1 योहन 2:27 - सत मारग पर चलन वारो किताब

²⁷ पर तुमरो उ अभिसेक जोन ओको कन लक करयो गयो, तुमी मा बनयो रव्हसे; अना तुमला ऐको मकसद नही का कोनी तुमला सिखाहे वरन जसो उ अभिसेक जोन ओको कन लक करयो गयो तुमला सबच गोस्टी सिकावासे, अना यो खरो से अना खोटो नहाती; अना जसो ओना तुमला सिकायो से वसोच तुमी ओमा बनयो रव्हसो।

1 योहन 2:27 ပူးပေါင်းရင်းမြစ်များ

मत्ती 13:11

जवाब मा यीसु ना उनलक कव्हयो “सरग राज को लुकयो भेद ला जानन को हक बस तुमरो च जवर सेत उनला नही।”

योहन 14:16

मि बाबूजी लक बिनती करुहुँ अना उ तुमला एक अखीन सहारा देहे की उ सदा तुमरो सँग रहे

योहन 14:17

मजे खराई को आतमा, जेनला ना तो जगत अपनाव सकासे, ना ओला जानासे, काहे की उ तुमरो संग च रव्हासे अना तुममा च होहे।

योहन 14:26

पर जबा उ सहायक मजे पवीतर आतमा आहेत, जोनला बाबूजी मोरो नाव लक धाडे़त, उ तुम लोकगीन ला सबच गोस्टी सिखाहे। अना सब काही हेत कराहे, जोनला मिना कहीसेउ।

योहन 16:13

पर जबा उ असो खराई को आतमा आहे, ता तुमला सबच खराई को रास्ता सांगेत, काहेकी उ आपरो कन लक नही सांगेत पर जोन-जोन काही आयकेत वाच ला सांगेत अना आवनवालो गोस्टी तुमला सांगेत।

योहन 4:14

पर जोन कोनी यो पानी पीहे जोन मी देवासू, उ सदा लक तहान नही होहेत। पर उ पानी एक झिरिया बन जाहेत, जोन हरामेसा तकन पिझरत रहेत।

योहन 6:45

भविस्यवक्ता गीनको लेख मा यो लिखयो से। वय सब परमेस्वर को कन लक सिकायो होयेति। जोन कोनी ना दाअजी लक आयकिया अना सिकाया होयेत, उ मोर कठा आहेति।

1 कुरिन्थियो 2:12

पर अमीला दुनिया को आतमा नही, पर परमेस्वर को आतमा भेट्यो सेत। जोन लक अमीला परमेस्वर ना जोन वरदान सुपरुत करयो सेत, वोला अमी जान सका सेजन।

1 कुरिन्थियो 2:13

जोनला आमी मानूस गिनको सिकायो गोस्टी पर नही, पर आतमा को सिकायो गयो गोस्टी मा आतमिक गोस्टी मिला-मिला के बखान करा सेजन। सांगनो को बेरा मा, मानूस को बुध्दि लक दियो गयो सबद नही, पर आतमा कन लक मिलियो सबद गीनला बौजासेन। ऐना रिती लक आमी आतमिक गोस्टी मा आतमिक घटना को बारे मा साँगा सेजन।

2 कुरिन्थियो 1:21

अबा जोन तुमरो संग हमी मसीह मा पक्को करासे अना जेना हमला निवाड़ी सेस। उ परमेस्वर से।

इफिसियो 4:21

मोलाकोनी संका नही से का तुमीना ओको बअरे मआयकिया सेव, अना उ सत्य जोन यीसु मा पायो जावसे, ओको जसो तुमला ओको चेला हुन को रूप मा सिक्सा भी दियो गयीसे।

कुलुस्सियो 2:6

एकोलाय तुमीना मसीह यीसु ला पिरभु करके अपनायो लेईसेव वसोच ओमा चाल चलत जावने।

1 थिस्सलुनीकियो 2:13

एना कारन हमी भी सदा परमेस्वर ला धनवाद करा सेजन। का जबा हमरो कन लक तुमला परमेस्वर को गोस्टी की खबर मिली त तुमी न वोनो मानूस गीन ला नही, पर परमेस्वर को गोस्टी समझके अपनायेत। खरो मा उ से भी जोन तुमी भरोसा मा अपरो काम भी करासेत।

1 थिस्सलुनीकियो 4:9

अगा भाऊ पिरेम को बिसय मा यो जरूरी नही का मि तुमरो लाई काही लिखुह। काहेकी एक दुसरो लक पिरेम करनो तुमीना अपरो परमेस्वर कन लक सिकासो।

1 तीमुथियुस 2:7

मी सच्चो कव्हसू झुठो नही बोलू का मी एना सिक्सा लक परचार अना पेरीत अखिन गैरयहुदीगीन को लाई बिस्वास अना सच्चाई की सिक्सा ठहरायो गई सेऊ।

1 पतरस 1:23

काहेकी तुमी न नासवान नही पर अविनासी बीज लक दुबारा जिंदगानी नही पायो सेव। बलकि यो उ बीज को फर सेत। जोन अमर सेत। तुमारो नवतो रीती लक जलम परमेस्वर को उ साजरा बारता लक भयो सेत, जोन जित्तो अना अटल सेत।

1 योहन 2:28

एकोलाई ओ चहेतो लेकराहुन, ओमा बनयो रव्हो का जबा हमला ओको गियान होय ता आमी हिम्मत पाय सकबिन, अना आमी ओको मंग आवनो को बेरा आमला लजाबिन नहि।

1 योहन 3:24

जोन ओको हुकूम ला मानासे, उ ओमा अना उ उनमा बनयो रव्हसे, अना एकोच लक मनजे ओना आतमा लक जोन ओना आमला देईसेस आमी जानासेजन की उ आमिमा बनयो रव्हसे।

2 योहन 1:2

मनजे ओनो खराई लक जोन आमी मा बनयो रव्हसे, अना सबच बेरा आमरो सँगा रव्ह।