1 पतरस 2:5 - सत मारग पर चलन वारो किताब

⁵ तुमी भी जित्तो गोटा को जसो एक आतमिक भवन बनतो जाय रहयो सेव। जेनको लक एक असो याजकगीन को पवीतर समाज को रूपमा वोको सेवा कर सको। जोनको काम आतमीक बलिदान चाघावनो सेत। जोन यीसु मसीह को कन लक परमेस्वर को अपनाय जावन वालो होहे।

1 पतरस 2:5 ပူးပေါင်းရင်းမြစ်များ

रोमियो 12:1

अगो मोरो संगीहुन! परमेस्वर को दया ला हेत कराके मी तुम्हि लक बिनती करा सेऊ। का अपरो आप ला परमेस्वर को लाय जित्तो बली को रूपमा परमेस्वर को सेवा अना वोला खुस करन लाय दे देव। योच सच्चो पूजासेत। असो पूजा तुमीला करनो सेत।

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

1 कुरिन्थियो 3:16

का तुमी नही मालूम सेत का तुमी परमेस्वर को मंदिर सेव? अना परमेस्वर को आतमा तुमी मा रव्हसे।

1 कुरिन्थियो 3:9

अमी परमेस्वर को लाय एक संग काम करन वालो संगी सेजन। अना तुम परमेस्वर को काम करन को छेतर सेव। अना तुमी परमेस्वर को इमारत सेव।

1 कुरिन्थियो 6:19

का तुमिला मालुम नही सेत? का तुम लक हरेक को देह पवीतर आतमा को मंदिर सेत। जोन तुममा सेत, अना वा तुमिला परमेस्वर लक भेटयो सेत। तुमी आपरो नही सेव।

2 कुरिन्थियो 6:16

मुरती को पूजा करनवारा को जित्तो परमेस्वर को मंदिर लक काजक लेवनो-देवनो सेत। “काहेका आमी जित्तो परमेस्वर को मंदिर सेजन। जसो परमेस्वर ना खुदच मी आपरो लोकगीन को संग आपरो घर बनाहिन अना उनको बीच मा रव्हिन। अना मी उनको परमेस्वर रव्हिन अना वय मोरो लोक कहलायेत।”

गलातियो 6:10

एकोलाय जबा तकन आमी ला डाव मिलसे, आमी सबको भला करसेजन। मुख रुप लक उन लोकगीन की जोन भरोसा को कारन आमरो परिवार का सेत।

फिलिप्पियो 1:11

ओना धरमिपन को फर लक जोन यीसु मसीह को कन लक होवासेत, भरपुर होवत जावो जोको काजी परमेस्वर को महिमा अना बड़ाई होवती रह।

फिलिप्पियो 2:17

अदी मोला तुमरो भरोसा रुपी बलिदान अना सेवा को संगा आपरो खून भी बोहानो पड़ेह, मंग भी मि खुस सेऊ अना तुमी सब को संगा खुसी मनावसेऊ।

फिलिप्पियो 4:18

मोरो जवर सब काही से अना लगत से। तुमना इपफ्रुदीतुस को हात लक जोन दान धाड़ीसेव वोला पायके मि संतोस सेऊ। उ ता मन ला खुस कर देवन वालो खुसबु अना अपनायो जावन वालो बलिदान से, जोको लक परमेस्वर खुस होवासे।

कुलुस्सियो 3:17

गोस्टी मा या काम मा जोन काही भी करोह सब यीसु पिरभु को नाव लक करोह, अना ओको नाव लक परमेस्वर बाबूजी को धन्यवाद करने।

1 तीमुथियुस 3:15

अदी मोरो आवनो मा उसीर होहे त तु जान लेवजोस का परमेस्वर को घर मा जोन जित्तो परमेस्वर की कलीसिया से अना जोन खराई को खम्बा अखिन नीव से कसो बरताव करनो पाहिजे।

इब्रानियो 3:6

पर मसिहा तो टूरा जसो परमेस्वर को घराना को वारिस सेत। अदी आमी आपरो भरोसा अना आस मा घमंड ला आखीर तकन मजबुति लक थाम सेजन त हमच वोको घराना सेजन।

1 पतरस 2:9

पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत।

1 पतरस 4:11

जोन परबचन देवासे, उ असो लक्छात ठेवा जसो परमेस्वर सांगासे। जोन कोनी धरम को सेवा करतत, वोला असो समजून पायजे का परमेस्वर वोला ताकत देवा सेत। या सप्पा गोस्टी मध्ये यीसु मसीह लक परमेस्वर को गौरव परगट होयेत। वैभव अना ताकत परमेस्वर साठी च आहेत। आमेन!

1 पतरस 4:17

काहेका न्याय को बेरा सुरू भयी गयो सेत। अना उ खुद परमेस्वर को कुटुंब लक सुरु भयो सेत। अदि आपरो लक असो सुरुवात भयो से, तर मग जोन परमेस्वर को साजरा बारता मा बिस्वास नही ठेवत उनको काजक दसा होयेत?

परकासित वाक्य 1:6

वोना अमीला एक राज अना अपरो परमेस्वर दआजी को सेवामा याजक होवन लाय रचयो। ओको गौरव अना ताकत जुगजुग तकन बनयो रह। आमेन

परकासित वाक्य 20:6

पवीतर अना धन्य सेति वय, जिनला यो पयलो जी उचलनो मा सामिल करयो गयो से। दुसरी मिरतु को उन पर कोनी हक नाहती। तर वय परमेस्वर अना मसीह को याजक होयेती। अना हजार बरस तकन उनको सँग राज करयेत।

परकासित वाक्य 3:12

जोन जिते वोला मी आपरो परमेस्वर को मंदिर को खम्बा बनाहिन। मंग कदी उ यो मंदिर लक बाहेर नहीं हीटेयेत। अना मी आपरो परमेस्वर को नगर को नवा यरूसलेम को नाव वको मा लिखूँ। जोन मोरो परमेस्वर को कनलक सरग लक खाल्या उतरन वालो सेत। वोमा मी अपरो नवा नाव लिखिन।

परकासित वाक्य 5:10

अना ओना आमरो परमेस्वर को लाई एक राज अना याजक बनाईसेस। अना वय धरती पर राजपाठ करासेत।