1 योहन 2:15 - सत मारग पर चलन वारो किताब

¹⁵ संसार ला अना संसार की चीजगीन ला माया नोको राखो। अदि कोनी संसार लक माया राखासे, ता ओको दिल मा बाबूजी को माया नही से।

1 योहन 2:15 ပူးပေါင်းရင်းမြစ်များ

मत्ती 4:8

मंग बालजबूल ओला एक लगत मोठो पहाड़ पर ले गईस, अना सारो जग को राज माया महिमा चोवाय के

मत्ती 6:24

कोनी भी गुलाम मानूस दुई मालीक को सेवा नही कर सकासे। काहेका उ एक लक बइर अखीन दुसरो को संग माया राखेत। अना एक लक गाढोपन अना दुसरो ला नीच जानेत। तुमी परमेस्वर अना धन दुही की सेवा नही कर सकासो।

लूका 16:13

कौनी मानूस दुई मालीक को चाकरी नही कर सका; उ एक लक बैर धरे अखीन, दुजो लक माया धरे या एक ला, आदर देहेत अखीन दुजोलक अपमान करयेत, तुमी परमेस्वर अना धन दुई को सेवा एक संग नही कर सकसेव।

योहन 15:19

अदी तुमी जगत का होतत, तो जगत तुमरो लक माया राखतो, पर एको काजी की तुमी जगत को नही सेव, काहेका मि ला जगत मा लक निवाड़ी सेव। एकोलाय जगत तुमी लक बइर राखासे।

रोमियो 12:2

तुम्हि आपरो आप ला दुनिया को माफीक नोको बनाओ लेकिन परमेस्वर ला अपरो मन ला बदलन को पूरो मौका देव। तबा तुमला परमेस्वर को इक्सा को बारेमा पता चल जाहेत। जोन साजरा सेत अना वोला साजरो लगासेत। अना सिध्द भी सेत।

गलातियो 1:10

अता मि कोन को दया चाव्हसेउ? मानूस को या परमेस्वर को? अदी मि मानूसगिन ला राजी करन चाव्हतो तो, तो मि मसीह को दास बनन काबिल नही होतो।

इफिसियो 2:2

जोन मा तुमी पयले ऐना संसार की बुरी रिती पर चलत हुयो अना ओनो आतमा को पिछा करत हुयो जीवत होता जो ऐना धरती को वरता की आत्मिक सक्तिहुन को मालिक सेत। वा आतमा अब उन मानुसहुन मा काम कर रही सेजोन परमेस्वर की हुकूम नही मानासेत।

1 तीमुथियुस 6:10

काहेकी रुपिया को लोभ सबच पिरकार की बुराई गीन की जड़ से जसो का लगतसा गीन न बिस्वास लक भटके अपरो आप ला कई पिरकार को दुख लक छलनी बनाय लेईन।

याकूब 1:27

आमरो परमेस्वर अना अजी को नजर मा बिलकुल सफा अना निरदोस भगती यो से; मुसीबत मा पड़यो अनाथगिन अना बेवागिन को सुधि लेवनो, अना खुदच ला कोनी संसारिक बुराई लक बेदाग राखनो।

याकूब 4:4

अरे पापी छिनालापन करन वालो मी तुमला नही जानासेउ का संसार लक मिताई जोड़न वारा परमेस्वर को सतरु बननोसे? अना जोन कोनी संसार को संगी होवनो चाव्हसे उ अपरो आप ला परमेस्वर को बैरी बनावासे।

1 योहन 3:17

पर जोन कोनी को जवर संसार को धन से अना आपरो भाऊ ला कंगाल दिसके ओको पर दया खावनो नही चाहे, ता ओमा परमेस्वर को माया कसो बनो रव्ह सकासे?

1 योहन 4:5

वय संसार का सेत, एने कारन वय संसार को गोस्टी सांगासेत, अना संसार उनकी आयकासे।

1 योहन 5:10

जोन परमेस्वर को टूरा पर बिस्वास करासे उ आपरो मा गवाही राखासे। जेना परमेस्वर पर बिस्वास नही कियोसेस ओना ओला खोटो ठहरायीसेस, काहेका ओना ओनो गवाही पर बिस्वास नही करीन जोन परमेस्वर ना आपरो टूरा को बारे मा देयीसेस।