1 योहन 2:20 - सत मारग पर चलन वारो किताब

²⁰ पर तुमरो ता ओना पवीतर लक अभिसेक हुयो से। एकोलाई तुमी सब सत्य ला जानासेव।

1 योहन 2:20 ပူးပေါင်းရင်းမြစ်များ

मत्ती 13:11

जवाब मा यीसु ना उनलक कव्हयो “सरग राज को लुकयो भेद ला जानन को हक बस तुमरो च जवर सेत उनला नही।”

मरकुस 1:24

ओना चिल्लायके कव्हयो “ओ यीसु नासरी हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? परमेस्वर कन लक धाड़ो गयो पवीतर मानूस आस!”

लूका 4:18

पिरभू को आतमा मोरो वरतासे, काहेका वोना मोला निवाड़ी सेस, का मी गरीब-गोर ला साजरो बारता आयकावाहु, वोना मोला धाड़ीसेस। जोको लाया मी बन्दी लोकगीन को सूटकारा, अखीन अँधरा गीन ला डोरा चोवन को, खबर सुनाऊ। मी दलीत लोकगीन ला, सोड़ाऊ।

लूका 4:34

ओ यीसु, नासरी, हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? तु परमेस्वर को पवीतर मानूस आस।

योहन 14:26

पर जबा उ सहायक मजे पवीतर आतमा आहेत, जोनला बाबूजी मोरो नाव लक धाडे़त, उ तुम लोकगीन ला सबच गोस्टी सिखाहे। अना सब काही हेत कराहे, जोनला मिना कहीसेउ।

योहन 16:13

पर जबा उ असो खराई को आतमा आहे, ता तुमला सबच खराई को रास्ता सांगेत, काहेकी उ आपरो कन लक नही सांगेत पर जोन-जोन काही आयकेत वाच ला सांगेत अना आवनवालो गोस्टी तुमला सांगेत।

पेरीत 10:38

तुमी नासरत को यीसु ला जानासेव, का परमेस्वर ना निवाड़ी सेत अखिन ओला पवीतर आतमा अना ताकत देइस। अना उ साजरो काम करतो हुया, अना जोन सैतान को बन्धन मा होतिन उनला सोड़ाय के सब रोग ला साजरा करत हिंडत होतो अना परमेस्वर वोको संग होतो।

पेरीत 3:14

तुमीना वोना साजरो अना नेक मानूस ला ठुकरायो, अना वोको बदला मा पीलातुस लक मांग करयत का एक खून करनवालो ला तुमरो लाय छोड़ दियो जाय।

1 कुरिन्थियो 2:15

आतमिक मानूस सबच गोस्टी की परख कर लेवा से, पर कोनी भी उ मानूस की परख नही सका,

इब्रानियो 1:9

तोला साजरापन भावासेत अना पाप लक नफरत करासेत। एकोलाय परमेस्वर ना तोला पिरेम लक निवाड़ो सेत। “अना यो आदर मान तोला तोरो संगीगिन लक जास्ता देईसेस।”

इब्रानियो 8:11

यो जरुरी नाहती का एक मानूस दुसरो ला सिक्सा देवे। मजे भाऊ एक दुजो ला सागेत “पिरभू को गियान ले लेव। काहेका लहान अना मोठो सबको सब ला मोरो बारे मा पता चल जाहेति।”

1 योहन 2:27

पर तुमरो उ अभिसेक जोन ओको कन लक करयो गयो, तुमी मा बनयो रव्हसे; अना तुमला ऐको मकसद नही का कोनी तुमला सिखाहे वरन जसो उ अभिसेक जोन ओको कन लक करयो गयो तुमला सबच गोस्टी सिकावासे, अना यो खरो से अना खोटो नहाती; अना जसो ओना तुमला सिकायो से वसोच तुमी ओमा बनयो रव्हसो।

1 योहन 4:13

एकोच लक आमी जाना सेजन का आमी ओमा बनयो रव्हसेजन, अना उ आमी मा; काहेका ओना आपरो आतमा मा लक आमला देयीसेस।

यहूदा 1:5

मि तुमला हेत करावनो चाव्हसेउ अना तुमी ता ऐना सबच गोस्टी ला जानासो का जोन पिरभु ना पयले आपरो लोकहुन ला मिसर की धरती लक हेड़ के आनिस, मंग मा जिनना बिस्वास ला नकार देईन उनला कसो लक नास कर देयो गयो।

परकासित वाक्य 3:7

“फिलोदिपिया को कलीसिया को सरगदूत ला यो लिख, उ जोन पवीतर अना खरो से।” अना जेनको जवर दाऊद की कुन्जी सेत। जोन असो किवाड़ उघाड़ा सेत जोनला कोनी बंद नही कर सका सेत। अना असो बंद करासे जोनला कोनी उघाड़ नही सका। उ असो कव्हसेत।

परकासित वाक्य 4:8

ऐना चारो जीवधारी मा लक हरेक को सह-सह पंख होतीन। उनको चारो कना, अना भीतर डोराच डोरा होतीन। दिवस अना राती बिना रुकयो यो गावत होतिन। “पवीतर पिरभु परमेस्वर सब लक ताकत वर से, जो होतो, अना जो से अना जोन आवनवालो से।”