1 थिस्सलुनीकियो 4:12 - सत मारग पर चलन वारो किताब

¹² जोको लक बाहेर वारा लक मान मिल सकेह अना तुमला कोनी चीज की आस नही रह।

1 थिस्सलुनीकियो 4:12 ပူးပေါင်းရင်းမြစ်များ

मरकुस 4:11

ओना उन लक साँगीस, “तुमला ता परमेस्वर राज को भेद को लुकयो गोस्टी सांगयो गई से, पर बाहेर वालो ला नही, एको लाई हाना देके आयकायो जाहेत।”

रोमियो 12:17

बुराई को बदला मा कोनी को बुराई नोको करो।

रोमियो 13:13

आमी दिवस को लक खरो चाल-चलबिन। आमी रगिलोपन नसा पानी गन्दोकाम, अना छिनालापन जलन अना देह को वासना झगड़ा-रगडा लक दुहुर रव्हबिन।

इफिसियो 4:28

जो चोरी करनवालो से मंग चोरी नोको करेत, पर आपरो हात लक मेहनत करेत खुदच आपरो हात लक कोनी काम, जेकोलक जरुरत मा पड़यो हुयो ला देवनको लाई ओको कठा काही होहे।

फिलिप्पियो 4:8

एकोलाई हे भाऊगीन जोन-जोन गोस्टी खरो सेत, अना सुहानो मान भाव को सेत अना जोन-जोन नियाव वारो सेत, जोन-जोन गोस्टी पवीतर सेत, जोन-जोन गोस्टी मन ला खुस करासेत अना साजरो अना बड़ाई वालो सेत उन ला मन लगाय राखो।

कुलुस्सियो 4:5

मौका ला बेस जानके बाहेर वारा गीन को सँगा सोच समझ के लक बेवहार करोह।

1 थिस्सलुनीकियो 5:22

सब पिरकार की बुराई लक बचया रहवना।

1 तीमुथियुस 3:7

अखिन बाहेर वारा गीन मा भी वोको साजरो गवाही होहे असो नही होवा का निंदा-बदी करके सैतान को जाल मा फस जाहे।

1 पतरस 2:12

गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।

1 पतरस 3:1

असो पिरकार, अवो बायका गीन अपरो-अपरो नवरा गीन को बस मा रहवो। जेनको लक अदी कोनी परमेस्वर को वचन ला नही मानासे। त वय तुमरो पवीतर अना भेव सकट चाल-चलन ला ध्यान लक चोवके बिना कोनी बारता को अपरी-अपरी बायका गीन को बरताव लक जीतयो जाहे।