1 योहन 2:17 - सत मारग पर चलन वारो किताब

¹⁷ यो संसार आपरी लालसा हुन अना मरजीहुन सकट खतम होतो जाय रही से पर उ जोन परमेस्वर को मरजी ला मानासे, अमर होय जासे।

1 योहन 2:17 ပူးပေါင်းရင်းမြစ်များ

मत्ती 21:31

एना दुही मा लक कोन ना बाप की मरजी ला पूरो करीस?” उनना कहिन “पयलो ना!” यीसु ना उन लक कहीस, “मि तुमला खरो कव्हसु की जमा लेवन वारा अना बेसिया गीन भी तुम लक पुड़ा परमेस्वर को राज मा भीतर धसेत।”

मत्ती 24:35

बादल अना धरती टल जाहेत, पर मोरो कव्हयो कदीच नही बदलेत।

मत्ती 7:21

जोन मोला हे पिरभु, हे पिरभु! कव्हसे, उनमा लक हरेक सरग को राज मा नही जाय सकत। पर जोन मोरो, परमेस्वर बाबूजी को मरजी लक चलासे, उ जाय सकासेत।

मरकुस 3:35

काहेकि जोन कोनी परमेस्वर को मरजी पर चलासे, वोच मोरो भाऊ अना बहिन अना माय आय।”

योहन 4:14

पर जोन कोनी यो पानी पीहे जोन मी देवासू, उ सदा लक तहान नही होहेत। पर उ पानी एक झिरिया बन जाहेत, जोन हरामेसा तकन पिझरत रहेत।

योहन 6:58

जो भाकर सरग लक उतरी याच से, उ भाकर को जसो नही जेनला तुमरो आजा-पुरखा ना खाईन अना मर गईन। जोन कोनी यो भाकर खाये उ सदा जित्तो रहेत।

योहन 7:17

अदी मानूस उ करनो चाहे, जोन मोठो दाअजी को मरजी से ता उ यो जान जाहे का जोन पिरवचन मि देवासू, उ मोठो परमेस्वर को से, मंग मि आपरो कन लक नही देय रही सेउ।

रोमियो 12:2

तुम्हि आपरो आप ला दुनिया को माफीक नोको बनाओ लेकिन परमेस्वर ला अपरो मन ला बदलन को पूरो मौका देव। तबा तुमला परमेस्वर को इक्सा को बारेमा पता चल जाहेत। जोन साजरा सेत अना वोला साजरो लगासेत। अना सिध्द भी सेत।

1 कुरिन्थियो 7:31

अना यो दुनिया को चीज ला, असो काम मा लावो, मानो वोको कोनी जरूरत नाहती। काहेका दुनिया को यो रुप बदलतो जाय रव्होसेव।

कुलुस्सियो 1:9

एना कारन लक हमी न लगातार तुमरो लाई पिराथना करता रहया, जब लक हमीना तुमरो बारे मा आयका सेत। हमी परमेस्वर लक तुमरो मरजी को लक सबा गियान अना समझ को आतमा लक भरन लाय कव्हसू, जोन वोको आतमा देवासेत।

कुलुस्सियो 4:12

एपफ्रास जोन तुम्हरो संगी सेत, अना मसीह यीसु को दास सेत वोको कन लक तुम्हिला नमस्कार कव्हसेत। अना हमेसा तुम्हारो लाय पिराथना करासेजन की, जोन लक तुमरो मा कोनी कमी नोको रव्हे अना पूरो भरोसा लक परमेस्वर को मनसा मा पक्को रव्हो।

1 थिस्सलुनीकियो 4:3

परमेस्वर की मरजी से का तुमी पवीतर बनो अना खोटो करम लक बचया रव्हो।

1 थिस्सलुनीकियो 5:18

हर एक हाल मा धनयवाद देवो। काहेकी मसीह यीसु मा तुमरो लाई परमेस्वर की याच मरजी से।

इब्रानियो 10:36

तुम लोकगीन ला धिरज को जरुरत सेत जोन लक परमेस्वर को मनसा पूरो करन को मघा तुमिला वा मिल जाय जोन को वायदा परमेस्वर कर चूकयो सेत।

याकूब 4:14

अखीन यो नही जानासेव का काल काजक होहे आयक त लेव लेने तुमरो जीवन से का? तुमी त धुंगा को जसो सेव जोन जरासी बेरा चोवासे अना लोप भईजासे।

1 पतरस 1:5

तुमरो बिस्वास को लाई, परमेस्वर की ताकत, तु मरो वोना सूटकारा को लाय सुरक्सित राखासेत। जोन अबा लक सेत, अना आखीर मा परगट होवन वालोसेत।

1 पतरस 4:2

अना वोला भबिस्य मा आपरो बचयो देह को जिंदगी आपरो मरजी लक नही तर परमेस्वर को मरजी लक बिताव।