1 पतरस 3:18 - सत मारग पर चलन वारो किताब

¹⁸ एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

1 पतरस 3:18 ပူးပေါင်းရင်းမြစ်များ

मत्ती 27:19

जबा राजपाल पिलातूस न्याय आसन मा बसो होतो। ता वोकी बायको ना वोको जवर खबर धाड़ी होती, “वोना सीधो-नेक मानूस को संग काही नोको करजोस, मी ना वोको बारेमा एक सपना चोवीसेऊ जोनलक अज मी दिवस भर बेचैन होती।”

मत्ती 27:24

जब पिलातुस ना चोवयो, का यीसु ला बचावन को लाय कोनी, चांस नाहती। तबा उ उदास भई गयो, अना वोना पानी बुलवायके, ना हात धोवके सांगीस, “मी यो मानूस को खून को, दोसी नही सेव, तुमच जानो।”

योहन 16:10

अना नेकीपन को बारे मा एकोलाय की मि बाबूजी को जवर जासू अना तुमी मोला मँग नही चोहो।

पेरीत 22:14

तबा वोना कहीस, “आमरो आजा-पुरखागीन को परमेस्वर न तोला एकोलाय बेचीसेस का तु वोकी इक्सा ला जान, अना वोनच न्यायी यीसु ला चोव, अना वोको टोन्ड लक गोस्टी आयको।

पेरीत 3:14

तुमीना वोना साजरो अना नेक मानूस ला ठुकरायो, अना वोको बदला मा पीलातुस लक मांग करयत का एक खून करनवालो ला तुमरो लाय छोड़ दियो जाय।

रोमियो 1:4

परंतु मोठ्या सामरथ लक मरनो लक जित्तो होवन को कारन। अना वोको पवितरपन को कारन उ परमेस्वर को टूरा से, असो दरसायो जासे।

रोमियो 4:25

वोच यीसु आमारो पाप को कारन धरयो गयो, अना हमला पाप छिमा कर नेक मानूस ठयरावन काजी जित्तो भयो।

रोमियो 5:2

उ अमिला परमेस्वर को किरपा मा बिस्वास को लका आनयो सेत जोनमा अमी अबा सेजन। अना अमिला असो आस सेत का परमेस्वर को महीमा मा आमरो हिस्सादारी सेत।

रोमियो 8:11

जोन ना यीसु ला मरयो हुयो मा लक जित्तो करयो। अना वोको आतमा तुम लोकगीन मा रव्हअ सेत। वा च तुमरो नासवान देह ला भी जीत्तो करा देहेत।

रोमियो 8:3

यो काम ला कानून नहीं कर सकयो, तबा परमेस्वर ना आपरो स्वता को टूरा लक यो काम करायो। जसो कमजोर देह लक अमी पाप करा सेजन, वसोच देह मा परमेस्वर ना आपरो टूरा ला धाड़ीस। जोन लक पाप ला निरस्त कर देवे।

2 कुरिन्थियो 1:24

असो गोस्टी नाहती का आमी तुमरो भरोसा को बारेमा हक जमानो चाव्हासेजन, पर आमी तुमरो खुसी मा संग काम करनवारा सेजन काहेका तुमरो भरोसा पक्को से।

2 कुरिन्थियो 13:4

उ कमजोरी को कारन कूरूस मा चघायो, पर उ परमेस्वर को ताकत लक जित्तो से। आमी भी ओमा कमजोर सेजन। पर परमेस्वर को ताकत लक जोन तुमरो लाय सेत, वोको सँग जित्तो रव्हबिन।

2 कुरिन्थियो 5:21

जोन पाप लक अनजान होतो वोला च वोना हमरो लाई पाप ठहराइस का हमी वोको मा परमेस्वर की न्यायीपन बन जाहे।

गलातियो 1:4

मसीह ना आमरो पापगीन को साठी आपरो ला बलिदान करदेइस। जेनको लक की उ आमरो बाबूजी परमेस्वर की मरजी को लक एना बेरा को पापी जुग लक आमरो सूटकारा करेत।

गलातियो 3:13

मसीह ना हमला आन के मोसे को नियम को काम को सिराप लक छुड़ायीस अना खुदच आमरो साठी सिरापित बन गयो, काहेकि लिखीसे, “जोन कोनी लकड़ी को कूरूस मा लटकायो जावसे उ सिरापित से।”

इफिसियो 3:12

मसीह पर बिस्वास को काजी आमी परमेस्वर तकन भरोसा अना निडरपन को संगा पहुच राखासेजन।

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

इब्रानियो 10:10

वोच भगवान को मनसा को लक, यीसु मसीह को देह ला एकच बार चघानो लक पूरो भयो, अना आमी सब पवीतर भई गईन।

इब्रानियो 9:14

मग मसीह को रकत, जोन ना अपरो आप ला अमर आतमा लक, बेकसूर बली को रुप मा परमेस्वर ला दे दियो। आमरो मन ला मरो हुवो काम लक, काहे पवीतर नही करयेत। अना अमला जित्तो परमेस्वर को काबिल काहे नही बनाहेत।

इब्रानियो 9:26

अदी असो होतो, तो दुनिया को सुरुवात लक वोला बार-बार दुख उठानो पड़तो। पर अबा जुग को आखीर मा एक च बार परगट भयो। जोको लक खुद को बली देके पाप ला मिटा देवे।

इब्रानियो 9:28

वसोच मसीह, लगत लोकगीन को पाप लक मुकती काजी, एकच बार आपरो आप ला चघा दियो। मसीह अबा दूसरो बार परगट होयेत। पाप को कारन नही, पर जोन लोक वोको रस्ता चोवासेत। उनला मुक्ती दिलावन आहेत।

याकूब 5:6

तुमी न न्यायी ला दोसी ठहरायके मार डाकिस उ तुमरो सामना नही करतो।

1 पतरस 3:19

वोच देह मा यीसु जायके वोना बन्दी आतमा गिन ला परचार करीस।

1 पतरस 4:1

यीसु मसिहा ना खुदको देहावर दुख भोगयो। ता तुमी वोच मनसा ला, आपरो देह मा हतियार जसो धरन करा, काहेका जोन मानूस ना दुख भोगयो सेत। उ मानूस ना पाप लक नातो तोडयो सेत।

1 पतरस 4:6

यो च कारन सेत का मेला लक गिनला साजरो बारता आयकायो गयो। जेने कारन देहावर मानूस को जसो सजा मिल्यो होतो। तरी जीवनात वय परमेस्वर सोबत सुसंगत रहतो रव्हे।

1 योहन 1:9

अदी आमी आपरो पाप ला मान लेबिन, ता उ आमरो पाप गीन ला छिमा करनो को लाई अना अमीला सप्पा अन्याय लक सुद्ध करन लाय भरोसा लायक अना न्यायी से।