1 पतरस 1:4 - सत मारग पर चलन वारो किताब

⁴ जोन वारसाना हक तुमी लोक गिन काजी सरग मा राखयो हुया सेत। उ नास नही होवन वालो, बेडाग, अमर सेत।

1 पतरस 1:4 ပူးပေါင်းရင်းမြစ်များ

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

मरकुस 10:17

अखीन जबा यीसु जतरा को लाई हिटत होतो। तबा एक मानूस धावत आयो, अना ओको पुढा टोघरा टेकके ओना यो पुसयो, ओ साजरो गुरु! मि अमर जीवन ला पावन लाई का करू?

पेरीत 20:32

अना अबा मी तुमला परमेस्वर को, अना वोको दया को वचन ला सौप देवासू। जोन तुमरी उन्नती कर सकसे, अना सब पवीतर किया गयो तुमरो लोकगीन ला वारसाना अधिकार दिलाय सकसेत।

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

रोमियो 8:17

अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।

1 कुरिन्थियो 9:25

सबा धावन वारा धिरज यो काजी राखासेत, का वोला जीत को मुकुट मिलनो सेत। पर आमी तो कदी नास नही होवन वारा अमर मुकुट काजी मेहनत करसेजन।

गलातियो 3:18

अदी मोसे को नियम को जरिया लक वारिसपन सुपरुत कर दियो जातो, तो परन लक ओको कोनी नातो नही पर वायदा कन लक ही परमेस्वर ना ओला अबराहम ला देवन को दया करीसेस।

इफिसियो 1:11

सबच गोस्टी परमेस्वर को नियाव अना योजना को कन लक कियो जावसे। परमेस्वर ना आपरो निजि मकसद को काजी च हमला ओनोच मसीह मा संत बनन लाई बेचयो से। यो ओकोच कन लक भयो जेनला परमेस्वर ना सब लक सूरू लक पयलेच लक ठहरायीसेस।

इफिसियो 1:14

उ आतमा आमरो वारिसपन को छुड़ोती को रुप मा ओनो बेरा तक को लाई हमला देयि गयी से, जब तक का उ हमला जो ओको आपरो सेत, सप्पा परकार लक सूटकारा नही दे देहे। ऐको काजी लोक ओकी महिमा को बड़ाई करेहेत।

इफिसियो 1:18

मि बिनती करूसेव की तुमरो मन को डोरा उघड़ जाहेत अना तुमी उजाड़ को दरसन कर सकने ताकि तुमला मालुम चल जाहे की उ आसा काजक से जेनको लाई तुमला ओना हाकलीसे। अना जेने उतराधिकार ला उ आपरो सबच लोकहुन ला देहे, उ केतरो बलवानना भरपुर से।

कुलुस्सियो 1:12

अना खुसी-खुसी परमेस्वर बाबजी को धन्यवाद, जेना आमला यो काबिल बनायीसेस की जोनना तुमिला उजाड़ को राज मा आपरो पवीतर लोक गीन काजी राखिसेत, वोमा आपरो वारसाना हिस्सादारी राखन काजी साजरा बना दियो सेत।

कुलुस्सियो 1:5

जबा खरो साजरा बारता पयले तुमरो कठा आयो, तो तुमीना आस लक आयकीस। अना तुमरो भरोसा अना पिरेम वोना चीज़ मा नीव पडयो सेत जोन तुमी आस करासेव। जोन सरग मा तुमरो लाय सुरक्सित ठेवो जावासेत।

कुलुस्सियो 3:24

काहेकि तुमी जानासो की तुमला बदला मा पिरभु लक सान्ती मिलहेत; तुमी पिरभु मसीह को सेवा करोसो;

2 तीमुथियुस 4:8

अबा मोरो लाई धरम को उ मुकुट सजायके राखयो गयो से जोन पिरभू नेक अना न्याय करन वालो सेव मोला वोना दिवस देहे अना मोला च नही वरन वय सब ला जोन पिरेम को संग वोको परगट होवन को बाट चोविसेत। निजि सूचना

इब्रानियो 10:34

तुमीना आपरो जोन लोकगीन जेलमा होतिन उनको सुदी लियो अना जबा तुमी लोकगीन को धन जपत कर लियो गयो तो तुमीना हूँ लक चूँ नही कव्हयो, काहेका तुमी जानत होतो का एको लक कही साजरा अना हमेसा को संपति तुमरो कठा सेत।

इब्रानियो 9:15

मसीह पयलो करार को भितर, कियो गयो गुनाह, को छिमा को लाय मर गयो सेत। अना अबा उ एक नवा करार को बिचवई से। परमेस्वर जोन ला हाकल सेत, उनला अबा वोको करार लक अमर काल तकन सूटकारा को हक मिलासेत।

याकूब 1:11

दिवस को ऊन मा गवथ मुरझा जावा सेत। अना वोका खिलो फूल झड़ जावा सेत। वोको खुबसुरती नास हो जावा सेत असो च धनी मानूस आपरो धनको संग-संग धूरो मा मिल जाहेती।

1 पतरस 3:9

वाईट काम को एवज मा वाईट काम नोको करा। सिराप को परतफेड नोको करा। वोको ऐवज मा, आसीरवाद देया। कारन तुमिला आसीरवाद देवन साठी बोलाविले गयो सेत।

1 पतरस 5:4

अना जबा मुख्य संरक्षक परगट होयेत। ता उ तुम्हाला महीमा को मुकुट देवन आहेत। जो मुरझात नाही।

परकासित वाक्य 21:27

कोनी भी असुध्द चीज यो नगर मा ना ता धस पाहेत, ना च उ, जेनको सुभाव सरमनाक अना गोस्टी झुठो लक भरी सेति, ऐमा धस पायेत, जिनको नाव मेढ़ा को जिंदगानी को किताब मा लिखयो से।