1 पतरस 3:16 - सत मारग पर चलन वारो किताब

¹⁶ अना आपरो मन ला सुद्‌ध ठेवा, योसाठी का जोन गोस्टीमा मसीह को बारे मा तुमरो च अनादर करतात। वय लोकगिन तुमरी लाज वाटेल। जोन बारे मा तुमरी निंदा होतत।

1 पतरस 3:16 ပူးပေါင်းရင်းမြစ်များ

मत्ती 5:11

धन्य सेव तुमी, जबा, मानूस मोरो कारन, तुमरो बेज्जाती करेहत। तुमरो पर अत्याचार अपमान करेहत अना अखीन झुठो, दोस लगाहेत।

पेरीत 24:16

एकोलाय मि भी परमेस्वर अना मानूस गीन को पूड़ा आपरी आतमा ला सुध्द बनावन को लाई जतन करतो रव्हासेऊ।

पेरीत 28:22

पर तोरो बिचार काजक से हमी आयकनो चाव्हसेजन का हमीला मालुम सेत। का सप्पा जघा लोकगीन यो मारग को बिरोध मा सांगा सेत।

रोमियो 9:1

मी खरो कव्हासेऊ, मी मसीह को सेऊ। मोरी भितरी आतमा, पवितर आतमा को हुकूम मानअ सेत। मी खोटो नही कव्हासेऊ।

2 कुरिन्थियो 1:12

हमला एको गरब से, का यो गोस्टी अमी सफा मन लक कव्हा सेजन। का अमिना यो जगत को संग अना खास तुमरो संग परमेस्वर को किरपा को साथ बरताव करयो सेजन। हमिना ईमानदारी अना खराई लक बरताव करी सेजन। जोन परमेस्वर लक भेटा सेत। दुनिया को अक्कलवरी लक नही।

2 कुरिन्थियो 4:2

अमिना सबच लुकयो अना लाज को काम लक बेगरो भईसेजन, आमी कोनी धोका को काम नही करतत, ना आमी परमेस्वर को बचन ला खोटो साबीत करसेजन। अना खराई लक आमी परमेस्वर को डोरा को पुड़ा रव्हसेजन। हरेक को डिमाक लक भलाई करन को कोसीस मा रव्हसेजन

1 तीमुथियुस 1:19

अना बिस्वास अखिन वोना साजरो अक्कल ला थामो रहवो जोनला दुहुर करन को कारन केतरो गीन को बिस्वास रूपी जहाज डुबू गयो।

1 तीमुथियुस 1:5

हुकूम को सार यो से का सुध्द अना सच्चो दिल, अना साजरो सच्चो अक्कल अखीन बीना कपट को बिस्वास लक पिरेम चोवाइस।

2 तीमुथियुस 1:3

जेना परमेस्वर की सेवा मा अपरो बाप-दादा गीन की रिवाज पर सुध्द अक्कल लक करासेऊ वोको धनवाद होहे का मी अपरी पिराथना गीन मा तोला रात दिवस हेत करासेऊ।

तीतुस 2:8

अना असी खराई पाई जाहे, की कोनी ओला बुरो कव्ह नही सकत, जोको लक विरोध करनवारा गीन आमी पर कोनी “उँगठी उठानो” को मौका न पायके लज्जाहेति।

इब्रानियो 13:18

आमरो साठी पिराथना करत रव्हो। अमिला भरोसा सेत का आमरो मन सूध्ध सेत। काहेका आमी सबच गोस्टी मा साजरी चाल चलन को बरताव राखसेजन।

इब्रानियो 9:14

मग मसीह को रकत, जोन ना अपरो आप ला अमर आतमा लक, बेकसूर बली को रुप मा परमेस्वर ला दे दियो। आमरो मन ला मरो हुवो काम लक, काहे पवीतर नही करयेत। अना अमला जित्तो परमेस्वर को काबिल काहे नही बनाहेत।

1 पतरस 2:12

गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।

1 पतरस 2:15

परमेस्वर असो चाव्हासेस का तुमी आपरो भलो काम करके बेअकल की गोस्टी बोलन वालो कम अक्कल मानूस गीन को टोन्ड बंद कर देवो।

1 पतरस 2:19

काहेकी अदि तुमी परमेस्वर को मरजी सेत सो समझ कै दुख उचल सो ता परमेस्वर यो गोस्टी काजी तुमला आसीरवाद देहेत।

1 पतरस 3:21

यो बपतिस्मा को पयलो इसारा सेत। जेनको मतलब तन को मैल ला धोवनो नाहती। पर साजरो मन लक परमेस्वर को अधीन होवनो सेत। अबा तो बपतिस्मा तुमला यीसु मसीह को जित्तो होवनो लक बचावनो सेत।

1 पतरस 4:4

अता तुमी वोना लोकगीन को बरोबर एसो आराम को दलदल मा डुंबू नका। मंग वोको लक अचरज होवासे का वय तुमरो निंदा-बदी करतात।