1 कुरिन्थियो 5:11 - सत मारग पर चलन वारो किताब

¹¹ पर मिना सहीमा, यो लिखि सेव का, अदी कोनी मसीह भाऊ कहलावा से, अना छिनरापन, लालची, मुरत पुजा करनवालो, सिवा देवनवारा, बेवड़ा, लुटेरा, होहे ता वोको सगंति नोको करा जोस। पर असो मानूस को संग, जेवन नोको करा जोस।

1 कुरिन्थियो 5:11 ပူးပေါင်းရင်းမြစ်များ

मत्ती 18:17

अदि नही माना सेत ता कलिसिया मा जायके सांग, पर उ कलिसिया को भी नही मानहेत, तो वोला गैरयहुदी जमा लेवनवालो मुरतीपुजा वालो जान।

मत्ती 23:25

अरे कपटी मोसे को नियम को गुरू अना फरिसी गीन, तुमरो पर धिक्कार से तुमी बटकि अना भानी ला ओरिया-ओरिया, साजरो लक माजासेव, पर तुमरो भीतर हिन्सा अना सुवारत सेत।

लूका 18:11

मोसे को नियम को गुरू उभो-उभो असो, पिराथना करत होतो। “परमेस्वर मी तोला धनवाद देवासू, का मी दुसरो लोकगीन जसो, लोभी, अन्यायी, गलत काम करन वालो नहि सेव, अखीन यो जमा वसूली करन वालो, अन्धेर करन वालो जसो नही सेव।

लूका 21:34

एकोलाय होसियार रव्हने, असो ना होहेत एने जीवन को, भोग-विलास, नसा-पानी अना संसार को, चिन्ता मा तुमारो मन लग जाहेत, अना एकदम वोना दिवस जाल जसो आ जाहेत।

पेरीत 1:15

काही दिवस मघा बिस्वासी भाऊ गिन को सभा मा जोन एक सम्बर बीस लोक गीन होतिन। पतरस उभो होयके कव्हन लगयो।

पेरीत 9:17

तबा हनन्याह उभो होय के घर मा गयो, जहान साऊल होतो, अना भितर जायके अना साऊल पर अपरो हात रखके कहीस, अरे भाऊ साऊल जोन पिरभू यीसु ना यहान आवत बेरा, तोला रस्ता मा दरसन दियो होतो, वोनच मोला धाडीसेस, का तु दुबारा चोवन लगे, अना तू पवीतर आतमा लक पूरो भर जाय।

रोमियो 13:13

आमी दिवस को लक खरो चाल-चलबिन। आमी रगिलोपन नसा पानी गन्दोकाम, अना छिनालापन जलन अना देह को वासना झगड़ा-रगडा लक दुहुर रव्हबिन।

रोमियो 16:17

अबा ओ भाऊ अना बहिन गीन, मि तुमरो लक बिनती करासू का जोन लोकगीन वोना सिक्सा को विरोध मा जोन तुमीना पाइसेव, फूट डाखन अना ठोकर खावन को कारन सेत। उनला ताड़ लेव अना उन लक दुहुर रव्हो।

1 कुरिन्थियो 10:14

मोरो माया को भाउ अना बहिनगीन। तुमी मुरत पुजा लक दुर रव्हो।

1 कुरिन्थियो 11:21

काहेका हरेक मानूस सटाकनारी आपरो-आपरो जेवन करन ला बस जावा सेत। असो कोनी खाली पोट अना कोनी भरपेट जेवन करा सेत। अना कोनी लगत पी डाकसेत।

1 कुरिन्थियो 5:13

बाहेरवालो लोक गीनको नियाव, परमेस्वर करा सेत। पर तुमी असो खोटो काम करनवारा ला, आपरो बीच लक हेड़ देव।

1 कुरिन्थियो 6:10

न तो चोर, बेवड़ा, न सीवा देवन वालो, ना तो लुट-खसोट करन वालो, परमेस्वर को राज को वारिस होहेत।

1 कुरिन्थियो 6:6

अबिस्वासी गिनको पुढ़ा, न्याय भेटन लाय आपरो भाऊ-भाऊ पर नालिस करा सो। यो तुमरो काजी सरम को बात सेत।

1 कुरिन्थियो 6:9

का तुमीला नही मालूम सेत? का बदी करन वालो परमेस्वर को राज मा वारिस नही होहेत। धोखा नोको खावो, छिनरापन करनवारा, ना तो मुरत पुजा करनवारा, ना दुसरो को बायको संग सोवनवारा, छिनाल,

1 कुरिन्थियो 7:12

दुसरो लक पिरभू नही, पर मी सांगासू, का अदी कोनी भाऊ को बायको बिस्वास नही राखा सेत, अना वोको संग खुसी लक रव्हा सेत तो उ वोला नोको सोड़े।

1 कुरिन्थियो 7:15

पर जोन नवरा भरोसा नही राखन वारा सेत, उ अदी बेगरो रव्हे, तो वोला बेगरो होवन देव, असो दसा मा कोनी भाऊ, अना बहिन कब्जा मा नाहती। काहेका परमेस्वर ना अमीला मेल करवान काजी हाकलि सेत।

1 कुरिन्थियो 8:11

असो रीत लक तोरो गियान को कारन लक, उ कमजोर बिस्वासी जोनको लाय मसीह मरयो सेत, नास भई जाहेती।

गलातियो 2:12

काहेकि याकूब को यहान लक काही लोकगीन को आवन लक पुढ़ा, उ परजात गीन को संग जेवन करत होतो। पर जबा वय आइन ता खतना वालो को भेव लक उन लक हट गयो अना एक कना करन लगयो।

इफिसियो 5:18

दारू ला पीवके बोलनवारा ना होवने, काहेकि एको लक लुच्चाई होवासे, पर एको उलट आतमा लक भरजाव।

इफिसियो 5:5

कायसेकि तुमी पिक्को लक जानसेव का असो कोनी भी मानूस जोन दुराचारी सेत, अपवितर अना लोभी सेत, जो एक मुरतिपूजक होवन जसो से। मसीह को अना परमेस्वर को राज को वारसाना नही पाय सका।

कुलुस्सियो 3:5

एको लाई आपरो उन आँग ला मार डाको जोन धरती मा रव्हसेत मजे छिनालापन असुध्दता, नीच काम बुरो कामना अना लोभ ला जोन मुरत पुजा को बरोबर से।

2 थिस्सलुनीकियो 3:14

अदी कोनी आमरी येने चिठ्ठी की गोस्टी नही मानेह ता ओको पर नजर राखने, अना ओको संगति नही करने। जोको लक की उ लजाय जाहेती।

2 थिस्सलुनीकियो 3:6

ओ भाऊ आमी तुमला आपरो पिरभु यीसु मसीह को नाव लक हुकूम देसेजन की तुमी हर कोनी एक असो भाऊ लक दुर रवहने जोन बिगड़ी चाल जसो चाल चलन मा रव्हसे जोन सिक्सा ला ओना आमी लक पाइसे ओको जसो नही करासे।

1 तीमुथियुस 3:3

दरवा अना मारपीट करनवालो नही होहे पर साजरो मानूस होहे अना झगड़ालु अखिन लालची नोको होहे।

1 तीमुथियुस 6:5

अना वय मानूस गीन मा बेकार झगड़ा-राड पैदा होवासेत जेनको लक अक्कल बिगड़ गईसे अना उ खराई लक दुहुर भय गीन जोन समझासेत का भक्ती कमाई को जरिया से।

2 योहन 1:10

अदी कोनी तुमरो कठा आयके यो सिक्सा ला नही देसे, ता ना ओला आपरो घर मा ओको आवभगत करने अना नाच ओको पहुचन पर नमस्कार करने;

परकासित वाक्य 2:14

परा मोला तोरो विरोध मा काही कव्हनो सेत। तुमरो मा काही लोक सेत। जोन बिलाम को सिक्सा को पालन करा सेत। बिलाम ला सिक्सा दियो होतो। का इजरायली गिन मुरती पर चघायो जेवन जेये, अखिन छिनाला करन लाय राजी कियो जाय।

परकासित वाक्य 2:20

पर मोला तोरो विरोध मा मोला यो कव्हनो से, की तु ओनो आई-माई ईजबेल ला आपरो बीच रव्हन देसेस, जो आपरो आपच ला भविस्यवक्तनी कव्हसे, अना मोरो दास गीन ला छिनालापन काम करन अना मुरत गीन को पुड़ा चघायो हुयो मांस खान को लाई, सिखावसे अना भटकावसे।

परकासित वाक्य 21:8

“पर डरपोकगीन, अबिस्वासी, निन्दक, हत्यारागीन, छिनाल अना छिंडरागीन, टोन्हा, मुरत पुजा करनवारा, अना सबच झूठो को जघा ओना झील मा होहे, जो स्तो अना गन्धक लक पेटा से। योच से दुसरी मिरतु।”

परकासित वाक्य 22:15

पर कुतरा अना टोनहा अना छिंडरावारा अना खूनी अना मुरत पुजा करनवारा, अना हरेक झुठो को चहेतो अना बनानवारा बाहेर रह।