1 योहन 2:18 - सत मारग पर चलन वारो किताब

¹⁸ ओ चहेतो टुराहुन, यो आखरी बेरा आय गयी से! अना जसो का तुमिना आयकिया सेव का मसीह को बिरोधी आय रही से। एकोलाई अब कई मसीह बिरोधी उपजीसेत। ऐनाच आमी जानबिन का आखरी बेरा आय गयी से।

1 योहन 2:18 ပူးပေါင်းရင်းမြစ်များ

मत्ती 24:11

गजब सो खोटो भविस्यवक्ता पैदा हो जाहेत, अना गजब लोकगीन ला बहका देहेत।

मत्ती 24:24

काहेका खोटो मसीहा अना खोटो भविस्यवक्ता उभो होयेती, अना मोठयो-मोठयो चमतकार करतब दिसाहेत। उनको मकसद निवाड़ो गयो मानूस गीन ला बहकानो से।

मत्ती 24:5

लगत सो लोक गीन आयके, ना तुम्ही ला सांगेत का मी मसीह सेउ। अना गजब, लोक गीन बहक जाहेत।

मरकुस 13:6

काहेका लगत सा मोरो नाव लक आयके कहेत, “मि मसिहा आऊ!” अना लगत लोक ला बहेकायेत।

योहन 21:5

तबा यीसु ना उन लक कहीस, ओ भाऊ तुमरो कठा कितरो मसरी सेत? तबा वय जवाब देईन, काही नाहती।

रोमियो 13:11

बेरा ला चिन्हके असोच करो, एकोलाय का अबा तुमारो लाय जप लक जगन को बेरा आय गयो सेत। काहेका जोन बेरा अमीना भरोसा राख्यो होतो, वोना बेरा को बिचार लक सूटकारा कठा होति।

रोमियो 13:12

अबा रात बित गयी सेत, दिवस हिटनवारा सेस एकोलाय आमी इन्धार को काम ला छोड़-छोड़के उजाड को हतियार घालो।

इब्रानियो 1:2

परंतु या अखट्ट दिवस मा उ अमी लक आपरो टूरा लक बोलला, जोनला परमेस्वर ना सप्पा गोस्टी को वारिस बनाइसेस। वोनाच सप्पा दुनिया ला बनाइसेस।

1 पतरस 1:20

यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत।

1 पतरस 1:5

तुमरो बिस्वास को लाई, परमेस्वर की ताकत, तु मरो वोना सूटकारा को लाय सुरक्सित राखासेत। जोन अबा लक सेत, अना आखीर मा परगट होवन वालोसेत।

1 पतरस 4:7

प्रत्येक गोस्टी को अखट्ट जवर आयो सेत। तुमी संतुलन अना संयम राखो। जोन लक तुमी पिराथना करू सकत।

2 पतरस 2:1

जोन परकार वोना लोकांमध्ये खोटे भविस्यवक्ता होतिन। तसोच तुमरो मध्ये खोटा उपदेसक आहेत। जेना नासवन्त ढोंगी पाखन्ड को उद्घाटन लुक-लुक के करतत। अना वोना पिरभु को जोनना उनला बिकत लियो सेत। असो परमेस्वर ला नाकारतत। अना स्वता ला लवकरच विनास आनतत।

2 पतरस 3:3

सब लक पयले, तुम्हिला यो समजमा आवनो पायजे, आखरी दिवस मा मजाक उड़ावन वारा आहेत। अना अपरी बेकार अना गन्दो काम को इक्सा अनुसार चलयेती।

1 योहन 2:22

पर जोन यो कव्हसे का यीसु मसीह नाहती, उ खोटो से। असो मानूस मसीह को बैरी से उ ता बाबूजी अना टूरा दुही ला नकारसे।

1 योहन 4:1

ओ चहेतो, हरेक आतमा को भरोसा नोको करो पर आतमा ला परखो का वय परमेस्वर को कन लक सेत का नही; काहेका लगत सा खोटो भविस्यवक्ता संसार मा हिटके उभो होयी सेत।

1 योहन 4:3

जोन आतमा यीसु ला नही मानासे उ परमेस्वर को कन लक नहाती; वाच ता मसीहबिरोधी को आतमा से, जेनको चरचा तुमी आयक लेईसेव का उ आवनवालो से, अबा भी संसार मा से।

2 योहन 1:7

संसार मा लगत सा भटकानवारा सेति। असा मानूस जोन यो नही मानासेत का ऐना धरती पर मानूस को रुप मा यीसु मसीह आयो से, याच ता छली सेत अना मसीह को बैरी सेत।

यहूदा 1:18

वय तुमला कव्हत होतीन “अखठ्ठ बेरा मा असो ठट्ठा करनवारा लोक होहेत जोन परमेस्वर लक जोन काही चीज जुड़यो से। जोन अपरी अभक्‍ति की आस को जसो चलहेत।”