1 कुरिन्थियो 7:34 - सत मारग पर चलन वारो किताब

³⁴ अना वोको धियान संसार मा बट जावासे, अखीन जोन कुंवारी सेत वोला पिरभू को आतमा को चिन्ता रव्हा सेत। का वा देह मन लक पवीतर होयहेत पर सादि-सूदा बायको, आपरो नवरा ला खुस राखन चाव्हा सेत।

1 कुरिन्थियो 7:34 ပူးပေါင်းရင်းမြစ်များ

योहन 10:13

उ एक बनिहार आय अना वोला मेंढा गीनको फिकर नहात, एकोलाय वा उनला सोड़के पराय जावासे।

रोमियो 6:13

अना आपरो आँग ला बदी को हथियार होवन को लाय पाप ला नोको सोपो। तुमी अपरो आप ला मरो हुया मा लक जित्तो समझके अपरो आप ला परमेस्वर ला दे देव। अना आपरो देह ला धरमिपन को हतियार बनन काजी परमेस्वर ला सोप देव।

1 कुरिन्थियो 6:20

काहेका तुमी मोल देके सूटायो गयो सेव, एको एवज मा आपरो तन लक, परमेस्वर को महिमा करो।

1 कुरिन्थियो 7:33

पर जोन सादी-सूदा सेत उ दुनिया दारी को चिन्ता करा सेत। अना उ वोको बायको ला खुस राखन चाव्हा सेत।

1 कुरिन्थियो 7:35

मी यो गोस्टी तुमारो भलाई को लाय कव्हासू, तुमला उलझान काजी नही, यो काजी जसो सोबा देवासेत वसोच करो। का तुम एक चित लक पिरभू को सेवा करो।

2 कुरिन्थियो 11:28

अना लगत गोस्टी जोनला मी सागंनो नही चाव्हसू, सब कलीसिया हुन को फिकर, मोला राती-दिवस सतावा सेत,

2 कुरिन्थियो 8:16

परमेस्वर को धनवाद हो, जोनना तुमारो लाय वोच जोस तितुस को दिल मा डाख दियो सेत। काहेका तुमी आमरो मदद कर रहयो सेव।

फिलिप्पियो 1:20

मि यो खुल्लो दिल लक मनसा अना आसा राखासेऊ का मि कोनी गोस्टी मा नोको सरमाऊ, पर मोरो तन लक हमेसा मसीह को बड़ाई मोठो ताकत लक होत रव्हे, अबा मि चाव्ह जित्तो रव्हु या मर जाहुँ, पर वसोच बड़ाई होवतो रव्हे।

1 थिस्सलुनीकियो 5:23

अबा सान्ती को परमेस्वर आतमा आपच तुमला पूरो पवीतर करहे। अखीन तुमरो आतमा, परान अना देह हमरो पिरभू यीसु मसीह को आवन तकन पूरो रिती लक निरदोस अखीन साजरी रह।

1 तीमुथियुस 3:5

जबा कोनी अपरो घर की देख-रेख करनो नही जाने त परमेस्वर की कलीसिया की देख-रेख कसो करहे।

1 तीमुथियुस 5:5

जोन सहि मा बेवा से अना वोको कोनी नही उ परमेस्वर पर आस राखीसेस अना रात-दिवस बिनती अखिन पिराथना मा मगन रहवसे।

तीतुस 3:8

यो गोस्टी खरी से, अना मी चाव्हसु की तु ऐना गोस्टी गीन को बारे मा मजबुती लक बोलजोस। एकोसाठी की जिनना परमेस्वर पर बिस्वास करयो सेत। वय भलो-भलो कामगीन मा लगयो रव्हन को धियान करेत। जोन गोस्टी साजरी अना मानूस को फायदा की रव्हे।