1 थिस्सलुनीकियो 4:16 - सत मारग पर चलन वारो किताब

¹⁶ काहेकी पिरभू खुदच ललकार अना मुखिया सरगदुत ला हाकलके अखीन परमेस्वर की तुर्रा की आवाज को संग मा सरग लक उतरेत अखीन जोन मसीह मा मर गई सेत, वय पुड़ा जित्तो होयेती।

1 थिस्सलुनीकियो 4:16 ပူးပေါင်းရင်းမြစ်များ

मत्ती 16:27

ता मानूस को टूरा अपरो सरगदूत को संग अपरो, बाप को गौरव मा आहेत, अना वोनो बेरा मा उ हर एक ला, उनको काम को अनुसार बदला देहे।

मत्ती 16:28

मी तुमला खरो सांगसेऊ का जो यहान उभो सेत, उनमा लक काही असो सेत का उ जब तकन, मानूस को टूरा ला राज मा आवता नही चोव लेहेत, तब तकन नही मरहेत।

मत्ती 25:31

जबा मानूस को टूरा आपरो गौरव को सँग, सरगदूत को सँग आहेत, अना गौरव को सिघासन मा बसेत।

मत्ती 26:64

यीसु ना जवाब देयिस, “हव मी सेऊ। पर मी तुमी लक यो भी कव्हुसेउ, अता मानूस को टूरा ला सब लक ताकतवर परमेस्वर को उजो कन बसया हुया, अना बदल मा आवता चोवने।”

पेरीत 1:11

अना उनको लक कहिन, अरे! गलीली लोक गीन, तुमी कायलाई, उभा होयके बादर कन चोवासेव जोन यीसु तुमरो, जवर लक सरग मा उचलीयो गयोसे, अना वोला जसोच तुमीना, सरग ला जात चोयीसेव, वसोच रिती लक अखीन वापस लौटहेत।

1 कुरिन्थियो 15:18

तबा वय भी जोन मसीह मा सोय गई सेत, नास भई गइन।

1 कुरिन्थियो 15:20

पर अबा मसीह तो मरयो मानूस लक जित्तो भय गयो सेत, अना जोन जपमा होतिन उनमा लक पयलो फर सेत।

1 कुरिन्थियो 15:23

पर मरनो लक जिवनो को पयलो फर मसिहा सेत। तबा मसीह को आवनो पर वोको लोक जित्तो भई जाहेत।

1 थिस्सलुनीकियो 1:10

अखीन वोको टूरा यीसु की सरग लक आवनो की “बाट देखासेव,” जेनला परमेस्वर न मरयो मा लक जित्तो करीस। मजे यीसु ला, जोन आमीला आवन वालो कोप लक बचाव से।

1 थिस्सलुनीकियो 3:11

अबा हमरो परमेस्वर अना बाप खुदच अखीन हमरो पिरभू यीसु तुमरो जवर आवनो मा हमला रास्ता देखाहे।

2 थिस्सलुनीकियो 1:7

तुमी जोन दुख पावासो, आमरो सँग मा सुख देहे; ओनो बेरा मा पिरभु यीसु आपरो ताकत वर सरगदूत गीन को सँगा सरग लक धधकती स्तो को जसो परगट होहेत।

2 थिस्सलुनीकियो 2:1

अगो भाऊगीन अबा आमी आपरो पिरभु यीसु मसीह को आवन को बारे मा अना ओको कठा तुमरो एकठ्ठो होवन को बारे मा तुमी लक बिनती करसेजन

2 पतरस 3:10

परंतु परमेस्वर को दिवस चोर जसो आवन वालो सेत। वोना दिवसी बादल मा मोठ्या गरजन होहेत अना नास भयी जाहेत। अना सब चीज पिघल जाहेत अना धरती अना वोका वरी काम को नियाव होयेत।

यहूदा 1:9

पर मोठो सरगदुत मीकाईल न, जबा सैतान को संगा विवाद करतो हुयो मोसे को लास को बारे मा बैस कर रहयो होतो त वोला निन्दा कव्हके नियाव करन की हिम्मत नही जुटा सकिस। पर ओना केवल असो कहीस का “पिरभु तोला डाटहे।”

परकासित वाक्य 1:10

यहोवा को दिवस मा आतमा ना मोला आपरो बसमा कर लियो। तबा मीना जोरलक आवाज आयकुआय। जोन तुर्रा जसो लग रह्यो होतो। मोरो मघा बोलत होतो।

परकासित वाक्य 1:7

चोवो, बदली को संग मसीह आवा से। हरेक डोरा वोला चोवयेत। उनमा वय भी सेत जोनना वोला छेदयो होतिन। दुनिया मा सबा लोकहुन वोको कारन रड़ेत। असोच होवनो पाहिजे। आमीन!

परकासित वाक्य 14:13

मिना सरग मा कोनी ला मोरो लक असो कव्हतो आयकियो, “लिख धन्य सेत, उ मरयो मानूस जोन आखीर दम तकन पिरभू मा बिस‍वास करतो मरयो सेत।” आतमा कव्हसे, “असोच होय, जोनलक वय आपरो काम को मघा बिसराम करहेत। काहेका वोको नेकी वोको संग जाहेत।”

परकासित वाक्य 8:13

मंग मिना चोवयो का एक गरूड़ बादल को बीच वरता मा उड़ा से। मिना वोला जोर लक हाकलत आयकू, “उन बाकी का तीन सरगदूत जो बाकी सेत, उनको तुर्रा फुकन को कारन धरती का सब रव्हन वारा पर फजीता, फजीता, फजीता।”

परकासित वाक्य 8:2

तबा मि ना उन च सात सरगदूत ला चोयो, जोन परमेस्वर को पुढ़ा उभो होतीन। उन ला सात तुर्रा दिय गयो होतिन।