1 योहन 5:6 - सत मारग पर चलन वारो किताब

⁶ जोन पानी अना रकत को कन लक आयो होतो, मनजे सच्चो यीसु मसीह, उ ना ता केवल पानी लक पर पानी अना रकत दुही को कन लक आयो होतो।

1 योहन 5:6 ပူးပေါင်းရင်းမြစ်များ

मत्ती 26:28

“यो मोरो रक्त से, जोन परमेस्वर को करार ला स्थापित करासेत। अना मोरो रक्त लगत लोकगिन को पापहुन को छिमा को लाय बोहायो गयो सेत।”

मत्ती 3:16

जसोच यीसु बप्तिस्मा लेइस, त वसोच बाहेर आयो तबा वोको लई सरग को किवाड़ उघड़ गयो, अना वरता लक परमेस्वर को आतमा ला परेवा को जसो आपरो वरता उतरता चोइस।

मरकुस 14:24

अना यीसु उनलक कहीस, “यो मोरो खून से, जोन लगतगीन को लाई बहायो गयो से, जोन परमेस्वर की करार से।

लूका 22:20

यो जेवन को बाद मा यो सांगत बटकी दियो अना कहो, “यो बटकी मोरो रकत को वायदा को नवतो करार सेत जो तुमरो लाई बहायो गयो से।”

योहन 14:17

मजे खराई को आतमा, जेनला ना तो जगत अपनाव सकासे, ना ओला जानासे, काहे की उ तुमरो संग च रव्हासे अना तुममा च होहे।

योहन 14:6

यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका।

योहन 15:26

पर जबा उ सहायक आहे मजे खराई को आतमा जेनला मि तुमरो जवर बाबूजी को कन लक धाड़हु मजे सत को आतमा, जोन अजी को कनलक हीटासेत वो मोरो गवाही देहेत।

योहन 16:13

पर जबा उ असो खराई को आतमा आहे, ता तुमला सबच खराई को रास्ता सांगेत, काहेकी उ आपरो कन लक नही सांगेत पर जोन-जोन काही आयकेत वाच ला सांगेत अना आवनवालो गोस्टी तुमला सांगेत।

योहन 3:5

यीसु ना खरो जवाब ओला देईस, “मी तुमी लक कव्हसू, जब तकन कोनी मानूस, पानी अना आतमा लक नही जलम लेहेत, ता उ परमेस्वर को राज मा धस नही सकासे।

योहन 4:10

यीसु ना सांगीस, का तु परमेस्वर को बरदान ला चिन्हतीस, ता यो भी चिन्हतीस की उ कोन से, जो तोरो लक कव्होसे, का मोला पानी पियाव, तो तु मोरो लक मांगतीस। अना मि तोला जिंदगी को पानी देवतो।

योहन 4:14

पर जोन कोनी यो पानी पीहे जोन मी देवासू, उ सदा लक तहान नही होहेत। पर उ पानी एक झिरिया बन जाहेत, जोन हरामेसा तकन पिझरत रहेत।

योहन 6:55

काहे का मोरो माँस सहीच मा खावन की चीज से अना मोर खून सही मा पिवन की चीज से।

पेरीत 8:36

वय रास्ता मा जता-जता पानी जवर पहुचीन खोजे न कहीस यो पानी से अबा मोरो बप्तिस्मा मा का रुकावट से?

रोमियो 3:25

परमेस्वर ना यीसु मसीह ला लोकहुन को लाय बली को रूपमा दे दियो। जोन लक वोको बोहायो गयो रकत लक वा साधन बन जाय। जेनको लक लोकहुन को पाप ला, वोको मा भरोसा राखन लका माफी कर दियो जाय। परमेस्वर आपरो न्यायीपन दिसावन लाय, जुनो बेरा मा धिरज धरयो। अना लोकगिन को पाप ला अनदेखयो कर देत होता।

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

कुलुस्सियो 1:4

काहेकि हमीना यीसु मसीह मा तुमरो परमेस्वर को पवीतर लोकगीन काजी माया अना भरोसा को बारे मा आयकु सेत।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

तीतुस 3:5

तबा ओना आमला बचायो अना यो आमरो निरदोस ठहरानो को लाई कोनी नेक काम को कारन नही हुयो, लेकिन ओको किरपा लक हुयो। ओना आमरो रक्सा करके आँग धोवावनो लक आमला दुबारा जलम देयीसेस। अना पवितर आतमा लक नयो बनायो जावासे।

इब्रानियो 10:29

तो जोनना परमेस्वर को टूरा को हुकूम ला तोड़के वोला आपरो पाय मा खुंदिसेस, अना वोको रकत को करार जोन वोला पवीतर ठहरसेस वोन वोला असुध्द ठहरा देइसेस अना दया को आतमा को अपमान करीसेस वोको काजक हाल होहेत वोला आपरो डिमाक लक सोचो।

इब्रानियो 12:24

अना नवीन करार को बिचवई यीसु विराजमान सेत। जोन को सींचो गयो रकत हाबिल को रकत को अपेक्सा जादा चांगलो सबद बोलासेत।

इब्रानियो 13:20

जोनना मेढा गीन को महान रखवालो, आमरो पिरभु यीसु को रकत लक वोना अमर सांती करार मा मोहर लगाके परमेस्वर मरयो हुयो लक जित्तो कर देइस।

इब्रानियो 9:14

मग मसीह को रकत, जोन ना अपरो आप ला अमर आतमा लक, बेकसूर बली को रुप मा परमेस्वर ला दे दियो। आमरो मन ला मरो हुवो काम लक, काहे पवीतर नही करयेत। अना अमला जित्तो परमेस्वर को काबिल काहे नही बनाहेत।

इब्रानियो 9:7

पर महायाजक साल मा एकच बार दुसरो खोली मा, रकत लेके जावत होतो। जोनला वो आपरो पाप अना जनता को पाप छिमा काजी चघावत होतो।

1 पतरस 1:2

तुम जोन परमेस्वर बाप को भबिस्य की गियान लक बेचयो गयो सेव। अना पवितर आतमा लक पवीतर कियो गयो सेव। जोनलक यीसु मसीह को हुकूम मानो। अना वोको रकत को छिड़काव लक तुम लोक गिनमा लगत सान्ती अना दया भेटेत।

1 पतरस 3:21

यो बपतिस्मा को पयलो इसारा सेत। जेनको मतलब तन को मैल ला धोवनो नाहती। पर साजरो मन लक परमेस्वर को अधीन होवनो सेत। अबा तो बपतिस्मा तुमला यीसु मसीह को जित्तो होवनो लक बचावनो सेत।

1 योहन 1:7

पर यदि आमी अबा उजियाड़ो मा पुढ़ा बढ़सेजन काहेकि उजियाड़ो मा च परमेस्वर से-ता आमी भरोसा को रुप मा एक दुसरो को संगी सेजन, अना परमेस्वर को टूरा यीसु को रकत आमला सबच पापहुन लक सुद कर देवासे।

1 योहन 4:10

माया ऐमा नहाती का आमिना परमेस्वर लक माया करिया सेजन, पर ऐमा से का ओना आमी लक माया करीसेस अना आमरो पाप को पस्तावा को साठी आपरो टूरा ला धाड़ीस।

परकासित वाक्य 1:5

अना यीसु मसीह कन लक जो भरोसा लायक गवाह, मरयो हुयो मा लक जी उचलनो मा पयलो, अना सारो जगत को राजा गीन को मुखिया से। तुमला किरपा अना सान्ती मिलत रव्हे। उ आमरो लक माया राखासेत, अखिन आपरो रकत लक अमिला पाप लक छुड़ायो से।

परकासित वाक्य 5:9

वय लोकगीन यो नयो गाना गावन लगीन। तु ऐना पावती धरन अना येकी सिक्का खोलन को लायक से। येको एवज मा तुना बली होयके, आपरो रकत लक, हर एक कुल, अना भासा, अना लोक अना जात लक परमेस्वर को लाई लोक हिन ला मोल ले लेई सेस।

परकासित वाक्य 7:14

मिना ओला कव्हयो, “ओ मालिक, तुच जानासेस।” ओना मोला कहिसेस, यो वय आय, जो ओना मोठो संकट मा लक हिटके आईसेत। इनना अपरो-अपरो कपरा मेढ़ा को रकत मा धोयके उजला करिसेत।