1 पतरस 4:11 - सत मारग पर चलन वारो किताब

¹¹ जोन परबचन देवासे, उ असो लक्छात ठेवा जसो परमेस्वर सांगासे। जोन कोनी धरम को सेवा करतत, वोला असो समजून पायजे का परमेस्वर वोला ताकत देवा सेत। या सप्पा गोस्टी मध्ये यीसु मसीह लक परमेस्वर को गौरव परगट होयेत। वैभव अना ताकत परमेस्वर साठी च आहेत। आमेन!

1 पतरस 4:11 ပူးပေါင်းရင်းမြစ်များ

मत्ती 6:13

अना हमला परिक्सा मा नोको डाख, पर बुराई लक बचाव, काहेकि राज् अना मोठयो ताकत अना महिमा हमेसा तोरो रहेत।

योहन 13:31

जबा उ बाहेर चली गयो ता यीसु ना कहीस अबा मानूस को टूरा को बड़ाई होवासे, अना परमेस्वर की महिमा ओमा भयोसे।

पेरीत 7:38

यो उ वोचसे जोन जगंल परदेस मा पुरखा गिन, अना वोना सरगदूत को संग मौजुद होतो, जेनना सीनय पहाड़ मा उनको लक गोस्टी करयो होतो। यो च ना अमीला देवन काजी परमेस्वर लक जित्तो बचन भेटयो होतो।

रोमियो 11:36

काहे का वोच को कन लक, अना वोच को लक अना वोच को लाय सब काही सेत। वोको महिमा सदा तकन होवत रवहे आमेन।

रोमियो 12:3

अना मी परमेस्वर को किरपा को वजा लक हरेक ला कव्हसेऊ। अपरो आप ला जरुरत लक जादा हुसियार नोको समजो। आपरो बिचार मा सयंम बरतो। अना परमेस्वर ना तुम्हिला जोन बिस्वास देयि सेत, वोको अनुसार खुद को बरोबरी करो।

रोमियो 16:27

वोच केवल एक गियान को रुप परमेस्वर को महिमा यीसु मसीह लक जूग-जूग तकन होहे आमेन

रोमियो 3:2

नही फायदा तो सेत। काहेका सब लक पयले तो कानून उनला च भेटयो होतो।

1 कुरिन्थियो 10:31

एकोलाय तुमी चाहे जोन जेवन करो पिवो, जोन काही भी करो वा मा परमेस्वर को महिमा होवनो जरुरी सेत।

1 कुरिन्थियो 12:4

बरदान तो लगत होवासेत, पर आतमा एकच सेत।

1 कुरिन्थियो 3:10

जोन बरदान परमेस्वर ना मोला दियो सेत, वोला बवजतो हुया मिना एक इमारत बनावन वालो इन्जनियर जसो, काम करीसेऊ। अना पाया धरीसेऊ, अना कोनी वोको मा बनावअ सेत। परा हरेक ला हुसियार रव्हन को जरूरत सेत। का कसो बनावअ सेत।

1 कुरिन्थियो 6:20

काहेका तुमी मोल देके सूटायो गयो सेव, एको एवज मा आपरो तन लक, परमेस्वर को महिमा करो।

2 कुरिन्थियो 2:17

परमेस्वर को बचन ला लोकगिन जसो मिलावट करके बिकन वालो जसो अमी नही सेजन। परअ परमेस्वर ना अमीला धाड़ी सेत, का वोको हाजरी मा ईमानदारी लक वोको बचन ला सांगनो सेत।

2 कुरिन्थियो 9:13

काहेका एना सेवा को परिनाम स्वीकार करके वय परमेस्वर की महिमा परगट करासेत का तुमी मसीह की साजरा बारता ला मानके वोको कन रहवा सेत अना वोकी अखीन सब पवीतर लोकगीन को सेवा करनो मा दयालूपन परगट करता रहवत होत्यो।

इफिसियो 1:19

आमी बिस्वासी गीन लाई ओकी ताकत बिन तुलना रुप लक केतरी महान से। यो ताकत आपरी महान ताकत को ओनो काम को जसो से,

इफिसियो 4:29

कोनी फालतू गोस्टी तुमरो टोंड लक नही निकलनो पाहिजे, पर केवल असी गोस्टी हिटनो पाहिजे जोन ओना बेरा की जरुरत को जसो तरक्की को साठी साजरो होय, जोको लक की आयकन वालो पर दया होय।

इफिसियो 5:20

सबच कोनी गोस्टी को लाई आमरो पिरभु यीसु मसीह को नाव पर हमरो मोठो बाबूजी परमेस्वर को हरदम धनवाद करने।

इफिसियो 6:10

मतलब यो से का पिरभु मा रव्ह के ओकी लगत च ताकत को संग आपरो आपला ताकतवर बनावो।

फिलिप्पियो 1:11

ओना धरमिपन को फर लक जोन यीसु मसीह को कन लक होवासेत, भरपुर होवत जावो जोको काजी परमेस्वर को महिमा अना बड़ाई होवती रह।

फिलिप्पियो 2:11

अना परमेस्वर बाबूजी को बड़ाई को साठी हरेक जुबान कबुल करेहेत का, यीसु मसीह च पिरभु से।

कुलुस्सियो 4:6

तुमरो गोस्टी सदा दया सँगा अना साफ होय की तुमला हर मानूस ला बेस रिति लक जवाब देवनो आय जाहे।

1 थिस्सलुनीकियो 2:4

परमेस्वर न अपरी साजरो बारता सोपन को लाई हमला काबील समझीस की हमी मानूस गीन ला नही पर हिरदय ला परख लाई परमेस्वर पर भरोसा करन लाई पिरचार करासेजन।

1 तीमुथियुस 1:17

अबा अमर सनातन राजा अना कबच नास नही होवन वालो, जेनला चोवनो मा नही आयो, एकच परमेस्वर को मान अखिन महिमा जुग-जुग होवती रव्हे। आमेन।

1 तीमुथियुस 6:16

अखिन अमरता बल्कि वोकिच से अना उ मानूस को पहुच लक बहार मोठो उजाड़ मा रहवासे अना वोला कोनी मानूस न नही चोवीस अखिन कबच नही चोव सकासे वोकिच मान बढाई अना राज जुगाजुग रव्हे आमेन।

तीतुस 2:1

पर तुमी असी गोस्टी सांगो जोन खरो सिक्सा को लायक सेत।

तीतुस 2:15

पूरो हक को सँगा यो गोस्टी बढ़ावा देव, अना समजने अना सिकावने की कोनी तुमरो गोस्टी आयक के लापरवाही नोको करेत।

इब्रानियो 13:7

आपरो पेरीत को हेत राखो, जिनना तुमिला परमेस्वर को गोस्टी आयक वाईन अना ध्यान लक उनको चालचलन को फर ला चोयके उनको भरोसा को मंघा होय जाव।

इब्रानियो 5:12

सहीमा तुमीला अबा तकन सिक्सक बन जानो होतो। पर तुम्हीला तो अबा कोनी असो मानूस को जरुरत सेत। जोन तुम्हिला नवा सिरो लक परमेस्वर को सिक्सा को सुरुवात को गोस्टी सिकायेत। तुम्हिला बस अबा दूध च पाहीजे, जेवन नही।

याकूब 1:19

अगो मोरो चहेतो भाऊगीन, हेत रखो, हर कोनी सजग रुप को संग आयकनो चाहिसे, कव्हन मा जल्दीच नोको करोह, गुस्सा करनो मा लाहकी नोको बरतेव।

याकूब 1:26

अदि कोनी मानूस अपरो आप ला भविस्यवक्ता समझ सेत। मंग अपरो जुबान मा लगाम नहीं लगावसेत, उ अपरो मन ला धोखा मा राखयो हुया सेत, अखीन वोको भगती बेकार सेत।

1 पतरस 2:12

गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।

1 पतरस 2:5

तुमी भी जित्तो गोटा को जसो एक आतमिक भवन बनतो जाय रहयो सेव। जेनको लक एक असो याजकगीन को पवीतर समाज को रूपमा वोको सेवा कर सको। जोनको काम आतमीक बलिदान चाघावनो सेत। जोन यीसु मसीह को कन लक परमेस्वर को अपनाय जावन वालो होहे।

1 पतरस 4:10

जोनला यो दान भेटयो सेत। उ परमेस्वर को अनेक किरपा को तंदुरुस्त दीवान जसो दुसरो को सेवा करन्या साठी वापरावे।

1 पतरस 4:16

पर यदी एखाद ला मसीह होवन को नातो लक दुख सहन करे, तर कोनी लाज लगे नाका। तर परमेस्वर को गौरव साठी यो नाव स्वीकारनो पाहिजे।

1 पतरस 5:11

वोको राज सदा हरामेसा रव्हे। आमेन।

यहूदा 1:25

हमरो पिरभु यीसु मसीह को कन लक हमरो परमेस्वर आमरो पाप मोचक की महिमा अना उचो नाव अखीन मोठो ताकत अना अधिकार, जसो अमर बेरा लक से। अबा तक होवासे अना जुगन जुग तक बनो रव्हे। आमेन!