1 थिस्सलुनीकियो 2:19 - सत मारग पर चलन वारो किताब

¹⁹ हमारो आस खुसी बड़ाई को मुकुट कोनतो से? हमरो पिरभू यीसु को आवन की बेरा मा का तुमी नही होवन का?

1 थिस्सलुनीकियो 2:19 ပူးပေါင်းရင်းမြစ်များ

मत्ती 16:27

ता मानूस को टूरा अपरो सरगदूत को संग अपरो, बाप को गौरव मा आहेत, अना वोनो बेरा मा उ हर एक ला, उनको काम को अनुसार बदला देहे।

मरकुस 8:38

जो कोनी यो खोटो अना पापी पीढ़ी बेरा मा मोरो लक अना मोरो गोस्टी लक लजाहे ता मानूस को टूरा भी जबा आपरो पवीतर सरगदूत को सँग आपरो परमेस्वर बाबूजी को महिमा मा आहे, तबा उ भी उनला आपरो कव्हन लाय लजाहे।

योहन 21:22

यीसु ना ओला कहीस अदी मि चाहु की उ मोरो आनो तकन रुकयो रह। ता मोला एकोलक काजक, तु मोरो मंघा भय जाय।

1 कुरिन्थियो 15:23

पर मरनो लक जिवनो को पयलो फर मसिहा सेत। तबा मसीह को आवनो पर वोको लोक जित्तो भई जाहेत।

1 कुरिन्थियो 4:5

एकोलाय तुम्हिला सही बेरा आवन को पयले कोनी को फैसला नही करनो पाहिजे। आखीर फैसला परमेस्वर को आवन को रस्ता चोवनो पाहिजे। उ जोन राज इन्धार मा लुकयो सेत, उनला उजाड़ मा आनेत। अना लोक गिनको डिमाक मा लुकयो उद्देस्‍य ला उजागर करहेत। तबा सबला परमेस्वर को कन लक बड़ाई भेटेत जोनको वय हकदार सेत।

2 कुरिन्थियो 1:14

जेनको लक तुमी न काही-काही समजा सेत, का जसो हमी तुमरो गरब को कारन से वसोच तुमी भी हमरो पिरभू यीसु को दिवस मा हमरो पर गरब ठहरयो जाहे।

फिलिप्पियो 2:16

की मसीह को दिवस मोला घमन्ड करन को काजी होय की न मोरो दौड़ अना मोरो मेहनत करनो बेकार भयो।

फिलिप्पियो 4:1

एकोलाई अगा मोरो चहेतो भाऊ तुमी जोन मोरो आँनद अना मुकुट सेव, तुमला चोवन ला मोरो जीव तरससे, हे चहेतोगीन, पिरभु मा ऐना रिति पक्को रव्हो।

1 थिस्सलुनीकियो 2:20

सचमुच मा तुमीच हमारो महिमा अना खुसी सेव।

1 थिस्सलुनीकियो 3:13

का जबा हमरो पिरभू यीसु, अपरो सब पवीतर लोक गीन को संग मा आहे, त उ तुमरो हिरदय ला परमेस्वर आमरो बाप को पुड़ा पवितरता मा खरो राखे।

1 थिस्सलुनीकियो 4:15

एना कारन हमी पिरभू को गोस्टी को लक तुमरो लक कव्हवसू का हमी जोन जित्तो सेजन अना पिरभू को आवन तकन बचया रहबोन अना सोया हुया लक कबच नही पुड़ा बढबोन।

1 थिस्सलुनीकियो 5:23

अबा सान्ती को परमेस्वर आतमा आपच तुमला पूरो पवीतर करहे। अखीन तुमरो आतमा, परान अना देह हमरो पिरभू यीसु मसीह को आवन तकन पूरो रिती लक निरदोस अखीन साजरी रह।

2 थिस्सलुनीकियो 1:4

यहान तका की आमी खुदच परमेस्वर की कलीसिया मा तुमरो बारे मा घमंड करसेजन की जेतरा सताव अना दुख तुमी सहिसेव, ओनो सबच मा तुमरो धीरज अना भरोसा परगट होवासेत।

2 थिस्सलुनीकियो 1:7

तुमी जोन दुख पावासो, आमरो सँग मा सुख देहे; ओनो बेरा मा पिरभु यीसु आपरो ताकत वर सरगदूत गीन को सँगा सरग लक धधकती स्तो को जसो परगट होहेत।

2 थिस्सलुनीकियो 2:1

अगो भाऊगीन अबा आमी आपरो पिरभु यीसु मसीह को आवन को बारे मा अना ओको कठा तुमरो एकठ्ठो होवन को बारे मा तुमी लक बिनती करसेजन

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

याकूब 5:7

एकोलाय अरे भाऊ गीन पिरभू को आवनो तकन धीरो-धरो। देखो किसान जमीन की बेस किमती फसल की आसा राखतो हुयो पहेल अना आखीर बरस होवनो तकन धीरज धरो।

याकूब 5:8

तुमी भी मन मा धीरज धरो अना अपरो आतमा ला पक्को करो काहेकी पिरभू को आवन जवर से।

1 पतरस 5:4

अना जबा मुख्य संरक्षक परगट होयेत। ता उ तुम्हाला महीमा को मुकुट देवन आहेत। जो मुरझात नाही।

2 पतरस 1:16

जबा आम्ही तुम्हिला पिरभु यीसु मसीह को सामरथ को बारेमा, अना वोको आवनो को बारेमा सांगिसेजन। त वोला आम्ही हुसारी लक कल्पित काल्पनिक गोस्टी करन्यात कोसीस नाही करयो। पर वोना बेरा वोकी महानता स्वता आमरो डोरा मा चोविसेत।

2 पतरस 3:4

अना असो सागेत का वोको आवनो को बचन कोठी सेत? कारन आमरो पुरखा मरुन गयो अना सप्पा काही दुनिया को सुरूवात पासुन होतयो, तसोच आहेत।

1 योहन 2:28

एकोलाई ओ चहेतो लेकराहुन, ओमा बनयो रव्हो का जबा हमला ओको गियान होय ता आमी हिम्मत पाय सकबिन, अना आमी ओको मंग आवनो को बेरा आमला लजाबिन नहि।

यहूदा 1:24

अबा जोन तुमला ठोकर खानो लक बचाय सकासे, अना अपरी महिमा की भरपूरी पुड़ा मगन अना बेकसूर करके उभो कर सकासे।

परकासित वाक्य 1:7

चोवो, बदली को संग मसीह आवा से। हरेक डोरा वोला चोवयेत। उनमा वय भी सेत जोनना वोला छेदयो होतिन। दुनिया मा सबा लोकहुन वोको कारन रड़ेत। असोच होवनो पाहिजे। आमीन!

परकासित वाक्य 22:12

चोव, मि लवकर आवनवारा सेव। अना हरेक काम को जसो बदला देवन को लाई प्रतिफर मोरो जवर से।