1 कुरिन्थियो 8:13 - सत मारग पर चलन वारो किताब

¹³ एकोलाय अदी मोरो जेवन, मोरो भाऊ अना बहिनगिन को लाय, पाप को कारन बना सेत, तो मी सदा जेवन नही जेहुँ। कही असो ना भई जाय का, मी आपरो भाऊ अना बहिन को काजी पाप को कारन बन जाऊ।

1 कुरिन्थियो 8:13 ပူးပေါင်းရင်းမြစ်များ

मत्ती 17:27

पर आमी उन लोकहुन ला नाराज नही करबिन एकोलाई झील पर जाय अना अपरो गल फेक अना मंग जोन पयली मसरी धराहे ओको टोंड उघाड़ तोला चारअना को सिक्का मिलेह। ओला आन के मोरो अना आपरो लाई उनला दे-दे।

पेरीत 15:20

पर उन ला लिख धाड़यो का मुरती को पर चघायो जुनुस, छिंनरापन अना गला घोटयो जनावर को मांस अना खून लक दुहुर रहेत।

रोमियो 14:13

एकोलाय आमी एक मेक ला दोस लगावनो सोड़के ना आपसी मा तय करलेव। का कोनी आपरो भाऊ को रस्ता मा खोद्दा को कारन नोको पैदा करे अना जाल बिछायेति।

रोमियो 14:21

साजरो तो यो सेत, का मांस अना दारू ला नोको खाय पिये, अना कोनी असो काम नोको करो, जोन को लक कोनी भाऊ अना बहिन खोद्दा खाय, अना आपरो रस्ता लक भटक जाय।

1 कुरिन्थियो 10:32

तुमी ना तो यहूदी हुन अना यूनानी गीन को लाय ना परमेस्वर को कलीसिया को लोकगीन काजी पड़न को कारन बनो?

1 कुरिन्थियो 10:33

जसो मी सब गोस्टी लक सबला खूस राखासू अना आपरो नही पर लगत मानुसगिन को भलो चव्हासू, का लगत मानूसगिन को सूटकारा भई जाये।

1 कुरिन्थियो 13:5

माया सोभा नही देवनवारा बेवहार नही करा सेत। उ आपरो सुवारत नही ढूढा सेत। माया न तो हिजड़ा सेत अना बुराई को गिनती नही राखा सेत।

1 कुरिन्थियो 6:12

तुमरो मा लक कोनी असो सांगेत, “मोला सब चीज बेखटका करन को अधिकार सेत।” “हव पर सब साजरा नाहती।” मी असो सांग सका सू, “मोला सब चीज करन को सूट सेत।” “पर मी कोनी चीज को गुलाम नहिसेऊ।”

1 कुरिन्थियो 9:12

अदी दुजो लोकगीन ला तुमी पर यो हक से, तो का बराबरी मा हमरो लगत हक नही? मंग हमीना यो हक ला नही बवजसेजन, काहेका हमी मसीह को साजरो बारता मा कोनी बाधा डाकनो नही चाव्हा सेजन। एको लाई हमी, हर तौर लक दुख उठासेजन।

2 कुरिन्थियो 11:29

कोनी को कमजोरी लक मी कमजोर नही होवासू, कोनी को ठोकर खावन लक मोरो जीव नही दुखसेत।

2 कुरिन्थियो 6:3

आमी नहीं चाव्हसेजन की कोनी ला भी आमरो सेवा मा दोस मिल जाहे, एकोलाय आमी कोनी ला भी रस्ता मा रोड़ा लावन की कोसिस नहीं कर रही से।