1 थिस्सलुनीकियो 2:9 - सत मारग पर चलन वारो किताब

⁹ भाऊ गीन तुमी हमारो महेनत अना दुख महसुस होहे, का हमीना तुमरो पर बोझ नही बनन को मकसद लक कसो रात-दिवस काम धंधा करके तुमला परमेस्वर की साजरो बारता आयकवाया।

1 थिस्सलुनीकियो 2:9 ပူးပေါင်းရင်းမြစ်များ

लूका 18:7

एकोलाय का परमेस्वर आपरो पूढा, बेचयो लोक गीनको, बदला लेहे जो रात दिवस, वोकी दोहाई देवासे। का उ उनको बारे मा देर करयेत?

लूका 2:37

अखीन मंघा, वा बेवा भई गई होती अना ओको चऊरासी बरस लक बेवा होती। वा मंदिर को बाहेर नही हिटत होती, अखीन उपास पिराथना करत-करत, रात दिवस परमेस्वर को सेवा मा रव्हत होती।

पेरीत 18:3

अखीन वोको संग रव्हन अना काम करन लग्यो। काहेकी वय पन्डाल बनावन को एकच धंधा करत होतीन।

पेरीत 20:24

पर मी जान ला किमती नही समझसू। मी तो बस उ दौड अना वोकी सेवा ला पूरी करनो चाव्हसू। जोन मोला पिरभू यीसु देइसेस। उ यो से का परमेस्वर को दया मा गवाही देवनो।

पेरीत 20:31

एकोलाय जागतो रहेयो अना हेत करो। का मी न तीन बरस तकन रात दिवस आसू बोहाय-बोहायके हर एक ला चेतावनी देनो नही छोडो।

रोमियो 1:1

पौलुस को यो चिठ्ठी से। जोनला यीसु मसीह ना सेवक अना पेरीत को नाता लक निवड़ले आहेत। अना परमेस्वर को साजरा बारता सांगन लाय बुलायो सेत।

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

रोमियो 15:19

अना निसान अखीन अचँभा काम को ताकत लक, अना पवीतर आतमा को ताकत लक, मोरो हात लक भई सेत। यहान लक का मि ना येरुसलेम लक, इतानी उतानी सब जघा इल्लुरिकुम तकन यीसु मसीह को साजरो बारता ला पूरो-पूरो सांगिसेऊ।

1 कुरिन्थियो 4:12

अमी कड़ो मेहनत करके हरेक जरुरत ला पुरो करा सेजन। जबा कोनी अमिला सराप देवा सेत ता अमी आसिरवाद देवा सेजन। जबा अमिला कोनी सतावा सेत ता अमी सहन करतत। अमी आपरो हात लक मेहनत कर-करके थक जाय सेजन।

1 कुरिन्थियो 9:15

पर मिना ऐना हक को बवजनो कोनी मतलब को लाय नही कियो। अना यो मि एकोलाय नही लिख रही सेव, की अबा मोरो लाई असोच कियो जाहे। मि भलाई मर जाहुँ, बल्की मि आपरो आपच ला ऐना महिमा लक छुटयो नही सेऊ।

1 कुरिन्थियो 9:18

तो ईनाम पर मोरो कोन तो हक से? अना मि साजरो बारता को बारे मा आपरो हक ला काम मा नही आनु सेऊ। उ यो से का मी फोकट मा, साजरो बारता ला सांगा सेऊ।

1 कुरिन्थियो 9:4

का हमला खावन-पीवन को हक नाहती?

2 कुरिन्थियो 11:27

मेहनत अखीन दूख मा, बार-बार जगनो मा, भूखओ अना तहान रव्हनो मा, बार-बार उपासी रव्हन मा, थंड मा, उघाडो रव्हनोमा,

2 कुरिन्थियो 11:9

अना जबा मी तुमरो संग होतो अना मोला कमी भई त मीना कोनी पर बोझ नही डाकयो काहेकी भाऊ गीन न मकीदुनिया लक आयके मोरी कमी ला पूरो करियो अना मीना हर गोस्टी मा अपरो आप ला तुमरो पर बोझ बनन लक रोखीस अना

2 कुरिन्थियो 6:5

कोड़ा खावनो लक, अना जेल जानो लक हल्ला गुला लक महेनत लक चेतया रव्हनो लक उपवास करनो लक।

फिलिप्पियो 4:16

ऐना रिती लक थिस्सलुनीके नगर मा भी तुमना मोरो सहायता को लाई एकच गन नहि, पर कई गन धन धाड़यात।

1 थिस्सलुनीकियो 1:3

तुमरो बिस्वास को काम अना माया को मेहनत अना आमरो पिरभु यीसु मसीह मा भरोसा अना धिरज को आस आपरो परमेस्वर अना बाबूजी को पुढ़ा सदा हेत करासेजन।

1 थिस्सलुनीकियो 2:2

पर तुमी त जानासेव का फिलिप्पी मा दुख उचलनो अना बुरो बरताव सह्वनो को मंघा भी हमी अपरो परमेस्वर मा असी हिम्मत पायके, घोर बिरोध को होतो हुयो भी तुमला परमेस्वर की साजरो बारता आयकावाया।

1 थिस्सलुनीकियो 2:6

मंग भी हमी मानूस लक मान-मरयादा नही चाव्हत होता, जसो की तुमी लक या कोनी अखीन लक।

1 थिस्सलुनीकियो 3:10

हमी रात-दिवस मोठी लगन लक पिराथना करा सेजन, का तुमरो तोन्ड देखबिन अना तुमरो भरोसा घटी कमी पूरी करबिन।

1 तीमुथियुस 1:11

योच महान धन्य परमेस्वर को महिमा को ओना साजरो बारता को जसो से जोन बिस्वास मोला सौपयो गयो से।

1 तीमुथियुस 4:10

काहेकि हमी महेनत अना जतन एकोच लाई करासेजन का हमारो आस वोना जित्तो परमेस्वर पर से जोन सबच मानूस गीन को अना खुद अपनाके बिस्वासी गीन को सुटकारा करासे।

1 तीमुथियुस 5:5

जोन सहि मा बेवा से अना वोको कोनी नही उ परमेस्वर पर आस राखीसेस अना रात-दिवस बिनती अखिन पिराथना मा मगन रहवसे।

2 तीमुथियुस 1:3

जेना परमेस्वर की सेवा मा अपरो बाप-दादा गीन की रिवाज पर सुध्द अक्कल लक करासेऊ वोको धनवाद होहे का मी अपरी पिराथना गीन मा तोला रात दिवस हेत करासेऊ।