1 योहन 3:5 - सत मारग पर चलन वारो किताब

⁵ तुमी ता जानाच सेव का मसीह लोकहुन को पापहुन को एकोलाई दिसयो की पाप हुन ला दुहुर कर लेहे। उ सुभाव लक पापी नहाती।

1 योहन 3:5 ပူးပေါင်းရင်းမြစ်များ

मत्ती 1:21

अना मरियम टूरा ला जलम देहे, अना तु वोको नाव यीसु राखजोस, काहेका उ अपरा लोकगीन ला, उनको पाप लक बचा हेत।”

लूका 23:41

पर हमी आपरो करनी को दन्ड पाय रही सेजन, पर यो तो नेक से।

लूका 23:47

सेना को मुखीया यो चोवके ना परमेस्वर को भजन बड़ाई करन लग्यो, अना कव्हयो खरो खर यो मानूस न्यायी होतो।

योहन 1:29

दुसरो दिवस मा योहन बप्तिस्मा देवनवारा ना यीसु ला आपरो कन आवता चोइस अना कहीस, चोवो यो परमेस्वर को पाठी से, जो दुनिया को पाप ला उचल ले जावसे।

योहन 1:31

अना मी वोला चिन्हत नही होतो। पर यो काजी मी पानी मा बप्तिस्मा देवसू का यो गोस्टी इसरायल जाती मा सब ला मालुम भई जाहेति।

योहन 14:30

मि अबा तुमरो सँग अखीन गोस्टी नही करू। काहे का यो जगत को अधिकारी आवासे, मोरो पर ओको काही हक नही।

योहन 8:46

तुमी मा लक कोन मोला पापी होवन को लानछान लगाय सकासे। अदी मि खराई लक कव्हसू, तो तुमी मोरो भरोसा कायलाई नही करतत।

2 कुरिन्थियो 5:21

जोन पाप लक अनजान होतो वोला च वोना हमरो लाई पाप ठहराइस का हमी वोको मा परमेस्वर की न्यायीपन बन जाहे।

1 तीमुथियुस 1:15

यो गोस्टी खरो अना सब रीती लक बिस्वास को काबिल से की मसीह यीसु पापी गीन को सुटकारा देवन काजी दुनिया मा आयो, जोन मा सब लक मोठो मि सेऊ।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

इब्रानियो 1:3

उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।

इब्रानियो 4:15

काहेका आमरो मुखिया याजक असो नाहती का आमरो कमजोरी मा अमी लक दुहुर भयी जाय। काहे का पाप ला सोड़ के सब गोस्टी मा आमरो जसो परखो गयो सेत। पर उ बेकसूर हिटयो।

इब्रानियो 7:26

अबा अमीला असो महायाजक मिलयो सेत। जोन एक पवीतर, निरदोस, बेदाग, पापगिन लक बेगरो, अना सरग लक वरता होयेत। यो गोस्टी सहीच होत्यो।

इब्रानियो 9:26

अदी असो होतो, तो दुनिया को सुरुवात लक वोला बार-बार दुख उठानो पड़तो। पर अबा जुग को आखीर मा एक च बार परगट भयो। जोको लक खुद को बली देके पाप ला मिटा देवे।

इब्रानियो 9:28

वसोच मसीह, लगत लोकगीन को पाप लक मुकती काजी, एकच बार आपरो आप ला चघा दियो। मसीह अबा दूसरो बार परगट होयेत। पाप को कारन नही, पर जोन लोक वोको रस्ता चोवासेत। उनला मुक्ती दिलावन आहेत।

1 पतरस 1:18

काहेकी तुमी जानासेव, का तुमरो बेकार चाल-चलन, जोन बापदादा गीन लक चलतो आयो से। उनको तुमरो सूटकारा, चांदी सोनो अना नास होवनवालो चीज गीन को किमत मा नही भयो।

1 पतरस 1:20

यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत।

1 पतरस 2:22

ना तो वोना कोनी पाप करीस, अखिन ना तो कोनी वोको टोन्ड लक छल-कपट गोस्टी हिटी।

1 पतरस 2:24

मसिहा खुदच अपरी देह मा हामरो पाप बुराई आन के कूरूस मा चघ गयो। जेनको लक हमी पाप बुराई को लाय मर गयो अना धरमिपन अना नेकी को लाय जित्तो भयि गयो काहेकी वोको घाव लगनो लक तुमी साजरा भईसेव।

1 पतरस 3:18

एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

1 योहन 1:2

ओनो च जीवन को गियान आमीला करायो गयो। आमिना ओला चोया सेजन। आमी ओको गवाही सेजन अना अबा आमी तुमी लोकहुन ला ओना च अमर जिंदगी को एलान कर रही सेजन जोन बाबूजी को संग होतो अना आमी जेनको गियान करायो गयो।

1 योहन 1:7

पर यदि आमी अबा उजियाड़ो मा पुढ़ा बढ़सेजन काहेकि उजियाड़ो मा च परमेस्वर से-ता आमी भरोसा को रुप मा एक दुसरो को संगी सेजन, अना परमेस्वर को टूरा यीसु को रकत आमला सबच पापहुन लक सुद कर देवासे।

1 योहन 2:1

एकोसाठी अगा माया को टुरागीन, यो गोस्टी मि तुम्ही ला एकोलाई लिख रही सेऊ तुमी पाप मा नोको पड़ो अना अदी कोनी पाप करेत ता बाबूजी को कठा आमरो पापहुन लक बचावन साठी बचावन वालो एक सहारा से, मन्जे उ से न्यायी यीसु मसीह।

1 योहन 2:2

उ एक बलिदान से जोन हमारो पापहुन ला छिमा करासे न केवल आमरो पापहुन को मनजे सप्पा संसार को पापहुन को।

1 योहन 2:29

अदि तुमी यो जानासेव, की उ न्यायी से, ता यो भी जानासेव का जोन कोनी नेकी को काम करासे उ परमेस्वर लक जन्मो से।

1 योहन 3:8

जोन कोनी पाप करासे उ सैतान को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाई आयो का सैतान को काम ला नास करेत।

परकासित वाक्य 1:5

अना यीसु मसीह कन लक जो भरोसा लायक गवाह, मरयो हुयो मा लक जी उचलनो मा पयलो, अना सारो जगत को राजा गीन को मुखिया से। तुमला किरपा अना सान्ती मिलत रव्हे। उ आमरो लक माया राखासेत, अखिन आपरो रकत लक अमिला पाप लक छुड़ायो से।