1 पतरस 1:12 - सत मारग पर चलन वारो किताब

¹² का वय इन गोस्टी ला, आपरो लाय नही, पर वय तुमरो बारेमा सागत होतिन। जेनको खबर तुमला उन लोकगिन को लक मिलयो। उ गोस्टी सरग को कन लक भेजयो गयो। पवितर आतमा को उकसायो जावनो पर तुमिला आयकवायो गयो सेत। अना इन गोस्टी ला चोवनलाय सरगदूत गिन भी मनसा राखत होतिन।

1 पतरस 1:12 ပူးပေါင်းရင်းမြစ်များ

मत्ती 11:25

वोच बेरा यीसु ना कव्हयो परमेस्वर बाबूजी सरग, अना धरती को पिरभु, मी तोरो धनवाद करासू, का तूना यो गोस्टी ला अक्कलवर अना समजदार लोकगीन लक, लूकाईसेस अना लेकरागिन पर परगट करयो से।

मत्ती 11:27

मोरो परमेस्वर बाबूजी मोला, सब काही भेटयो से, अना टूरा ला कोनी नही जानासे, बस परमेस्वर बाबूजी, अना परमेस्वर ला कोनी नही जानासे, बस टूरा! अना टूरा जोन पर परगट करवानो, चाव्हासे वा परमेस्वर लक भेट कर सकासे।

मत्ती 16:17

यीसु न वोला जवाब देईस, हे समौन, योहन को टूरा तु धन्य सेस, काहेका मानूस को मन की गोस्टी नाहत, पर मोरो दाअजी परमेस्वर ना जोन सरग मा से, येनो गोस्टी ला तोरो मन मा डाखी सेस।

मरकुस 16:15

अना यीसु उनलक कहीस, “तुमी सप्पा संसार मा जायके सप्पा लोकगीन ला साजरो बारता सांगो।

लूका 15:10

मी तुमी लक कव्हसू, का असोच एक पाप ला सोड़ो हुया, पापी को बारेमा, सरग मा परमेस्वर को, सरगदूत गीन खुस होवासेत।

लूका 2:26

अखीन पवीतर आतमा लक, मिल्यो जानकारी को लक, जब तकन उ मसीह पिरभू को दरसन ना करलेहे नही मरन को, असो वोला बरदान होतो।

लूका 9:6

अखीन वोना हिटके ना, गांव-गांव मा परमेस्वर को साजरो बारता, आयकावत होतिन। अखीन गजब लोग गिनला, हिन्ड-हिन्ड के, साजरो करन लगीन।

योहन 15:26

पर जबा उ सहायक आहे मजे खराई को आतमा जेनला मि तुमरो जवर बाबूजी को कन लक धाड़हु मजे सत को आतमा, जोन अजी को कनलक हीटासेत वो मोरो गवाही देहेत।

पेरीत 10:44

पतरस एना गोस्टी ला कहेच रहेयो होतो, का पवीतर आतमा गोस्टी को सबच आयकन वारा पर उतर आयो।

पेरीत 16:10

दरसन को मघा जवाब भेटयो ता अमीला मालुम भयी गयो का अमीला परमेस्वर ना उन लोकगीन को बीच साजरो बारता आयकावन लाय मकीदुनिया जावन लाय सांगीसेस। ता अमी ना वहान जावन लाय ठान लियो।

पेरीत 2:33

परमेस्वर को उजो हात कन सब लक वरता पद पायके यीसु ना परम अजी को वादा को अनुसार पवितर आतमा पायके अना मग वोने यो आतमा ला आमरो पर उबडाय देईस जोनला तुमी अबा देखासेव अना आयकसेव।

पेरीत 4:31

जबा उनना पिराथना पूरो करीन ता जोन जघा मा वय होतिन, वा हिल गई अना उन सब मा पवीतर आतमा समा गयो, अना वय बेधड़क परमेस्वर, को गोस्टी आयकावन लग्यो।

पेरीत 4:8

पतरस न पवीतर आतमा लक भरपुर होयके, उन लक कहीस, अगा लोकगीन को मुखिया अना मोठो सायना!

पेरीत 8:25

मंग पेरीतगिन आपरो गवाही देयके, अना पिरभू को गोस्टी आयकावाय के रस्ता की सामरी गाँवगिन मा साजरो बारता आयकावाता हुया चेताय के येरुसलेम को लवट के गईन।

रोमियो 1:15

एकोलाय मी तुमी रोम को रव्हवासी लोक ला भी साजरा बारता को उपदेस देवन तैय्यार सेऊ।

रोमियो 1:17

साजरा बारता मा “परमेस्वर को नेकपन” जो सुरु लक आखीर तकन भरोसा पर टिकीसे, असो परगट भईसे, जसो का मोसे को नियम मा लिखीसे। “नेक मानूस बिस्वास लक जित्तो रहेत।”

रोमियो 10:15

अना यदी मुनादी करनवारा ला धाडयो ना जाय, तो कसो सांगेत? जसो का गिरंथ मा लिख्यो सेत, “उनको पाय कितरो खुबसुरत अना साजरो सेत, जोन साजरो बारता आयकावसे?”

रोमियो 15:19

अना निसान अखीन अचँभा काम को ताकत लक, अना पवीतर आतमा को ताकत लक, मोरो हात लक भई सेत। यहान लक का मि ना येरुसलेम लक, इतानी उतानी सब जघा इल्लुरिकुम तकन यीसु मसीह को साजरो बारता ला पूरो-पूरो सांगिसेऊ।

1 कुरिन्थियो 2:10

यो गोस्टी परमेस्वर ना आपरो आतमा लक आमरो पर परगट करीसेस, काहेकि आतमा सब काही गोस्टी, अना परमेस्वर को सब भेद ला भी जाँच से, अना सबा छिपयो भबिस्य वानी ला भी जाना सेत।

2 कुरिन्थियो 1:22

परमेस्वर ना आमरो पर आपरो मूहर लगाई सेत, अना बियाना को रुपमा आमरो दिल मा आतमा देइसेत।

2 कुरिन्थियो 6:6

पवीतर लक अक्ल लक धीरज लक किरपा लक पवीतर आतमा लक। सच्चो पिरेम लक

गलातियो 1:12

मिना कोनी मानूस को मदद लक ओला नही अपनायो अना नही सिकयो , पर ओला खुदच यीसु मसीह ना मोरो पर दिसाईसेस।

गलातियो 1:16

परमेस्वर ना मोला आपरो टूरा ला दिसाईस अना मोला अलग कर देईस का मि यीसु को साजरो बारता ला परजात ला सांगु। एको मंघा मिना कोनी निरो मानूस खून को रिस्तेदार लक नही पुसयो।

इफिसियो 3:10

एकोलाय अबा कलीसिया लक परमेस्वर को कई तरीका को गियान ओना मुखिया अना अधिकारी पर जोन सरगीय जघा मा सेति, प्रकट कियो जाहेत।

1 थिस्सलुनीकियो 2:9

भाऊ गीन तुमी हमारो महेनत अना दुख महसुस होहे, का हमीना तुमरो पर बोझ नही बनन को मकसद लक कसो रात-दिवस काम धंधा करके तुमला परमेस्वर की साजरो बारता आयकवाया।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

इब्रानियो 11:13

बिस्वास ला आपरो मनमा ठेयके लोकगिन मरन पाय लियो। पर बचन दियो चीज भेटयो नाही। उनना दूहुर च लक वोको स्वागत करीन। अना वय ओरख ला का अमी तो यो धरती मा परदेसी अना अनजान सेत।

इब्रानियो 2:4

वोच बेरा परमेस्वर ना सप्पा परकार को चिमत्कार अना अद्भुत गोस्टी करयो, अना पवितर आतमा भेटी वोको इक्सा अनुसार बाटयो। उ ना वोकी गवाही ला बड़ायो।

इब्रानियो 4:2

काहेका अमीला उनको च जसो साजरो बारता आयकु आय गयो सेत। पर जोन साजरा बारता उनना आयकयो वोको कोनी फायदा नही भयो। काहेका आयकन वालो बिस्वास नही करयो।

1 पतरस 1:25

पर पिरभू को बचन जुग-जुग रव्हसे” अना योच साजरो बारता को बचन से। जोन तुमला आयकायो गयो होतो।

1 पतरस 4:6

यो च कारन सेत का मेला लक गिनला साजरो बारता आयकायो गयो। जेने कारन देहावर मानूस को जसो सजा मिल्यो होतो। तरी जीवनात वय परमेस्वर सोबत सुसंगत रहतो रव्हे।

परकासित वाक्य 5:11

तबा मीना चोवयो, अना लगत सरगदूत गिनको अवाज आयकयो। वय वोना सिघासन, उन जीव अना बुजरुक गिनको आखा-पाखा उभो होतिन। सरगदूत गिनको गिनती लाखों अना करोड़ों होतिन।