऊ जानके ओला चेताय देव।

1 तीमुथियुस 3:3

दरवा अना मारपीट करनवालो नही होहे पर साजरो मानूस होहे अना झगड़ालु अखिन लालची नोको होहे।

1 तीमुथियुस 6:11

पर अरे परमेस्वर को जन! तु एना गोस्टी गीन लक पराय अना धरम भक्ती बिस्वास पिरेम धीरज अना नरमता ला मंघा करो।

2 तीमुथियुस 4:2

का तु बचन को परचार करतो बेरा अखीन हर बेरा तैय्यार रहवो सब पिरकार की सहनसीलता अना सिक्सा को संग बढ़ावा देव अना उलाहना देके समझावो।

तीतुस 1:10

काहेका लगत सा लोकगीन बेलगाम, बकवादी अना धोखा देवनवारा सेती; खास करके खतना वारा मा लक सेत।

तीतुस 1:6

जोन निरदोस अना एकच बायको को नौरा होय, जिनको लेकरा बिस्वास करनवालो होहेत। अना उनमा लुच्चापन अना बे लगाम नोको होय।

इब्रानियो 12:12

एकोलाय लिलवा भाजी जसो हात, अना दरद वारा टोघरा ला ताकतवर बनालेव।

इब्रानियो 13:3

कैदीहुन को सूदी लेव जसो तुम्ही उनको बरोबर कैदी सेऊ, जोन पर अतियाचार होवासेत, उनला भी हेत करो। काहेका तुमरो पर भी अतियाचार होय सकासेत।