1 पतरस 4:16 - सत मारग पर चलन वारो किताब

¹⁶ पर यदी एखाद ला मसीह होवन को नातो लक दुख सहन करे, तर कोनी लाज लगे नाका। तर परमेस्वर को गौरव साठी यो नाव स्वीकारनो पाहिजे।

1 पतरस 4:16 ပူးပေါင်းရင်းမြစ်များ

पेरीत 11:26

अना जबा उ वोको लक मिल्यो, तो वोला अन्ताकिया नगर आनीस। अना वय एक साल लक किराया को खोली मा कलीसिया को सँग मिलतो जुलतो अखीन गजब लोकगीन ला सिक्सा देवत रहयो। अना चेला गीन सब लक पयले अन्ताकिया नगर मा मसीह कहलाइन।

पेरीत 26:28

एको पर राजा न पौलुस न कहेयो “तु काजक सोचासेस का इतरो सरल रित लक मोला मसीह बनानो चाव्हसेस।”

पेरीत 28:22

पर तोरो बिचार काजक से हमी आयकनो चाव्हसेजन का हमीला मालुम सेत। का सप्पा जघा लोकगीन यो मारग को बिरोध मा सांगा सेत।

पेरीत 5:41

वय खुसी होयके मोठी सभा लक चली गईन, काहेका उनना असो मानिन का परमेस्वर ना उनला यीसु को नाव लाई, बेइज्जत होवन को काबील समझयो।

फिलिप्पियो 1:20

मि यो खुल्लो दिल लक मनसा अना आसा राखासेऊ का मि कोनी गोस्टी मा नोको सरमाऊ, पर मोरो तन लक हमेसा मसीह को बड़ाई मोठो ताकत लक होत रव्हे, अबा मि चाव्ह जित्तो रव्हु या मर जाहुँ, पर वसोच बड़ाई होवतो रव्हे।

फिलिप्पियो 1:29

काहेका मसीह काजी तुमी पर यो दया भयी का नाच ओको पर भरोसा करो पर ओको लाई दुख भी उचलो।

2 तीमुथियुस 1:12

एना कारन मी एना दुखगीन ला भी उचला सेऊ पर सरमाऊ नही काहेकी मी वोला जेनको पर मीना भरोसा करीसेऊ जानासेउ अना मोरो पक्को से का उ मोरी पुंजी की वोनो दिवस तकन देख-रेख कर सकासे।

याकूब 2:7

का वय याच नोहोति का जोन मसीह को नाव की निन्दा करासेत, जोन का तुमी कहलावासे।

1 पतरस 2:12

गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।

1 पतरस 4:11

जोन परबचन देवासे, उ असो लक्छात ठेवा जसो परमेस्वर सांगासे। जोन कोनी धरम को सेवा करतत, वोला असो समजून पायजे का परमेस्वर वोला ताकत देवा सेत। या सप्पा गोस्टी मध्ये यीसु मसीह लक परमेस्वर को गौरव परगट होयेत। वैभव अना ताकत परमेस्वर साठी च आहेत। आमेन!

1 पतरस 4:14

अदी मसीह को नाव मा तुमरो बेइज्‍ती होवासे। तर तुम्ही खुदला धन्य मानू सकत, कारन परमेस्वर को गौरवसाली आतमा तुम मा सावली करा सेत।

1 पतरस 4:19

एकोलाय जोन लोक परमेस्वर को इक्सा अनुसार पीडित सेत। उ साजरो चांगल्या गोस्टी करतो राहतात, अना आपरो जीव अना बिस्वास को निरमान करता परमेस्वर ला देतात।