1 पतरस 2:16 - सत मारग पर चलन वारो किताब

¹⁶ आपरो आपला छुटटो समझो। पर आपरो आप को यो छूट ला बुरो करन काजी नोको बवजो पर आपरो आपला परमेस्वर को दास समझ के चलो।

1 पतरस 2:16 ပူးပေါင်းရင်းမြစ်များ

मत्ती 23:13

हे कपटी मोसे को नियम को गुरू अना फरिसी गुरू, गीन तुम पर हाय। तुम मानूस को लाई सरग को राज को किवाड़ बंद करोसो, न ता खुदच ओमा धस सक सो, अना न ता ओमा धसन वारा हिन ला धसन देसो।

योहन 15:22

अदी मि नही आतो, अना उनलक गोस्टी नही करतो, तो वय पापी नही ठयरतिन, पर अबा उनला उनको पाप लाई कोनी बहाना नाहती।

रोमियो 6:18

अना पाप को कब्जा लक छुडायो जाके नेकपन को दास बन गयो सेत।

रोमियो 6:22

पर अबा पाप को कब्जा लक सूटकारा पायके अना परमेस्वर को दास बनके तुमला फर मिल्यो से, जेनको लक तूमी पवीतर भई जावासो। अना वोको अन्त अमर जीवन सेत।

1 कुरिन्थियो 7:22

काहेका जोन दास को दसा मा पिरभू मा हाकलो गयो सेत, उ पिरभू को छुड़ायो गयो सेत, वसोच जोन छुट्टो सेत उ मसीह को दास सेत।

गलातियो 5:1

मसीह ना छुट्टो रव्हन लाई हमरो सूटकारा करीसेस, एकोसाठी तुमी लोक पक्का रव्हो। अना मंग गुलामी को जुआड़ी मा नोको फंदहो।

गलातियो 5:13

ओ भाऊ गीन तुमी सूटकारा पावन को लाई हाकलो गयो सेव, यो सूटकारा आँग की मनसा पूरी करन लाई नही होइसे, पर माया लक एक दुजो की सेवा करो।

इफिसियो 6:6

मानूस ला खुस करन जसो नही, पर मसीह को नौकर को जसो हिरदय लक परमेस्वर को मरजी ला पूरी करहो।

कुलुस्सियो 3:24

काहेकि तुमी जानासो की तुमला बदला मा पिरभु लक सान्ती मिलहेत; तुमी पिरभु मसीह को सेवा करोसो;

1 थिस्सलुनीकियो 2:5

जसो का तुमी जानलेईसेव, हमीना त कभीच तुमला “एक हात ककड़ी अना नौ हात बीजा” नही करया सेजन। ना लोभ लाई कोनी बहाना बनाया, परमेस्वर हमरो गवाह से।

याकूब 1:25

पर जोनना निरदोस पवीतर गिरंथ ला साजरो लक बाच लेय सेत। जोन असल मा सूटकारा को करार सेत, अना वोच मा अटल रव्हसेत। उ आयक के बिसरनवालो नही, पर हेत रखके वोको हुकूम ला मानन वालो सेत, असो मानूस आपरो हरेक काम मा आसीस पावन वालो होहेत।

याकूब 2:12

तुमरो गोस्टी अना तुमरो सुभाव उन लोकहुन को जसो होय, जिनको न्याय छुड़ोती देनवारो मोसे को नियम को जसो कियो जाहे।

2 पतरस 2:19

वय उनला मुक्त करन लाय साठी वचन दियो सेत। पर खुदच सड्या को गुलाम सेत, कारन जोन हारासे उ उनको गुलाम बनसेत।

यहूदा 1:4

काहेकि आमरो बीच मा काही लोक चोरी लक आय घुसी सेत ऐना लोकहुन को सजा को बारे मा गिरंथ ना लगत पयलेच भविस्यवानी कर देयि होतिस। यो लोक बिना परमेस्वर को सेत। एना लोकहुन परमेस्वर को किरपा ला सुख सुविदा को एक बहाना बनाय डाकीसेत अना यो आमरो पिरभु अना केवल एक मालिक यीसु मसीह ला नही मानासेत।