1 पतरस 1:20 - सत मारग पर चलन वारो किताब

²⁰ यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत।

1 पतरस 1:20 ပူးပေါင်းရင်းမြစ်များ

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

पेरीत 2:23

यो मानूस ला परमेस्वर को पक्को योजना अना पक्को पुढ़ा की गियान को अनुसार तुमला सोपो गयो होतो। पर तुमीना पापी मानूस गिन को सायता लक वोला कूरूस पर चघायके मार डाकिन।

रोमियो 3:25

परमेस्वर ना यीसु मसीह ला लोकहुन को लाय बली को रूपमा दे दियो। जोन लक वोको बोहायो गयो रकत लक वा साधन बन जाय। जेनको लक लोकहुन को पाप ला, वोको मा भरोसा राखन लका माफी कर दियो जाय। परमेस्वर आपरो न्यायीपन दिसावन लाय, जुनो बेरा मा धिरज धरयो। अना लोकगिन को पाप ला अनदेखयो कर देत होता।

रोमियो 8:29

काहेका जेनना वोला पयले लक जान लियो सेत, अना उनला पयले लक ठहरायो सेत। का परमेस्वर को टूरा को रुप होय। जेनको लक यीसु लगत भाऊ गीनमा पहलौटा ठहरेत।

गलातियो 4:4

पर बेरा पूरो भय जावन पर परमेस्वर ना मोसे को नियम लाई आपरो टूरा ला धाड़िसेस उ एक बायका लक पैदा भयो,

इफिसियो 1:10

परमेस्वर की असी योजना होती की सही बेरा आवनो पर सरग मा अना धरती मा को सबच चीजहुन ला मसीह मा संगरो जाहेत।

इफिसियो 1:4

परमेस्वर आमी ला संसार को पैदा होवनो लक पयले मसीह मा, ओको पुड़ा पवीतर अना बेकसूर होवन लाय निवाड़ी सेस।

इफिसियो 3:11

ओना जूनो जमाना मनसा को जसो पुरो भयो जोन ओना आमरो पिरभु मसीह यीसु मा पुरो कियो होतो।

इफिसियो 3:9

अखीन मि सबच मानूसगिन पर उ भेद खोलन की कोसिस करुँह, जोन जुग-जुग लक सप्पा संसार को बनावनवालो परमेस्वर मा छुपयो रही से।

कुलुस्सियो 1:26

जूनो जमाना लक वा लुकयो गोस्टी सेत, जोन वोना सबा मानुसगिन लक सबा लोकगीन लक छिपायो गयो होती, सेत। पर अब आपरो पवीतर लोकगीन ला पता चलयो सेत।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

इब्रानियो 1:2

परंतु या अखट्ट दिवस मा उ अमी लक आपरो टूरा लक बोलला, जोनला परमेस्वर ना सप्पा गोस्टी को वारिस बनाइसेस। वोनाच सप्पा दुनिया ला बनाइसेस।

इब्रानियो 2:14

उ लेकरागिन ला सांगतो, “यो लोकगिन मोरो स्वता को देह अना रक्त सेत, एकोलाय यीसु स्वता उनको सारखा भयो अखिन वोको स्वभाव मानूस सारखा भय गयो, यासाठी की वोना आपरो मरनो लक सैतान को नास करे।” जोन को मरनो मा हक सेत।

इब्रानियो 9:26

अदी असो होतो, तो दुनिया को सुरुवात लक वोला बार-बार दुख उठानो पड़तो। पर अबा जुग को आखीर मा एक च बार परगट भयो। जोको लक खुद को बली देके पाप ला मिटा देवे।

1 पतरस 1:2

तुम जोन परमेस्वर बाप को भबिस्य की गियान लक बेचयो गयो सेव। अना पवितर आतमा लक पवीतर कियो गयो सेव। जोनलक यीसु मसीह को हुकूम मानो। अना वोको रकत को छिड़काव लक तुम लोक गिनमा लगत सान्ती अना दया भेटेत।

1 योहन 1:2

ओनो च जीवन को गियान आमीला करायो गयो। आमिना ओला चोया सेजन। आमी ओको गवाही सेजन अना अबा आमी तुमी लोकहुन ला ओना च अमर जिंदगी को एलान कर रही सेजन जोन बाबूजी को संग होतो अना आमी जेनको गियान करायो गयो।

1 योहन 3:5

तुमी ता जानाच सेव का मसीह लोकहुन को पापहुन को एकोलाई दिसयो की पाप हुन ला दुहुर कर लेहे। उ सुभाव लक पापी नहाती।

1 योहन 3:8

जोन कोनी पाप करासे उ सैतान को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाई आयो का सैतान को काम ला नास करेत।

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।