1 पतरस 2:12 - सत मारग पर चलन वारो किताब

¹² गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।

1 पतरस 2:12 ပူးပေါင်းရင်းမြစ်များ

मत्ती 10:25

चेला को गुरू लक अना दास को, मालिक मजे पिरभु को बरोबर होवनो च, लगत से। जबा उनना घर को मालिक ला सैतान कहिन ता वोको घर को दुसरो लोकगीन लक तो अखिन बुरो बरताव करहेत।”

मत्ती 5:11

धन्य सेव तुमी, जबा, मानूस मोरो कारन, तुमरो बेज्जाती करेहत। तुमरो पर अत्याचार अपमान करेहत अना अखीन झुठो, दोस लगाहेत।

मत्ती 5:16

वोको च जसो तुमरो भी उजाड़ो मानूस को पुढा चमकेत, काहे का उ तुमरो भलो काम ला देख के तुमरो बाप की सरग मा बड़ाई होहेत।

मत्ती 9:8

लोक असो देखके डराय गईन, अना परमेस्वर की बड़ाई करन लगीन, जेना मानूस ला असो अधिकारी ठहराईसेस।

लूका 1:68

धन्य से इसरायल को परमेस्वर, वोना आपरो लोकगीन को सूधी लेवासे, अखीन उनको मोक्स करोसे।

लूका 19:44

तोला अखीन तोरो मा निवास करन वालो, तोरि सन्तान ला माती मा मिला देहति, अखीन तोरो मा एक भी गोटा तरा उपर नही रव्हेत, काहेका तूना उ साजरो दिवस ला नही चिन्हिसेस, जब परमेस्वर ना तोरि सुधि लेइसेस।

लूका 6:22

धन्य सेव तुमी जबा मानूस को टूरा को कारन लक लोक तुमरो लक बुराई करे, अना तुम ला हेड देहेत, आना तुमरो निंदा करते, अखीन तुमरो नाव ला बुरो जानके काप देहेत।

योहन 13:31

जबा उ बाहेर चली गयो ता यीसु ना कहीस अबा मानूस को टूरा को बड़ाई होवासे, अना परमेस्वर की महिमा ओमा भयोसे।

पेरीत 15:14

समौन ना सबूत दियो होतो, का परमेस्वर ना काही लोकगिन ला आपरो नाव को लाई बेचके, कसो पिरेम करीयो होतो।

पेरीत 24:13

अना अबा तोरो पूड़ा जोन अरोप ला मोरो उपर लगाय रहिसेत। वोको पुरुप नही देय सकत।

पेरीत 25:7

जबा पौलुस वहान पहुचयो। तबा वय यहुदी जोन येरुसलेम लक आयो होतीन। वय वोको चारो कन उभो होय गईन। अना ओको पर असो गंभीर आरोप लगावन लगीन, जिनको उनको कठा कोनी सबुत नही होतो।

पेरीत 28:22

पर तोरो बिचार काजक से हमी आयकनो चाव्हसेजन का हमीला मालुम सेत। का सप्पा जघा लोकगीन यो मारग को बिरोध मा सांगा सेत।

रोमियो 12:17

बुराई को बदला मा कोनी को बुराई नोको करो।

रोमियो 13:13

आमी दिवस को लक खरो चाल-चलबिन। आमी रगिलोपन नसा पानी गन्दोकाम, अना छिनालापन जलन अना देह को वासना झगड़ा-रगडा लक दुहुर रव्हबिन।

रोमियो 14:18

जोन एना गोस्टी लक यीसु मसीह को सेवा करा सेत, परमेस्वर उ को चहेतो अना मानूस गीन मा सतकार को काबील ठयरा सेत।

रोमियो 15:9

अना एकोलाय भी का गैरयहूदी गिनला परमेस्वर को दया भेटे, अना वय स्तुती करे। जसो गिरंथ मा लिख्यो सेत, “एकोलाय गैर यहूदि गिनको बीचमा तोला ओरखा हिन अना तोरो नाव को महिमा गावइन।”

1 कुरिन्थियो 14:25

अना उनको मन को भेद परगट भई जाहेती। तबा वय पाय मा पड़के परमेस्वर को स्तुति करन लगहेत, अना मान लेहेत का सहि मा परमेस्वर तुमरो संग सेत।

2 कुरिन्थियो 1:12

हमला एको गरब से, का यो गोस्टी अमी सफा मन लक कव्हा सेजन। का अमिना यो जगत को संग अना खास तुमरो संग परमेस्वर को किरपा को साथ बरताव करयो सेजन। हमिना ईमानदारी अना खराई लक बरताव करी सेजन। जोन परमेस्वर लक भेटा सेत। दुनिया को अक्कलवरी लक नही।

2 कुरिन्थियो 13:7

आमी आपरो परमेस्वर लक असो पिराथना करीसेजन, का तुमी कोनी बुराई नोको करो। लोकगीन ला साजरा चोवन काजी नही पर एकोलाय तुमी भलाई को काम करो का चाहे कोनी अमीला नाव धरेत यो मंजूर सेत आमी भलाई च करबिन।

2 कुरिन्थियो 8:21

कायको लाय का जोन गोस्टी केवल पिरभू को कठा नही पर मानूसगिन को जवर भी सजरा सेत आमी वोचको चिन्ता करासेजन।

इफिसियो 2:3

उनमा आमी भी पयले आपरो देह की मोह मा दिवस बितात होता, देह अना मन को मरजी ला पूरो करत होता, अना अखीन संसार को दुसरो लोकगीन को जसो बरताव लक परमेस्वर को गुस्सा की लेकरा होता।

इफिसियो 4:22

यहान तक तुमरो जुनो जिंदगी को तरीका को सम्बन्ध से तुमला सिक्सा दियो गयो होती का तुमी आपरो जुनो मानुसपन ला उतार फेकने जोन ओको भटकावन वारो मरजी हुन को लाई खराब बनयो हुयोसे।

फिलिप्पियो 1:27

एतरो करो का तुम्हारा चाल-चलन मसीह को साजरोबारता को काबिल होय का चाव्ह मि आयके तुमला चोऊ, चाव्ह नही आऊँ, तुमरो बारे मा योच आयकू का तुमी एकच आतमा मा पक्को सेव। अना एक चित्त भयके साजरो बारता को भरोसा को लाई मेहनत करत रव्हना।

फिलिप्पियो 4:8

एकोलाई हे भाऊगीन जोन-जोन गोस्टी खरो सेत, अना सुहानो मान भाव को सेत अना जोन-जोन नियाव वारो सेत, जोन-जोन गोस्टी पवीतर सेत, जोन-जोन गोस्टी मन ला खुस करासेत अना साजरो अना बड़ाई वालो सेत उन ला मन लगाय राखो।

1 थिस्सलुनीकियो 4:12

जोको लक बाहेर वारा लक मान मिल सकेह अना तुमला कोनी चीज की आस नही रह।

1 तीमुथियुस 2:2

राजा गीन अना सबच उच्चो पदवारा गीन ला नेमत एकोलाई का हमी आराम अना चैन को संग सारी भक्ती अना घंभीर रुप लक जीवन बिताहेत।

1 तीमुथियुस 4:12

कोनी तोरी जवानी ला हलको नही समझ पाहे पर बचन अना चाल-चलन अना पिरेम अखिन बिस्वास अना पवितर पन मा बिस्वासी गीन को लाई नमूना बन जाव।

1 तीमुथियुस 5:10

अना साजरो काम मा नामी रही रव्हे जेना न लेकरा गीन को लालन-पालन करी रहेस पावना गीन की सेवा करी रहेस पवीतर लोक गीन का पाय धोई सेस दुखी गीन मदद करीसेस अखिन हर एक को साजरो काम मा मन लगाई सेस।

इब्रानियो 13:18

आमरो साठी पिराथना करत रव्हो। अमिला भरोसा सेत का आमरो मन सूध्ध सेत। काहेका आमी सबच गोस्टी मा साजरी चाल चलन को बरताव राखसेजन।

इब्रानियो 13:5

पैसा को लोभा पासुन आपरो जीवन मुक्त करा। तुमरो जवर जोन सेत वोकोच लक समाधान करो। काहेका परमेस्वर खूदच कव्हसेत, “मी तोला कधीच नही सोड़ीन, अना नाही मी तोला आपरो लक बगरो करहीन।”

याकूब 3:13

भला तुमरो मा लक अक्कल वर कोन सेत? जोन सेत वोला अपरो बरताव लक असो देखवनो चाव्हसे का वोका करम वोनो ईमानदारी को संगा करियो गयो सेत जोन अक्कल लक जुड़या सेत।

1 पतरस 2:15

परमेस्वर असो चाव्हासेस का तुमी आपरो भलो काम करके बेअकल की गोस्टी बोलन वालो कम अक्कल मानूस गीन को टोन्ड बंद कर देवो।

1 पतरस 3:16

अना आपरो मन ला सुद्‌ध ठेवा, योसाठी का जोन गोस्टीमा मसीह को बारे मा तुमरो च अनादर करतात। वय लोकगिन तुमरी लाज वाटेल। जोन बारे मा तुमरी निंदा होतत।

1 पतरस 4:11

जोन परबचन देवासे, उ असो लक्छात ठेवा जसो परमेस्वर सांगासे। जोन कोनी धरम को सेवा करतत, वोला असो समजून पायजे का परमेस्वर वोला ताकत देवा सेत। या सप्पा गोस्टी मध्ये यीसु मसीह लक परमेस्वर को गौरव परगट होयेत। वैभव अना ताकत परमेस्वर साठी च आहेत। आमेन!

2 पतरस 3:11

जब ऐना सप्पा गोस्टी नास भयी जाहेत। तर तुमी लोकगिन ला पाहिजे का पवीतर चाल-चलन अखीन भगती को जिंदगी बिताव।