1 योहन 4:4 - सत मारग पर चलन वारो किताब

⁴ ओ लेकराहून तुमी परमेस्वर का सेव तुमी ना उन पर जीत पायासेव काहेका जोन तुमी मा से उ ओकोलक जोन संसार मा से, मोठो से।

1 योहन 4:4 ပူးပေါင်းရင်းမြစ်များ

योहन 12:31

अब यो संसार को न्याय होवा से, अब यो संसार को मुखिया हेड़ दियो जाहे।

योहन 14:30

मि अबा तुमरो सँग अखीन गोस्टी नही करू। काहे का यो जगत को अधिकारी आवासे, मोरो पर ओको काही हक नही।

योहन 16:11

न्याय को बारे मा एकोलाय का जगत को मुखिया दोसी ठयरायो गई से।

योहन 17:23

मि उन मा अना तु मोरो मा की वय सिध्द भयके एक जाहेत अना जगत जानहेत की तुना मोला धाडिसेस अना जसो तुना मोरो लक माया राखिसेस, वसोच उनलक भी माया राख।

रोमियो 8:31

येना सबअ गोस्टीहुन ला चोवता हुया, अमी काजक कव सका सेजन? अगर परमेस्वर आमरो कन लक सेत, ता आमो बिरोध कोन कर सका सेत?

रोमियो 8:37

पर ऐना सब गोस्टी मा अमीला यीसु लक पूरो जीत भेटासेत। वोना अमी लक गजब माया राखासेत।

1 कुरिन्थियो 2:12

पर अमीला दुनिया को आतमा नही, पर परमेस्वर को आतमा भेट्यो सेत। जोन लक अमीला परमेस्वर ना जोन वरदान सुपरुत करयो सेत, वोला अमी जान सका सेजन।

1 कुरिन्थियो 6:13

कोनी असो भी सांगेत पर जेवन पोटको लाय, अना पोट जेवन को लायसेत। पर परमेस्वर, यो दुई को अन्त कर देहेत। मंग देह छिंडरापन लाय नाहती, पर पिरभू काजी सेत, अना पिरभू देह काजी सेत।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

2 कुरिन्थियो 6:16

मुरती को पूजा करनवारा को जित्तो परमेस्वर को मंदिर लक काजक लेवनो-देवनो सेत। “काहेका आमी जित्तो परमेस्वर को मंदिर सेजन। जसो परमेस्वर ना खुदच मी आपरो लोकगीन को संग आपरो घर बनाहिन अना उनको बीच मा रव्हिन। अना मी उनको परमेस्वर रव्हिन अना वय मोरो लोक कहलायेत।”

इफिसियो 2:2

जोन मा तुमी पयले ऐना संसार की बुरी रिती पर चलत हुयो अना ओनो आतमा को पिछा करत हुयो जीवत होता जो ऐना धरती को वरता की आत्मिक सक्तिहुन को मालिक सेत। वा आतमा अब उन मानुसहुन मा काम कर रही सेजोन परमेस्वर की हुकूम नही मानासेत।

इफिसियो 3:17

अना भरोसा लक मसीह तुमरो दिल मा निवास करेत, तुमी जड़ अना पाया माया टिकेहेत।

इफिसियो 6:10

मतलब यो से का पिरभु मा रव्ह के ओकी लगत च ताकत को संग आपरो आपला ताकतवर बनावो।

1 योहन 2:1

एकोसाठी अगा माया को टुरागीन, यो गोस्टी मि तुम्ही ला एकोलाई लिख रही सेऊ तुमी पाप मा नोको पड़ो अना अदी कोनी पाप करेत ता बाबूजी को कठा आमरो पापहुन लक बचावन साठी बचावन वालो एक सहारा से, मन्जे उ से न्यायी यीसु मसीह।

1 योहन 2:13

ओ बाबुजीहुन, मि तुमीला एकोलाई लिखासेऊ, काहेका तुमी, जोन सूरूवात लक रव्हसे तूमी ओला जानासेव। ओ जुवानहुन, मि तुमला एकोलाई लिखासेऊ, का तुमना ओना बुराई पर जीत पायासेव।

1 योहन 3:20

काहेकि परमेस्वर आमरो मन लक मोठो से, अना वा सबच काही गुन-दोस जानासे।

1 योहन 3:24

जोन ओको हुकूम ला मानासे, उ ओमा अना उ उनमा बनयो रव्हसे, अना एकोच लक मनजे ओना आतमा लक जोन ओना आमला देईसेस आमी जानासेजन की उ आमिमा बनयो रव्हसे।

1 योहन 4:13

एकोच लक आमी जाना सेजन का आमी ओमा बनयो रव्हसेजन, अना उ आमी मा; काहेका ओना आपरो आतमा मा लक आमला देयीसेस।

1 योहन 4:16

जो माया परमेस्वर आमी लक राखासे, ओला आमी जान गयासेजन अना आमला ओको भरोसा से। परमेस्वर माया से, अना जोन माया मा बनो रव्हसे उ परमेस्वर मा बनो रव्हसे, अना परमेस्वर ओमा बनो रव्हसे।

1 योहन 4:6

आमी परमेस्वर का सेजन। जोन परमेस्वर ला जानासे, उ आमरो आयकासे; जोन परमेस्वर ला नही जानासे उ आमरो नही आयकासे। ऐना रीती लक आमी सच्चो आतमा अना भरम को आतमा ला ओरख लेसेजन।

1 योहन 5:19

आमी जानासेजन का आमी परमेस्वर लक सेजन, अना सप्पा जग ओना दुस्ट को कब्जा मा से।

1 योहन 5:4

काहेका जोन कोनि परमेस्वर को टूरा बन जासे, उ जग पर जीत पावसे। अना जग को वरता आमला जोको लक जीत मिलासे, उ आमरो भरोसा से।

परकासित वाक्य 12:11

उनना मेढ़ा को रकत, अना आपरो गवाही को कारन लक ओला हराय देईन। “आखरी साँस तकन उनना आपरो जीवन को माया नही करीन।”