1 पतरस 2:22 - सत मारग पर चलन वारो किताब

²² ना तो वोना कोनी पाप करीस, अखिन ना तो कोनी वोको टोन्ड लक छल-कपट गोस्टी हिटी।

1 पतरस 2:22 ပူးပေါင်းရင်းမြစ်များ

मत्ती 27:19

जबा राजपाल पिलातूस न्याय आसन मा बसो होतो। ता वोकी बायको ना वोको जवर खबर धाड़ी होती, “वोना सीधो-नेक मानूस को संग काही नोको करजोस, मी ना वोको बारेमा एक सपना चोवीसेऊ जोनलक अज मी दिवस भर बेचैन होती।”

मत्ती 27:4

मीना निरदोस मानूस को खून को सौदा, अना पाप करीसेव। तबा मुखिया यजक गिन सांगीन, हमला एको लक, काजक कामसे? तूच जान।

लूका 23:41

पर हमी आपरो करनी को दन्ड पाय रही सेजन, पर यो तो नेक से।

लूका 23:47

सेना को मुखीया यो चोवके ना परमेस्वर को भजन बड़ाई करन लग्यो, अना कव्हयो खरो खर यो मानूस न्यायी होतो।

योहन 1:47

यीसु ना नतनएल ला आपरो कन आवत चोवके वोको बारेमा कव्हयो, “चोवो एकोमा कपट नहात, यो खरो-खर इसरायली से?”

योहन 8:46

तुमी मा लक कोन मोला पापी होवन को लानछान लगाय सकासे। अदी मि खराई लक कव्हसू, तो तुमी मोरो भरोसा कायलाई नही करतत।

2 कुरिन्थियो 5:21

जोन पाप लक अनजान होतो वोला च वोना हमरो लाई पाप ठहराइस का हमी वोको मा परमेस्वर की न्यायीपन बन जाहे।

इब्रानियो 4:15

काहेका आमरो मुखिया याजक असो नाहती का आमरो कमजोरी मा अमी लक दुहुर भयी जाय। काहे का पाप ला सोड़ के सब गोस्टी मा आमरो जसो परखो गयो सेत। पर उ बेकसूर हिटयो।

इब्रानियो 9:28

वसोच मसीह, लगत लोकगीन को पाप लक मुकती काजी, एकच बार आपरो आप ला चघा दियो। मसीह अबा दूसरो बार परगट होयेत। पाप को कारन नही, पर जोन लोक वोको रस्ता चोवासेत। उनला मुक्ती दिलावन आहेत।

1 योहन 2:1

एकोसाठी अगा माया को टुरागीन, यो गोस्टी मि तुम्ही ला एकोलाई लिख रही सेऊ तुमी पाप मा नोको पड़ो अना अदी कोनी पाप करेत ता बाबूजी को कठा आमरो पापहुन लक बचावन साठी बचावन वालो एक सहारा से, मन्जे उ से न्यायी यीसु मसीह।

1 योहन 3:5

तुमी ता जानाच सेव का मसीह लोकहुन को पापहुन को एकोलाई दिसयो की पाप हुन ला दुहुर कर लेहे। उ सुभाव लक पापी नहाती।

परकासित वाक्य 14:5

उनना कभी झूठ नहीं बोलयो होतिन।