1 योहन 4:12 - सत मारग पर चलन वारो किताब

¹² परमेस्वर ला कबा च कोनी ना नही चोयीसेस; अदि आपस मा माया राखबिन, ता परमेस्वर आमी मा बनयो रव्हसे अना ओको माया आमी मा सिध्द भयी गयो से।

1 योहन 4:12 ပူးပေါင်းရင်းမြစ်များ

योहन 1:18

कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

1 कुरिन्थियो 13:13

पर अबा भरोसा, आस, माया यो तीन हमेसा रव्हेत, पर यो सबा लक मोठो पिरेम सेत।

1 तीमुथियुस 1:17

अबा अमर सनातन राजा अना कबच नास नही होवन वालो, जेनला चोवनो मा नही आयो, एकच परमेस्वर को मान अखिन महिमा जुग-जुग होवती रव्हे। आमेन।

1 तीमुथियुस 6:16

अखिन अमरता बल्कि वोकिच से अना उ मानूस को पहुच लक बहार मोठो उजाड़ मा रहवासे अना वोला कोनी मानूस न नही चोवीस अखिन कबच नही चोव सकासे वोकिच मान बढाई अना राज जुगाजुग रव्हे आमेन।

इब्रानियो 11:27

बिस्वास को कारन च उनना मिसर देस ला राजा को भेव को परवा कियो बगेर सोड दियो। काहेका उ नही दिसनवालो परमेस्वर ला चोवत होतिन।

1 योहन 2:5

पर अदि कोनी परमेस्वर को बचन को पालन करासे ता ओमा परमेस्वर को माया सिध्द भयी से। योच उ रास्ता से जकोलक आमला पिक्को होवासे का आमी परमेस्वर मा पिक्को सेजन।

1 योहन 3:24

जोन ओको हुकूम ला मानासे, उ ओमा अना उ उनमा बनयो रव्हसे, अना एकोच लक मनजे ओना आतमा लक जोन ओना आमला देईसेस आमी जानासेजन की उ आमिमा बनयो रव्हसे।

1 योहन 4:16

जो माया परमेस्वर आमी लक राखासे, ओला आमी जान गयासेजन अना आमला ओको भरोसा से। परमेस्वर माया से, अना जोन माया मा बनो रव्हसे उ परमेस्वर मा बनो रव्हसे, अना परमेस्वर ओमा बनो रव्हसे।

1 योहन 4:20

अदि कोनी कव्हेत, “मि परमेस्वर लक माया राखासेऊ,” अना आपरो भाऊ लक ईरसा राखेह ता उ खोटो से; काहेका जोन आपरो भाऊ लक जेने ओला चोयीसेस माया नही राखा, ता उ परमेस्वर लक भी जेनला ओना नही चोयीसेस माया नही राख सकासे।

1 योहन 4:6

आमी परमेस्वर का सेजन। जोन परमेस्वर ला जानासे, उ आमरो आयकासे; जोन परमेस्वर ला नही जानासे उ आमरो नही आयकासे। ऐना रीती लक आमी सच्चो आतमा अना भरम को आतमा ला ओरख लेसेजन।