1 पतरस 1:3 - सत मारग पर चलन वारो किताब

³ धन्य से, आमरो पिरभू यीसु मसीह को परमेस्वर! जेना यीसु मसीह को मरयो हुयो मा लक जित्तो होवनो को कारन, अपरी मोठी दया लक, हमरो जीवित आस को लाई, नवतो रीती लक जलम देईसेस।

1 पतरस 1:3 ပူးပေါင်းရင်းမြစ်များ

योहन 1:13

की जसो रकत लक मानूस जलम होवासे, ओनो पिरकार लक वय जलम नही लेईन तरी उनको अजी स्वता परमेस्वर से।

रोमियो 12:12

आपरो आस मा खुसहाली करो, दूख मा पक्को रव्हो, पिराथना मा हमेसा लगे रहयो।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

रोमियो 4:25

वोच यीसु आमारो पाप को कारन धरयो गयो, अना हमला पाप छिमा कर नेक मानूस ठयरावन काजी जित्तो भयो।

रोमियो 5:10

आमी परमेस्वर को बैरी होतिन, पर जबा परमेस्वर को संग आमरो मेल, वोको टूरा को मरन लक भई गयो। तब परमेस्वर को सगं मेल हो जान को कारन लक, वोको टूरा को जीवन लक पक्को आमरो सूटकारा हो जाहेति।

रोमियो 8:11

जोन ना यीसु ला मरयो हुयो मा लक जित्तो करयो। अना वोको आतमा तुम लोकगीन मा रव्हअ सेत। वा च तुमरो नासवान देह ला भी जीत्तो करा देहेत।

रोमियो 8:24

अमी बचायो गयो सेत यो गोस्टी को आमरो मनमा आस सेत। तरी अमी जोन गोस्टी को उमेंद करा सेजन। वोला अमी आपरो डोरा लक चोवासेजन, ता आमरो आस पुरो भयी जासेत। जोन चोवअ सेत, वा अबा आस नाहती।

1 कुरिन्थियो 13:13

पर अबा भरोसा, आस, माया यो तीन हमेसा रव्हेत, पर यो सबा लक मोठो पिरेम सेत।

1 कुरिन्थियो 15:20

पर अबा मसीह तो मरयो मानूस लक जित्तो भय गयो सेत, अना जोन जपमा होतिन उनमा लक पयलो फर सेत।

2 कुरिन्थियो 1:3

धन्य सेत परमेस्वर, आमरो पिरभू यीसु मसीह को बाबूजी, उ दयालु अना सब परकार को सान्ती को परमेस्वर सेत।

गलातियो 6:16

यो नियम को लक चलनवारो पर अना परमेस्वर को इसरायल पर सान्ती अना तरस होय।

इफिसियो 1:17

मि पिराथना कियो करुसेउ की हमरो पिरभु यीसु मसीह को परमेस्वर तुमला विवेक अना दैवीय दरसन की असी आतमा को ताकत देवासे जेकोलक तुमी ओनो महिमा वान मोठो बाबूजी ला जान सको।

इफिसियो 1:3

आमरो पिरभु यीसु मसीह को बाबूजी अना परमेस्वर धन्य होय। जेना आमीला मसीह मा सरगीय जघा मा सप्पा परकार की आतमिक आसिरवाद देईसेस।

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

इफिसियो 2:4

पर परमेस्वर जोन दया को धनी से, आपरो ओना मोठो माया को कारन जेना ओना आमी लक माया राखिसेस।

इफिसियो 3:20

अबा ओनो परमेस्वर को लाई जोन असो ताकतवर से, ओना ताकत कन लक जोन हमि मा काम करासे, की आमरी बिनती अना मन लक कहीं लगत बढ़के काम कर सकसे,

कुलुस्सियो 1:23

अदी तुम भरोसा को नीव मा पक्को रूप लक बनो रव्हो अना वा साजरा बारता को आस ला जोन तुमी आयकु सेव, नही छोड़यो, जोनको परचार बादल को खाल्या, सारो दुनिया मा कव्हयो गयो अना वोको दास मी पौलुस बनीसेव।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

1 थिस्सलुनीकियो 1:3

तुमरो बिस्वास को काम अना माया को मेहनत अना आमरो पिरभु यीसु मसीह मा भरोसा अना धिरज को आस आपरो परमेस्वर अना बाबूजी को पुढ़ा सदा हेत करासेजन।

1 थिस्सलुनीकियो 4:13

पर अगा भाऊ हुन हमी नही चाव्हसेजन, का तुमी उनको बिसय मा अनजान रहवो। जोन सोय गईसेत अना काही लोक गीन को जसो सोकित होय जावो, जिनला आसा नाहती।

2 थिस्सलुनीकियो 2:16

आमरो पिरभु यीसु मसीह खुदच अना आमरो बाबूजी परमेस्वर जेनला आमी ना माया राखिसेजन, वाच आमला दया अना हरामेसा को सान्ती लक साजरो आस देइसेस।

1 तीमुथियुस 1:14

अना आमरो पिरभु को किरपा ओना भरोसा अना पिरेम को सँगा जोन मसीह यीसु मा से, लगत रिती लक भयो।

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

इब्रानियो 3:6

पर मसिहा तो टूरा जसो परमेस्वर को घराना को वारिस सेत। अदी आमी आपरो भरोसा अना आस मा घमंड ला आखीर तकन मजबुति लक थाम सेजन त हमच वोको घराना सेजन।

याकूब 1:18

खराई को साजरो बारता को कन लक आपरी औलाद बनावन को साठी ओने आमला निवड़ीसेस। मनजे आमी सबच जीवधारी हुन को बीच ओकी फसल को पुढ़ा फर सिध्द होय।

1 पतरस 1:13

एना कारन अपरी मन ला पक्को करके अना सचेत रव्हो। अना आपरो मनला मारके रव्हो। अना वोना वरदान को आस मा रव्हो जोन यीसु मसीह को परगट होवन मा तुमला भेटनवारा सेत।

1 पतरस 1:21

वोना मसीह को कारन तुमी वोना परमेस्वर पर बिस्वास करासेव। जोनना वोला मरयो हुयो मा लक जित्तो कर दियो। अना महिमा देईस, असो लक तुमरो बिस्वास अखिन आस परमेस्वर पर थम जाय।

1 पतरस 1:23

काहेकी तुमी न नासवान नही पर अविनासी बीज लक दुबारा जिंदगानी नही पायो सेव। बलकि यो उ बीज को फर सेत। जोन अमर सेत। तुमारो नवतो रीती लक जलम परमेस्वर को उ साजरा बारता लक भयो सेत, जोन जित्तो अना अटल सेत।

1 पतरस 2:2

अना नाहानो लेकरा को जसो सुध्द आतमिक दूध को लालसा करो। जोनलक तुमरो बिकास अना सूटकारा को लाय बड़तो जाव।

1 पतरस 3:15

खुद को मनमा पिरभु मसिहा को सन्मान करा। अदी कोनी तुमरो लक तुमरो बिस्वास को बारे मा विचारेत तर जवाब देवन साटी हरामेसा तइयार राहा। पर नरमाई अना भेव को संग।

1 पतरस 3:21

यो बपतिस्मा को पयलो इसारा सेत। जेनको मतलब तन को मैल ला धोवनो नाहती। पर साजरो मन लक परमेस्वर को अधीन होवनो सेत। अबा तो बपतिस्मा तुमला यीसु मसीह को जित्तो होवनो लक बचावनो सेत।

1 पतरस 3:5

काहेकी जूनो जमाना मा पवीतर आई-माई गीन भी जोन परमेस्वर मा आस राखा सेति। अपरा-अपरा नवरा गीन को अधीन रहके अपरो रिती-रिवाज को जसो सज्जत सवरत होतीन।

1 योहन 2:29

अदि तुमी यो जानासेव, की उ न्यायी से, ता यो भी जानासेव का जोन कोनी नेकी को काम करासे उ परमेस्वर लक जन्मो से।

1 योहन 3:3

हरेक कोनी जोन ओनो पर असी आस राखासे, उ आपरो आपला वसोच पवितर करासे जसो मसीह पवितर से।

1 योहन 3:9

जोन कोनी परमेस्वर लक पैदा लेई सेस, उ पाप नही करासे; काहेकि ओको सुभाव ओमा बनयो रव्हसे, अना उ पाप कर च नही सका काहेका परमेस्वर लक पैदा लेई सेस।

1 योहन 4:7

ओ चहेतोहुन आमी आपसी मा माया राखबिन; काहेका परमेस्वर माया लक से। जोन कोनी माया करासे, उ परमेस्वर लक पैदा लेइसेस अना परमेस्वर ला जानासे।

1 योहन 5:1

जोन को यो भरोसा से का यीसु च मसीह से, अना परमेस्वर को टूरा से। जोन दाअजी ला माया करासे उ ओको टूरा ला भी माया करासे।

1 योहन 5:18

आमी जानासेजन, का जोन कोनी परमेस्वर को टूरा बन गयी से भयी, उ पाप नही करत रव्हा पर परमेस्वर को टूरा, ओकी रक्सा करत रव्हसे। उ दुस्ट ओला छुय नही सकासे।

1 योहन 5:4

काहेका जोन कोनि परमेस्वर को टूरा बन जासे, उ जग पर जीत पावसे। अना जग को वरता आमला जोको लक जीत मिलासे, उ आमरो भरोसा से।