1 योहन 1:6 - सत मारग पर चलन वारो किताब

⁶ यदि आमी कव्हबिन का आमी ओको संगी सेजन अना पाप को अंधारो जिंदगी ला जीवत रहया ता आमी खोटो कव्हसेजन अना खरो को अनुसरन नही कर रही सेजन।

1 योहन 1:6 ပူးပေါင်းရင်းမြစ်များ

मत्ती 7:22

ओनो दिवस मा मोला लगत सा लोक गीन कहेत, हे पिरभु हे पिरभु, का आमी ना तोरो नाव लक आवन वारो गोस्टी नोको सांगो? अना तोरो नाव लक बुरो आतमा भूत-पलित ला नही हेडिया? अना तोरो नाव लक लगत सा ताकत को काम नही करियो?

योहन 11:10

पर अदी कोनी राति मा चलासे ता खोद्दा खावासे, काहेकि उ इंधारो मा चलासे।”

योहन 12:35

एतरो पर यीसु ना उन ला कहीस, अता कम बेरा से की उजाड़ो तुमरो संग से। जबा तकन उजाड़ो तुमरो जवर से पुढा बढ जाओ। कहीं असो न होहे की इंधारो तुमला घेर ले। जोन इंधारो मा चला से वा नही जान सका की किता जावसे?

योहन 12:46

मि जगत मा उजाड़ो होयके आईसेऊ, एकोलाय जोन कोनी मोरो पर भरोसा करेत, उ इंधारो मा नही रव्हेत।

योहन 8:12

मंग वहान पायो जावन वाला लोक गीनला यीसु ना कहीस, “जगत को उजाडो मि सेव। जोन मोरो मंघा चलहेत कबच इंधारो मा नही रहेत, पर ओला उजाड़ो मिल्हेत जोन जिंदगी देवासे।”

योहन 8:55

अना तुमी तो ओला नही जानो, पर मि ओला जानसेऊ, अना अदी मि कहुँ की ओला नही जानु तो मि तुमरो जसो झुठो ठहरू। पर मि ओला जानासेऊ, अना ओको सबद मा चलासेऊ।

1 तीमुथियुस 4:2

यो वय झुठो मानूस गीन को कपट को कारन होहे जेनको अक्कल मानो गरम हुयो सरिया लक आकयो गयोसे।

याकूब 2:14

अगा मोरो भाऊगीन, अदि कोनी मानूस कव्हसे का उ बिस्वासी से ता एको का नफा? जबा तकन का ओको काम बिस्वास को जसो नहोत। असो बिस्वास का ओको सूटकारा कर सकासे?

याकूब 2:16

ता तुमरो ओन्हीसीन कव्हनो यो बेस से, का परमेस्वर तुमला आसीरवाद देहे सांती लक रव्हो! गरम-गरम कपरा घालयो अना भरपेट खावहो। लेकिन तुमी उनला जरुरत को चीजहुन ला नही देसो ता का नफा

याकूब 2:18

अता कोनी मानूस कवह सकेत, “तोला बिस्वास से, अना मि काम करासेऊ।” तु आपला बिस्वास मोला बगेर काम को दिसाव; अना मि आपरो बिस्वास आपला काम लक तोला दिसाहुँ।

1 योहन 1:10

अदी आमी कव्हबिन का आमी ना कोनी पाप नही करयो सेजन, ता आमी परमेस्वर ला खोटो ठहरा सेजन अना ओको बचन आमी मा नहाय।

1 योहन 1:3

जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से।

1 योहन 1:8

अदी आमी कव्हबिन का आमी मा काही पाप नहात, ता आपरो आप ला दगा देसेजन अना आमरो मा खरो नाहोति।

1 योहन 2:4

अदि कोनी कव्हसे की, “मि परमेस्वर ला जानासेऊ!” अना ओको हुकूम गीन ला नही मानासे ता उ खोटो से। ओको मन मा खरो नहाय।

1 योहन 4:20

अदि कोनी कव्हेत, “मि परमेस्वर लक माया राखासेऊ,” अना आपरो भाऊ लक ईरसा राखेह ता उ खोटो से; काहेका जोन आपरो भाऊ लक जेने ओला चोयीसेस माया नही राखा, ता उ परमेस्वर लक भी जेनला ओना नही चोयीसेस माया नही राख सकासे।