1 पतरस 4:14 - सत मारग पर चलन वारो किताब

¹⁴ अदी मसीह को नाव मा तुमरो बेइज्‍ती होवासे। तर तुम्ही खुदला धन्य मानू सकत, कारन परमेस्वर को गौरवसाली आतमा तुम मा सावली करा सेत।

1 पतरस 4:14 ပူးပေါင်းရင်းမြစ်များ

मत्ती 5:11

धन्य सेव तुमी, जबा, मानूस मोरो कारन, तुमरो बेज्जाती करेहत। तुमरो पर अत्याचार अपमान करेहत अना अखीन झुठो, दोस लगाहेत।

मत्ती 5:16

वोको च जसो तुमरो भी उजाड़ो मानूस को पुढा चमकेत, काहे का उ तुमरो भलो काम ला देख के तुमरो बाप की सरग मा बड़ाई होहेत।

लूका 6:22

धन्य सेव तुमी जबा मानूस को टूरा को कारन लक लोक तुमरो लक बुराई करे, अना तुम ला हेड देहेत, आना तुमरो निंदा करते, अखीन तुमरो नाव ला बुरो जानके काप देहेत।

योहन 15:21

पर यो सबच काही वय मोरो नाव को कारन तुमी लोक सँग करहेती। काहे की वय मोरो धाड़न वालो ला नही ओरखासेस।

योहन 8:48

यो आयक के यहूदिगीन ना ओला कहिन, “का हमी खरो नही सांगासेजन, का तू सामरी आस अना तोरो मा भूत से?”

योहन 9:28

एको पर वय ओला बेज्जत करीन अना कहिन, “तुच ओको चेला सेस, पर आमी ता मोसे भविस्यवक्ता को चेला आजन।

योहन 9:34

उनना जवाब देइन, “का तु खरो-खर मा पाप मा रहयोसेस, अना पाप लक जलम लेयीसेस। अना अता तु हमला सीकावासे?” अना उनना वोला बाहेर हेड़ देयीन।

पेरीत 13:45

तबा यहूदी गीन ना भीड़ ला देखीन, ता वय जलन करन लगीन। अना पौलुस जो कव्हत होतो वोको निन्दा करीन।

पेरीत 18:6

जबा वय लोक पौलुस को बिरोध करनो अना निन्दा करन लगीन। ता वोना अपरा कपरा की बारू ला झड़ायके उनको लक असो कहीस, तुमरो जान को जवाब दार तुम्हिच सेव। अबा अमी गैरयहुदी गिन जवर जाबिन।

पेरीत 28:22

पर तोरो बिचार काजक से हमी आयकनो चाव्हसेजन का हमीला मालुम सेत। का सप्पा जघा लोकगीन यो मारग को बिरोध मा सांगा सेत।

पेरीत 5:41

वय खुसी होयके मोठी सभा लक चली गईन, काहेका उनना असो मानिन का परमेस्वर ना उनला यीसु को नाव लाई, बेइज्जत होवन को काबील समझयो।

2 कुरिन्थियो 12:10

योच कारन मी मसीह को लाय कमजोरी मा अना निन्दा मा, अना गरिबी मा, अखीन उपदरा मा, अना दुखमा खुस रव्हसू। काहेका जबा मी कमजोर होवासू तबच मी बलवान होय जावासू।

2 कुरिन्थियो 4:10

कई गन जबा आमी आपरो पिरान ला यीसु को मिरतु मा लेय जासेजन, जोको लक आमरो देह मा भी ओको जीवन चोयो जाय सकेह

2 कुरिन्थियो 4:16

एकोलाय आमी कबच निरास नही हुया, भलो ही आमरो नासवान सरीर धीरे-धीरे नास होवासे, मंग भी आमरो आतमिक देह दिवस को मंघा नयो रुप कियो जाहे।

गलातियो 1:24

वो मोरो बारे मा परमेस्वर को बड़ाई करत होतीन।

इब्रानियो 11:26

मिसर देस को खजाना को अपेक्सा मसीह साठी बेइज्जत होवनो वोला जादा किमती लगयो। कारन वोको नजर आवन वालो बेरा मा भेटनवालो बक्सीस मा होतो।

याकूब 1:12

धन्य सेत उ मानूस, जोन परिक्सा मा उभो रव्हसेत। काहेका परिक्सा मा खरा साबीत होवासे उ जीवन को मुकुट पावन को काबील सेत। असो परमेस्वर ना उनको लाय वायदा करीसेस जोन वोको लक माया राखासेत।

याकूब 5:11

दिसो हमी धीरज धरन वारा ला धन्य कव्हसेजन। तुमी न अय्युब को धीरज को बिसय मा त आयकासेव अना पिरभू को कन लक जोन उनको प्रतिफर भयो वोला भी जानलेइसेव। जोको लक मालुम होवासेत का पिरभू कितरो दयालु सेत। अना उ लगत करुना करासेत।

1 पतरस 2:12

गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।

1 पतरस 3:14

अदी तुम्ही नीति मत साठी दुख भोगी सेव ता तुम्ही धन्य सेव। परंतु एना साठी घाबरू नका। अना भेव करू नका।

1 पतरस 3:16

अना आपरो मन ला सुद्‌ध ठेवा, योसाठी का जोन गोस्टीमा मसीह को बारे मा तुमरो च अनादर करतात। वय लोकगिन तुमरी लाज वाटेल। जोन बारे मा तुमरी निंदा होतत।

1 पतरस 4:16

पर यदी एखाद ला मसीह होवन को नातो लक दुख सहन करे, तर कोनी लाज लगे नाका। तर परमेस्वर को गौरव साठी यो नाव स्वीकारनो पाहिजे।

2 पतरस 2:2

लगत लोक उनको जसो एसो अराम को आनंद लेवन को अनुसरन करतत। जोन को कारन सच्चो मारग बदनाम होयेत।