1 योहन 2:13 - सत मारग पर चलन वारो किताब

¹³ ओ बाबुजीहुन, मि तुमीला एकोलाई लिखासेऊ, काहेका तुमी, जोन सूरूवात लक रव्हसे तूमी ओला जानासेव। ओ जुवानहुन, मि तुमला एकोलाई लिखासेऊ, का तुमना ओना बुराई पर जीत पायासेव।

1 योहन 2:13 ပူးပေါင်းရင်းမြစ်များ

मत्ती 11:27

मोरो परमेस्वर बाबूजी मोला, सब काही भेटयो से, अना टूरा ला कोनी नही जानासे, बस परमेस्वर बाबूजी, अना परमेस्वर ला कोनी नही जानासे, बस टूरा! अना टूरा जोन पर परगट करवानो, चाव्हासे वा परमेस्वर लक भेट कर सकासे।

मत्ती 13:19

जोन परमेस्वर को राज को बारे मा साजरा बारता आयक सेत तरी वा नहीं समजासेत। उ एक बीज को जसो से जोन रस्ता मा पड़ गयो अना सैतान आवा सेत अना उनलक जोन काही बोयो गयो सेत हिसक लेवासेत।

मत्ती 13:38

अना खेत सारो जग सेति साजरो बीज राज को सँतान सेत। अना जँगली गवथ को बीज सैतान बुराई को सन्तान सेत।

मत्ती 5:37

पर तुमरी गोस्टी हव ता हव अना नही ता नही होय। कासेकि जोन एकोलक जादा होवासे वा बुराई लक होवासे।

लूका 10:22

मोरो बाबूजी न मोला सबा कछु सोप देईसेस। अना कोनी नही जानासे, का टूरा कोन आय? केवल बाबूजी, अना बाबूजी, कोन सेत, कोनी नही जानासे, केवल टूरा? अखीन जोन पर टूरा उजागर करनो चाव्हासे, वोको पर उजागर करासे।

योहन 14:7

अदी तुमी मोला जानने, ता मोरो बाबूजी ला भी जानने। पर अब तुम्हि ओला जान गयो सेव अना चोवासो।

योहन 14:9

यीसु ना ओला कहीस, हे फिलिप्पुस, मि एतरो दिवस तकन तुमरो जवर रहयो, अना का तु मोला नही जानासे? एको लाई जोन ना मोला चोय लियो ओना बाबूजी ला चोय लेइसेस। तु कायलाय कव्हसेत की बाबूजी ला हमला चोवाय?

योहन 16:3

असो वय एकोलाय करयेत, की उन बाबूजी ला नही जानासेत, अना मोला भी नही जानासेत।

योहन 16:33

मि ना यो गोस्टी तुमला एकोलाय सांगीसेऊ की तुमला मोरो सान्ती मिल्हे, जगत मा तुम्हिला दुख होवासे, पर हिम्मत राखो! मि ना जगत ला जीत लियोसेऊ।

योहन 17:21

की वय सबच एक होय जाहेत। जसो तु हे बाबूजी मोरो मा सेस, अना मि तोरो मा सेव, वसोच वय आमरो मा होहेत। जेना लक जगत भरोसा करहे की तुना मोला धाड़िसेस।

योहन 17:3

अना अमर जिंदगी योसे की वय तोला एकच खरो परमेस्वर अना यीसु मसीह ला, जेनला तु ना धाड़ीसेस जानेत।

योहन 8:19

ऐतरो मा लोकहुन यीसु ला कव्हासेत, “तोरो अजी किता से?” यीसु ना कहीस, “तुमी नही जानासो, का मि कोन सेऊ? अना मोरो अजी ला भी नही जानासो, अदि तुमी जानतत, ता मोरो अजी ला भी जान लियो रव्हतत।”

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

1 तीमुथियुस 5:1

कोनी बुजुरुग ला नोको डाटजोस, पर वोला अजी समझ के आदर समेत समझाजोस, वसोच जुवान गीनला भाऊ समझके समझाजोस।

तीतुस 2:6

असोच जुवान मानूसगिन ला भी आदर समेत समजावने की धीरजवन्त होवो।

1 योहन 1:1

उ दुनिया को सुरुवात लकच ही होतो: आमीना येला आयकासेजन, आपरो नजर लक चोयोसेजन से, धियान लक चोयो सेजन, अना येला खुदच आपरो ही हातगीन लक आमीने येला छुयिसेत। आमी ओनो वचन को बारे मा साँग रही सेजन जो जीवन से।

1 योहन 2:1

एकोसाठी अगा माया को टुरागीन, यो गोस्टी मि तुम्ही ला एकोलाई लिख रही सेऊ तुमी पाप मा नोको पड़ो अना अदी कोनी पाप करेत ता बाबूजी को कठा आमरो पापहुन लक बचावन साठी बचावन वालो एक सहारा से, मन्जे उ से न्यायी यीसु मसीह।

1 योहन 2:12

ओ माया को टुराहुन, मि तुमी ला एकोलाई लिखासेऊ, काहेका यीसु मसीह को काज तुमरो पाप छिमा कियो गयी सेत।

1 योहन 2:14

ओ लेकराहुन, मि तुमला लिख रही सेऊ, काहेका तुमी परमेस्वर बाबूजी ला जान गयासेव। ओ बाबुजीहुन, मि ना तुमीला एकोलाई लिखासेऊ, काहेका जोन सूरू लक से तुमी ओला जान गयी सेव। ओ जुवानहुन, मिना तुमला एकोलाई लिखासेऊ, काहेका तुमी ताकतवर सेव, अना को गोस्टी तुमी मा बनो रव्हसे, अना तुमी ना ओनो बुराई पर जीत पायासेव।

1 योहन 3:12

अना कैन को जसो नोको बनबिन जोन ओनो दुस्ट लक होतो, अना जेने आपरो भाऊ ला मार डाकिस होतीस। अना ओला कोन कारन लक मार डाकिस? यो कारन का ओको काम बुरो होतीन, अना ओको भाउ न्यायी होतो।

1 योहन 4:4

ओ लेकराहून तुमी परमेस्वर का सेव तुमी ना उन पर जीत पायासेव काहेका जोन तुमी मा से उ ओकोलक जोन संसार मा से, मोठो से।

1 योहन 5:18

आमी जानासेजन, का जोन कोनी परमेस्वर को टूरा बन गयी से भयी, उ पाप नही करत रव्हा पर परमेस्वर को टूरा, ओकी रक्सा करत रव्हसे। उ दुस्ट ओला छुय नही सकासे।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।

परकासित वाक्य 12:11

उनना मेढ़ा को रकत, अना आपरो गवाही को कारन लक ओला हराय देईन। “आखरी साँस तकन उनना आपरो जीवन को माया नही करीन।”

परकासित वाक्य 2:7

जेनको कान सेत ता वा आयक लेव का आतमा कलीसिया लक काजक कव्हसे। जो जीत जाहे मी ओला परमेस्वर को सरग म लक “जीवन को झाड़ को फर खान ला देहूं।”